Lʉkas 4:18 - Kálara Zyɛ̌m Edwán é mpʉ̌n

¹⁸ «Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.

Kálar Nzyɛ̌m : Ejwán é Sáá

¹⁸ «Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

Lʉkas 4:18 Iomraidhean Croise

Mataos 11:5

Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé epɛʼɔ sa ndɨ elœʼ be é mih mo Zyɛm ɨ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

Mataos 12:20

Nye ákwoʼ bɨh lɨ mu lé ecyɛʼ ɛ. Nye ákwoʼ turo empom e saŋ, ó wé dima njʉl elama mu lé egwɨm ja dwo e. Nye ósa syɛɛla embɨa yaa ó, to pyal é jɔʼ bʉr, bé ómɛʼle ó, Zyɛm, nye esa sa ndɨ cɨcyel ɨ.

Mataos 4:16

Baa b'a taare be é l'edurʉ ɨ, bɨ bee bwaʼbwaʼ myɛn! Bʉr o b'a di-di é ka foo e, bé mu ó é myɛn!»

Mataos 5:3

Nye ó: «Mocyɛʼ mo mpom e bʉr o ndɨ ekʉ gʉa ó, mɨsisim myɔɔ, myé ejyeb é nko paʼ egʉa Zyɛm ɨ, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e!

Lʉkas 4:17

Bé ze dwe nye mbom kalara ngwiha mɨlɔb Ezayi a tile e. Nye ze gwih kalara waa, ntɔʼ láa é peh yé a be tila ó:

Lʉkas 6:20

No ó nye a ze dwɛʼ nko ompʉn be, bé a be e, ze lɛɛ e be ó: «Mocyɛʼ mo mpom, mé e bɨn, baanteʼenteʼe. Jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bɨn ɨ.

Lʉkas 7:22

Nye ze bɨha e be ó: «Bula to lɛɛ ga Yʉanes sa bɨn a bee le ejoʼo e. Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé etiʼɔ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Yʉanes 1:41

No ó, mʉr efoʼ Andreas a taare to kœb ɨ, a be ó tʉl we Simɔn. Nye e nye ó: «Bɨh bɨ bee waa ndɨ Messie ɨ!» (No yé edwirɔ ó: «Lœma mulo mo Zyɛm».)

Yʉanes 12:46

Me a ze kaʼ é si nwaʼ ó, me pɛnɨ bʉr myɛn, ó mʉr nyiwɛh lé ejyɛʼ taa buʼo ye boo me e, nkʉʼ duho é l'edurʉ, to é myɛn ɔɔ!»

Yʉanes 3:34

Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Mɨlʉmlʉ 4:26

Mɨnjwɨɨbʉr mɨ si nwa, myé a si cyɛb é cye dɔm. Otamabʉr o mɨlal mimyɛh, bɨ gwɨhla, le ebà jwɨʼ ó, bé lwimla ó e Da, lwimla nteme e Lœma mulo mo Zyɛm.”»

Mɨlʉmlʉ 4:27

Obuʼla ze ko tɨʼ ó: «Mpʉ yaa nteme ó yé a ka fuʼla ɛ! Ebe, yé cyecye ó, njwɨɨbʉr Erod Antɨpas bé e ngoman Pɔŋtos Pilat, bé a si syɛŋa é nkana yi, bé e bwa b'Ɨzraɛl, ndwe e bʉr o ndɨ abe oYʉden ɨ. Bɨbɛh, bé a si di bʉm, bònɔ pɨʼ ó, bé lwimla ó e syɛl mosa go Yesʉs, Mʉr ndɨ ti, waa go a lœm mulo e.

Kolosi 1:13

Zyɛm, nyi syɛb bɨna ga e boo nɔɔ é mpel mo Satan, ntɛŋ bɨna ga é jwɨ̀ʼa mo Mwan kpɛl we.

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.