Lʉkas 4:41 - Kálara Zyɛ̌m Edwán é mpʉ̌n

⁴¹ Moleme, mé a be ó lé eduho bʉr é monyʉl é buobuo. Mé a si bʉ bɨtim, le elɛɔ ó: «Go ó Mwan mo Zyɛm!» No ó nye a ze bâm e moleme maa, ndwe le epɨr me mɨnʉm, ó mé l'alwib, ebe, mé a si kʉ gʉa ó, nye ó Lœma mulo mo Zyɛm.

Kálar Nzyɛ̌m : Ejwán é Sáá

⁴¹ Meleme ɨ́ buo buo, mé á be ó lɨ́ eduho bʉ̂r ɨ́ menyʉ̂l. Mé á si bʉ̂ bítím, lɛ́ɔɔ ó: “Go ó Mwân mé Nzyɛ̌m!” Nó ó Yésʉs á nze nkáŋla e meleme maá, pɨr mé lwǐb, ebě, meleme maá, mé á si kʉ gʉ́a ó, nye ó dí Mʉ̌r Nzyɛ̌m á lœm múló mé jwɨ́ɨ nyá.

Lʉkas 4:41 Iomraidhean Croise

Mataos 26:63

Yesʉs a kʉ ka di ó njɨ é titil. No ó njwɨɨ opara a ze lɛɛ e nye ó: «Me egwii go mofoo é die mo Zyɛm ndɨ kublakubla ɛ, ó go lɛŋɨ bɨh nkʉ go ó Lœma mulo mo Zyɛm le Mwan mo Zyɛm.»

Mataos 4:3

Satan ze pyal gumo Yesʉs a be e. Nye e nye ó: «Yé be ó, go ó Mwan mo Zyɛm nɛʼɛ, lɛŋɨ mokoʼ maʼ ó, mé lihba bɨbler.»

Mataos 8:16

É bii kʉʼ yaa, bʉr ntɔʼ ze e buobuo bʉr o b'a sia e moleme e. E lwib nʉm, Yesʉs ntɔʼ dwih bʉr moleme maa le etiʼ nteme mɨsyoblʉ mimyɛh.

Mataos 8:29

Bé ntɔʼ lɛɛ okʉkʉ ó: «Mwan mo Zyɛm, go esaa yé e bɨh wâ? Zê go lé eze kab bɨh bɨntɨʼa é jɔʼ etiʼ e mɨlɔb l'apa pyal ɨ?»

Mataos 8:4

Yesʉs ze lɛɛ e nye ó: «Anyamle lɛɛ mʉr mpʉ go tiʼe e. Sa gwar, toʼ boo opara. Toʼ, to lɛʼle be mpʉ nyʉl go mu ɨ. Go à dwe mɨndwɛa Moyiz a lɛɛ ó, go lɛʼla be, bé nkʉʼ pubo go e. Yé ósa ó, bʉr gʉŋa ó, gɨ tiʼe.»

Markus 1:25

Yesʉs ntɔʼ bâm e bɨbla sisim yaa. Nye e ye ó: «Dibla nʉm. Duha mʉr nɨ é nyʉl.»

Markus 1:32

É bii kʉʼ yaa, jɔʼ dobo, lé a lɨŋa ɛ, bʉr ntɔʼ ze boo nye e mɨsyoblʉ myɔɔ mimyɛh le bʉr o b'a sia e moleme e.

Markus 1:34

Nye ze tiʼ mɨsyoblʉ é buobuo myé a be e mosyɛb é monyʉl mɨmbi mɨmbi ɨ. Nye a si dwih buobuo moleme é bʉr o b'a sia e me e. No ó, nye a si pɨr moleme maa mɨnʉm, ó mé l'alwib, ebe, mé a si kʉ dweʼe nye.

Markus 3:11

Bʉr o b'a sia e bɨbɨbla mɨsisim ɨ, é jɔʼ bé a bee-bee nye e, bé a be-be ó lé ebɨʼɔ mompom mɔɔ si, le ebɨʼla kʉ kʉ ó: «Go ó Mwan mo Zyɛm!»

Lʉkas 4:39

Yesʉs ntɔʼ cyɛb kunokuno e nye, ze bâm e l'esyɛb. Esyɛb laa ntɔʼ sie é kɛŋ. Cye e cye yaa, mʉma nɨ ntɔʼ mʉa si, ze taare lé esea e be.

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

Jacques 2:19

Gwɔɔ lɛɛ ó, Zyɛm, nye ó njɨ ngwar. Go ntɔʼ lɛɛ ó, lɔɔ waa, wé ó ndɨ elɛʼle ó, gʉ jyɛʼ taa buʼo yo boo Zyɛm. Yé ó mbɨmbɨa! Dam be moleme, mé egʉa nteme no. Ebe no ó mé ndɨ esaʼ é ngba-ngba-ngba e bʉa ɛ.