Lʉkas 4:32 - Kálara Zyɛ̌m Edwán é mpʉ̌n

³² Bé a be ó si jehe mbi sikʉlʉ nye a dwe be e, ebe, yé a be ó e nkul mojwɨ̀ʼa Zyɛm a dwe nye e.

Kálar Nzyɛ̌m : Ejwán é Sáá

³² Bé á be ɨ́ buú kâm mbi mílɛ́ʼlá nyé á dwidwe bé mí, ebě, nye á dwe myé ó e nkul jwɨ́ɨ.

Lʉkas 4:32 Iomraidhean Croise

Markus 1:22

Bé a be ó si jehe mbi sikʉlʉ nye a dwe-dwe be e, ebe, nye a yeʼle-yeʼle be ó e nkul mojwɨ̀ʼa, siila e l'oyeʼle o motie bɔɔ.

Lʉkas 2:47

Sa yiyɛh bé a joʼo nye lé elɛɛ ɛ, bé a si jehe ye, é wiha mbi ocyoo, le mɨmbi mompɨha nye a dɨ bɨha motia mɔɔ ɛ.

Lʉkas 4:33

É ntuntuma bʉr yé a be mpah mɨnjwɨʼla ɛ, nuu mʉr a be ó tɨʼ e l'eleme, bɨbla sisim. Nye ze bahle nkœme ó:

Lʉkas 4:36

Bʉr bɨbɛh ze jehe, taare lé elwibla paʼra wɔɔ ó: «Wáa mbi mokan ndɨ mpʉʼ wi? Nye ó e nkul mojwɨ̀ʼa ndɨ ó, ǃnye si lɛɛ e bɨbɨbla mɨsisim ó: “Duha nye é nyʉl” nɛʼɛ, byé ntɔʼ bana duho!»

Yʉanes 6:63

Mbɨambɨa Sisim ó ndɨ edwe bʉr tiʼ molu mo mpoʼ mɨmɛh. Mʉr ákwoʼ dira nyɔm e bɨsyɛɛla bɨ nyʉl bɨpuno. Bɨlwib me lé elwib e bɨn bi, byé eduho ó boo Mbɨambɨa Sisim. Byé nteme, byé ó lé edwe bɨn tiʼ molu mo mpoʼ mɨmɛh.

Yʉanes 7:46

Bɨpulʉm, byé e be ó: «Abe e mʉr ngwar ndɨ si pa lwib mpʉ mʉr nɨ!»

2 Korɛnt 4:2

Bɨh bé a nʉa tiʼa ó, bɨh bé aŋa sa bɨsyɛɛla bɨ fwon ndwe e byaa mofo, nkʉ sea e pɨʼ bɨkʉʉŋʉ. Lɔɔ Zyɛm bɨh bé a timlɔ, waa bɨh lé eyeʼle e, bɨh bé asiila sɔʼɔ tɨ. Bɨh bé ekʉ ka dwe ó njɨ mpaŋ sikʉlʉ ndɨ cyecye e. É mbi waa ó bɨh lé esa ó, mʉr nyiwɛh beŋɨ bɨh e mɨpɛhla mɨ leme ndɨ é pyɛɛɛ ɛ. Bɨh bé esa no ó, é mih mo Zyɛm.

1 Tesalonika 1:5

ebe, é jɔʼ bɨh bé a lɛɛ bɨn Mbɨambɨa Lɔɔ ɛ, bɨn bé a baanʉa lɔɔ waa e l'epɨh. Yé ó, ebe, é jɔʼ gwar yaa, Zyɛm a si lɛʼle bɨn nkul nɨnɨ we tɨ. Sisim we, wé a si fulo nteme é bɨn. Bɨn bé a ka gʉa é jɔʼ yaa ó, lɔɔ waa, wé a kʉ be ó cyecye. Bɨn bé egʉa nteme mpʉ bɨna bé a be-be ga ɛ. Bɨh bé a tiʼe-tiʼe no ó, é l'efu le edi bɨn e nyɔm.

Títos 2:15

No ó go lé ejala le elwib e bʉr, le etɨe be e. Dweʼ bʉr mobe e nkul mojwɨ̀ʼa go ndɨ e nye e. Mʉr beʼ l'apyeh go.