Lʉkas 3:16 - Kálara Zyɛ̌m Edwán é mpʉ̌n

¹⁶ Yʉanes ze lɛɛ e bɨbɛh ó: «Mɛm, me edù bɨn ó e modibe. Sa gwar, mʉr ndɨ e nkul mojwɨ̀ʼa, laa me e, nye eze. Me abe mbi mʉr lé ejala le etii nye mɨkol mɨ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe.

Kálar Nzyɛ̌m : Ejwán é Sáá

¹⁶ Yʉánɛs nzě lɛ́ɛ bɨ́bɛ̂h ó: «Mɛ̌m du bɨ́n ó e medíbé. Yé e nyʉ́ʉ́ mʉ̂r dí e nkul jwɨ́ɨ, laa mé nyá. Nye lɨ́ enze. Mɛm, mé abě tyé mʉ̂r dí ó, me tíyɨɨ mikǒl mí ósípah myé nyá. Nyɨɛ ó ngá du bɨ́n e Sísǐm mé Nzyɛ̌m ndu e siʼe.

Lʉkas 3:16 Iomraidhean Croise

Mataos 3:11

«Mɛm, me edù bɨn ó e modibe, lé esaa ó, bɨn nkʉʼ gwɨma mobebe le edwir mɨleme min. Sa gwar, mʉr ndɨ edu me é koo pihe e, nye e nkul mojwɨ̀ʼa, laa me. Me abe mbi mʉr lé ejala le enkɛɛ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe!

Mataos 3:12

Nye e pyɛba é mobo. Nye ólwal mpumo, ntɔʼ pyɛb. Pie tɨ, nye ógwamle duò epyɛb yaa, ntɔʼ komo mɨpyɛba é bɨtaa. No ó, mpʉn nyɛɛ, nye ósyɛŋ nye é syɛŋ syɛŋ, ntɔʼ sʉ é siʼe ndɨ adime-dime e.»

Yʉanes 1:26

Yʉanes, nye e be ó: «Mɛm, me edù bɨn ó e modibe. Yé e nuu mʉr lé ecyɛb wâʼ é sama yin, waa bɨn ndɨ agʉa ɛ.

Yʉanes 1:27

Nye ó lé edu me é koo pihe. Me abe mbi mʉr lé ejala le etii nye mɨkol mɨ osilpah be e.»

Yʉanes 1:33

Mɛm mʉr tɨʼ a baataare gʉa nye. No ó, Zyɛm, waa a lomo me ó, me ntaʼ, ze dù bʉr e modibe e, a tɨe me ó: “Mʉr go óbee Sisim wam fulo, ze bebre nye é nyʉl ɨ, mʉr waa ó ndɨ edù bʉr é Mbɨambɨa Sisim.”

Yʉanes 7:38

Mʉr nyiwɛh lé ejyɛʼ taa buʼo ye boo me nwa ɔɔ, “Mɨsʉm montibe, myé ódɨ sah, lé eduho é leme we,” é mpʉ yé ndɨ tila é Kalara Zyɛm yi ɔɔ.»

Mɨlʉmlʉ 1:5

ebe, Yʉanes a dù-dù bʉr ó e modibe. Yi liʼ njɨ bwa molu abuo, bɨn bɛɛ, bé ónʉa ndubo ó, é Mbɨambɨa Sisim.»

Mɨlʉmlʉ 10:44

Pyɛr l'apa fil lwib nɛʼɛ, Mbɨambɨa Sisim ntɔʼ fulo é mʉr nyiwɛh a joʼo lɔɔ we e.

Mɨlʉmlʉ 2:33

Nye a si bere, to di si é mbo ejʉm mo Zyɛm. Nye ó b'a ntɨh bɨh Mbɨambɨa Sisim, waa Zyɛm Sɔŋ a kɛʼ bɨh ɨ. Wé ó bɨn lé ebee le ejoʼo e.

1 Korɛnt 12:13

Bɨna ga bɨbɛh bé a si nʉa ndubo ngwar, ntɔʼ ka di nyʉl ngwar é zi Sisim ngwar. Sisim ngwar ó b'a ze di é mɨleme ga mina. Bɨna ga bé ó jwɨʼ gwar yaa, mʉr dam be Yʉden, nkʉ mʉr kul fih, nye dam be elʉa, nkʉ mʉr ndɨ é dia otî ɨ.