Lʉkas 3:22 - Kálara Zyɛ̌m Edwán é mpʉ̌n

²² Mbɨambɨa Sisim ze fulo nye é nyʉl é baaa, mpʉ epɨba. Twii ze duho é jobo kʉ, lé elɛɛ ó: «Go ó mwan kpɛl wam. Me ekʉ mɨɨla e go.»

Kálar Nzyɛ̌m : Ejwán é Sáá

²² Sísǐm mé Nzyɛ̌m nzě sulǒ mpʉ épɨbaa, nzě berwo nyé ɨ́ nyʉ̂l. Etyêl nzě duho ɨ́ jʉ́o kʉ́, lɨ́ elɛ́ɛ ó: «Go ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e go.»

Lʉkas 3:22 Iomraidhean Croise

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

Mataos 27:43

Nye ejyɛʼ taa buʼo ye boo Zyɛm. Yé be ó, Zyɛm dina lé ekpɛl nye nɛʼɛ, nye kaʼ syɛb nye é l'ebebe lɨʼ é bananaʼ ʉʉ, ebe, nye a lɛɛ-lɛɛ nteme ó, nye ó Mwan mo Zyɛm!»

Mataos 3:13

No ó Yesʉs a ze mʉa ɨ Galɨle, to é l'ebʉm e dibe Yʉrdɛŋ nko Yʉanes a be e, lé esaa ó, nye nʉŋa ndubo mo Yʉanes.

Mataos 3:16

Jɨh tɨʼ Yesʉs a kʉ nʉa ndubo, le eduho é modibe, jobo ntɔʼ ze bɔa, nye ntɔʼ bee Mbɨambɨa Sisim mpʉ epɨba, lé efulo é baaa, ze bebre nye é nyʉl.

Mataos 3:17

Pie tɨ, nye ntɔʼ joʼo twii lé eduho é jobo kʉ, lé elɛɛ ó: «Nwaʼ, nye ó mwan kpɛl wam. Sʉhʉ yam yiyɛh, yé ó é nye.»

Markus 1:11

Twii ze duho é jobo kʉ lé elɛɛ ó: «Go ó mwan kpɛl wam! Me ekʉ mɨɨla e go.»

Markus 1:9

É molu maa, Yesʉs ze mʉa Nazarɛt é lal Galɨle, ntɔʼ to é l'ebʉm e dibe Yʉrdɛŋ. Tɨʼ ó Yʉanes a dù nye e.

Markus 9:7

Dwine ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwa, nye ó mwan kpɛl wam. Joʼa ga nye.»

Lʉkas 2:14

«Kum mo Zyɛm, nye bera kʉ, laa jobo e l'ejyoo le ebantɛn. Bʉr o si nwa, bé diʼe é motala, ebe, Zyɛm, nyi bee be mbɨmbɨa.»

Lʉkas 4:21

No ó nye a ze lɛɛ be ó: «Yi syɛɛ muh lé edira lɔɔ mo Da ndɨ tila é Kalara Zyɛm ɨ, é jɔʼ bɨn joʼo me e!»

Yʉanes 1:32

Yʉanes a boʼlo nteme ó: «Me a si bee Mbɨambɨa Sisim lé eduho é jobo kʉ, nwɨɨla e l'epɨba, ze fulo é baaa, ze di nye é nyʉl.

Yʉanes 12:28

Me ókʉ ka lɛɛ ó njɨ “Da, dweʼ die lo kum é buobuo!”» Twii ze duho é jobo kʉ ó: «Me a si taare dwe le kum. No ó, me óbâʼle dwe le kum é buobuo.»

Yʉanes 5:37

Ndwe nteme, Sɔŋ wam, mʉr a ntɨh me e, nye mʉr tɨʼ a be ó si boʼlo é lɔb wam. Bɨn bé apa joʼo twii we, nkʉ bee mpʉ nye lé enyin ɨ.

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Kolosi 1:13

Zyɛm, nyi syɛb bɨna ga e boo nɔɔ é mpel mo Satan, ntɛŋ bɨna ga é jwɨ̀ʼa mo Mwan kpɛl we.

1 Pyɛr 2:4

Dihla ga be kunokuno e mʉr ndɨ kublakubla ekoʼ, laa bʉr, bé a pyeh ɨ. Zyɛm nyɛɛ a si pɛh nye, ebe, nye a bee nye ó, mpʉ sa ndɨ é bul buo dime e.