Lʉkas 4:20 - Kálara Zyɛ̌m Edwán é mpʉ̌n

²⁰ Yesʉs ze bula pile kalara waa, dwe mʉr a komo-komo okalara baa ɛ. Nye ntɔʼ di si. Bʉr bɨbɛh bé a be é mpah mɨnjwɨʼla ɛ, ntɔʼ dwɛʼɔ nye é tʉʉʉŋ.

Kálar Nzyɛ̌m : Ejwán é Sáá

²⁰ Nó ó Yésʉs á nze dible mekaná maá, dwe mʉ̂r á kʉkomo mekaná maá nyá. Nye ntɔ̂ʼ di sí. Bʉr bɨ́bɛ̂h o b'á be ɨ́ mpáh minjɨʼla bá ntɔ̂ʼ bɨʼɔɔ nyé mejwôʼlʉ ɨ́ nyʉ̂l ɨ́ tooobó.

Lʉkas 4:20 Iomraidhean Croise

Mataos 26:55

É jɔʼ gwar yaa ó Yesʉs a ze lɛɛ e ntuntuma bʉr yaa ó: «Bɨn bé si jeʼe esa, lé eze e mɨfòŋ e mɨmbɨŋ é mobo é jɔʼ bɨn lé eze naʼ me mobo é nyʉl ɨ. Yé ó mpʉ bé lé emɛr-mɛr bɨzilngan ɨ. Me a be-be ó, dobo lɨlɛh ndindil é jahla bii mo Zyɛm tʉŋlʉ, lé eyeʼle bʉr. Bɨn bé a baanaʼ me mobo é nyʉl.

Mataos 27:60

Nye ntɔʼ to dɨl muu é l'edwan e foo le, tuba nguʼ ekoʼ. Nye mʉr tɨʼ ó b'a piʼle ekoʼ laa. Pie tɨ, nye ntɔʼ biŋle lʉʉ ekoʼ enɨnɨ, buuro nʉm foo e tɨ, nyɛɛ ntɔʼ laa, to.

Lʉkas 19:48

Sa gwar, bé a be ó mɨleme é mo é zaaama, ebe, mɨzɨze mɨ bʉr mimyɛh, myé a be ó lé ekʉ gʉa joʼlo nye.

Lʉkas 4:17

Bé ze dwe nye mbom kalara ngwiha mɨlɔb Ezayi a tile e. Nye ze gwih kalara waa, ntɔʼ láa é peh yé a be tila ó:

Lʉkas 4:21

No ó nye a ze lɛɛ be ó: «Yi syɛɛ muh lé edira lɔɔ mo Da ndɨ tila é Kalara Zyɛm ɨ, é jɔʼ bɨn joʼo me e!»

Lʉkas 5:3

No ó Yesʉs a ze kable é guu byɛl, waa mo Simɔn. Nye ntɔʼ jwɨʼla e nye ó, bé cɛra ba e pɨn. Nye ntɔʼ di ndindil é byɛl, ze taare lé eyeʼle ntuntuma bʉr.

Yʉanes 8:2

É mɛn ntuʼkolo, nye ze bâʼle to é jahla bii mo Zyɛm tʉŋlʉ. Bʉr bɨbɛh ze to nko nye a be e. Nye ze di si, taare lé edwe be sikʉlʉ.

Mɨlʉmlʉ 16:13

É moho saba, bɨh ze mʉa é nkana, ze to é pɨn dibe, gumo bɨh bé a be lé ebɛa gʉa ó, bɨh bé ókœb oYʉden lé ejwɨʼla ɛ. Pyala bɨh bé a pyal tɨʼ ɨ, bɨh ntɔʼ komlo dia, taare lé elwib e sama bʉba bɨh bé a kœb, bé osi syɛŋa tɨʼ ɨ.

Mɨlʉmlʉ 3:12

Pyɛr ze bee, nye ntɔʼ dî e be ó: «Mbɛngɛɛ! Bɨn bwa b'Ɨzraɛl ɔɔ! Ebe yé bɨn lé etwɨra mpʉ mʉr nwaʼ tiʼɔ ɛ? Ebe yé bɨn lé edwɛʼ bɨh é tʉʉʉŋ mpʉnʉ, le esa mpʉ sa lɛɛ ó, nye kœʼ ó, ebe nkul wih, nkʉ ebe bɨh ó ndɨ é bul dwaabe Zyɛm ɨ?