Lʉkas 4:25 - Kálara Zyɛ̌m Edwán é mpʉ̌n

²⁵ Me elɛɛ bɨn cyecye ó nɛɛ: yé a be ó e mɨkuho mɨ bʉba é buobuo é lal Ɨzraɛl é jɔʼ mo Élie, é jɔʼ mpie a cyɛb, aka nwɨɨ tɔɔ mɨmbu mɨlɛl e peh, mya za a nyaŋla é si waa nyiwɛh ɛ.

Kálar Nzyɛ̌m : Ejwán é Sáá

²⁵ Mě lɛ́ɛ́ bɨ́n lɨ́ otyeetye ó, yé á be ó e mikúhó mí bʉ́bá ɨ́ buo buo ɨ́ sí Ɨ́zraɛ̂l ɨ́ melû mé Elie, jɔʼ mpíé á be akǎ nwɨ́ɨ tâŋ mimbú mílɛ̂l e pêh yɨ́. Nza á si nyaŋla ɨ́ sí yɨ́yɛ̂h.

Lʉkas 4:25 Iomraidhean Croise

Mataos 20:15

Zê me aka be e nkul ó, me biʼe bɨsa byam é mpʉ me lé egwɨm ɨ? Ebe yé go lé ejoʼo me ebebe é lɔb ncwɨncwɨa wam ɨ?”

Lʉkas 10:21

É jɔʼ gwar yaa, Mbɨambɨa Sisim ze loŋlo leme mo Yesʉs e bɨsʉhʉ. No ó nye a lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ. Da, yé ó no! Me ekʉ dwiibɨ go, ebe, go a bɛa tiʼe é leme go ó, yé syɛŋɨ no.

Rôm 9:15

ebe, nye a lɛɛ e Moyiz ó: «Me ójwɨʼ nkoo ó, waa nyiwɛh me ókpɛl jwɨʼ nkoo e. Me ójoʼo nkʉnkoo e waa me ndɨ e nkʉnkoo e nye e.»

Rôm 9:20

Gwɔɔ mʉr lé edo e Zyɛm ɨ, go ebee ó, go ejala le entɛŋ nye motia, dɔɔ waa yé? Sa mʉr a me e deʼe e, zê yé e nkul ebɛʼ e mel ó: «Ebe yé go a me me mpʉnʉ nɨ» ɛ?

Éfɛsɔs 1:11

Bɨh oYʉden, bɨ syɛŋa é Yesʉs-Krɨst tʉŋlʉ ebe pɛha Zyɛm a pɛh bɨh ó, bɨh diʼe baa be, lé edu mɨtiila mɨ leme we. Nye ó mʉr lé egba nyʉl é sa ye yiyɛh, waa ndɨ esa ó, bɨsa bibyɛh, byé duʼo bɨgwɨma bɨ leme we e.

Éfɛsɔs 1:9

Nye ecyɛb bɨna ga é mɨleme ó, bɨna gʉŋa ga jwɨʼ nye a bɛa bà, yaa yé a lɛɔ é lwib odim ɨ. Yé ó sa nye a ka sa é gwɨma ye nye mʉr tɨʼ ɨ.

Jacques 5:17

Élie a be ó mʉr mpʉ bɨna ga. Nye a si jwɨʼla e nkul ó, mpie beʼ l'aka nwɨɨ, to pyal é jɔʼ mpie a bana cyɛb, aka nwɨɨ tɔɔ mɨmbu mɨlɛl e peh e.

Mɨngwiha 11:6

Jɔʼ bé ódɨ gwih mɨlɔb mo Zyɛm ɨ, bé óbe e nkul emɛr ompie ó, bé l'ayi ka nwɨɨ. Ndwe nteme, bé óbe ó e nkul esa ó, modibe, mé lihba motié. Bé óbe ó e nkul entɨh odil o si nwaʼ bɨbɛh bɨbɨbla bɨsɔʼɔ mɨmbi mɨmbi, dɨ ntɨh é jɔʼ yiyɛh bé kpɛl ɨ.