Lʉkas 3:8 - Kálara Zyɛ̌m Edwán é mpʉ̌n

⁸ Guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e. Ataare ga lé elɛɛla paʼra win ó: “Bɨna ga bé e sɔŋ ó, Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Kálar Nzyɛ̌m : Ejwán é Sáá

⁸ Gúmáá gá mimpaŋ mi mpúmó mi dí ejala e bʉr o mû sí dwira míléme bá. Atáare gá le elɛ́a páʼ nyɨ́n ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Lʉkas 3:8 Iomraidhean Croise

Mataos 21:43

«Ebe no, me elɛɛ bɨn ó nɛɛ: Zyɛm muno ze pɛʼ jwɨ̀ʼa ye bɨn ye, lé eka to jwɨ̀ʼ bʉr o ndɨ abe oYʉden ɨ. Bɛɛ, bé ósea e nye syɛɛ ye! [

Mataos 3:8

Ebe no, guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e.

Mataos 3:9

Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Lʉkas 13:25

«É jɔʼ mʉr mbɛr ómʉa, ze pɨr ebe e l'engʉŋ ɨ, bɨn bé óliʼ kʉl. Bɨn bé ókwaʼle, é kwaʼle, kwaʼle, le ejebe ó: “Da ɔɔ! Ntaʼ, ze dib bɨh ebe ʉʉ.” Nye óbɨha ó: “Me adweʼe bɨn. Me agʉa nko bɨn duho e.”

Lʉkas 13:26

Bɨn bé ótaare lé elɛɛ e nye ó: “Da, bɨna ga ó b'a be lé ede-de le enyʉl-nyʉl gumo gwar. Ntʉʼ bɨh go a yeʼle-yeʼle é mɨmpaʼa mɨ nkana ga yina ba ɛ?”

Lʉkas 14:9

Mʉr a jebe bɨn e nɔɔ ɛ, nye ólɛɛ e go ó: “Mʉŋa naa. Paʼ dwe tamamʉr dia nɨ.” Go óto di é dia ndɨ é bul pyehɔ ɛ, go osi bil fwon.

Lʉkas 19:40

No ó Yesʉs a bɨha e be ó: «Me elɛɛ bɨn ó nɛɛ, ǃbé si dible mɨnʉm, aka lwib nɛʼɛ, mokoʼ maʼ, mé ódwe me kum e motwii kʉ, bʉŋɔ bɨyaŋa!»

Lʉkas 19:9

No ó, Yesʉs a lɛɛ e nye ó: «Bʉr o mbɛr wi, bɨ bi tiʼ molu mo mpoʼ mɨmɛh muh, ebe, mʉr nwaʼ nteme, nye ó ma nta mo Abraham.

Lʉkas 5:21

No ó, oyeʼle o motie bé e l'oFarizyɛŋ ze taare lé elwibla é mɨleme myɔɔ ó: «Mʉr waa lé ekʉ pyeh Zyɛm nwa, nye zé? Zé ndɨ e nkul epɛʼ bɨbaa Zyɛm lé eniʼe bʉr é lɔb mɨsyem myɔɔ ɛ? Njɨ Zyɛm nye ome!»

Yʉanes 8:33

Bé e nye ó: «Bɨh bé ó mpoŋbʉr mo Abraham. No ó, bɨh bé apa di molʉa mo bʉr. Wáa mbi zi go ndɨ e nkul elɛɛ e bɨh ó, bɨh bé ófuʼla di é dia otî ɨ?»

Yʉanes 8:39

Bé e nye ó: «Wɛɛ! Sɔŋ wih, nye ó Abraham!» Yesʉs, nye e be ó: «Nkʉ bɨn bé a be ó be, be mpoŋbʉr mo Abraham cyecye nɛʼɛ, mpa bɨn mu ó lé esa bɨsyɛɛla nye a sa-sa ɛ.

Mɨlʉmlʉ 26:20

Me a kʉ ka taare ó njɨ e tuno Mbɨambɨa Lɔɔ, taare é bʉr o Damas bé e baa o Yerʉsalɛm, ndwe e baa bɨbɛh ndɨ é lal Yʉda ɛ, to pyal é mɨlal mɨ bʉr o ndɨ abe oYʉden ɨ. Me a lɛɛ e bɨbɛh ó, bé gwɨma mobebe mɔɔ, dwir mɨleme, le ejyɛʼ taa buʼo yɔɔ boo Zyɛm. Bɨsyɛɛla byɔɔ, byé óbe ó bɨdweʼle, sa lé elɛʼle ó, bé mu ó ocɨcyel o bʉr, le mɨleme mɨndwira ɛ.

Rôm 4:16

Ebe no ó Zyɛm a dwe Abraham bé e l'onta be, tiʼ molu mo mpoʼ mɨmɛh ebe taa buʼo bé a jyɛʼ boo nye e. Tiʼ molu mo mpoʼ mɨmɛh Zyɛm a kɛʼ bɨna ga ɛ, yé ó sa lé elɛʼle ncwɨncwɨa we e. Nkɛʼ waa, wé ó sa ebuʼlɔ é paʼ bʉr o mpoŋbʉr mo Abraham bɨbɛh. Yé a baadwɛʼ njɨ mʉr a du motie e. Yé a dwɛʼ nteme ó, mʉr a be e buʼo gwar mo Abraham ɨ. Yé ó, ebe, Abraham, nye ó sɔŋ ga wina, bɨna ga bɨbɛh.

Rôm 9:7

Ntʉʼ bʉr bɨbɛh ndɨ mpoŋbʉr mo Abraham ɨ, ndɨ bwan be. Yé ó mpʉ Zyɛm a lɛɛ Abraham ɨ. Nye a lɛɛ ó: «Bé óláa ó, mʉr, nye ó mʉr mpoŋbʉr go ó, nkʉ nye ó mpoŋbʉr mo Ɨzak.»

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.