Lʉkas 3:14 - Kálara Zyɛ̌m Edwán é mpʉ̌n

¹⁴ Bɨzima nteme ze dî e nye ó: «Bɨh bɛɛ nteme, bé ejala le esa nyá ɛ?» Nye ó: «Daʼ nʉa ga mɔn e nkul. Abuʼo ga bʉr mɨlɔb. Mɨɨla ga e bim myɛna bé lé edwe bɨn ɨ.»

Kálar Nzyɛ̌m : Ejwán é Sáá

¹⁴ Bisója ntémé nzě dî e né ó: «Bɨ̌h bɨɛ ntémé, bé ɨ́ jala le esâ nyá?» Nye ó: «Ayɨ́ nʉa gá mɔnɨ́ e nkul, nkʉ̂ e nzɨ̌ bilɛ̌ʼ. Bónáá gá enʉǎ bím myɛ́na bé á be ó, bé ójána bɨ́n má.»

Lʉkas 3:14 Iomraidhean Croise

Mataos 8:5

Jɔʼ Yesʉs a be si ni Kapernaʉm ɨ, nuu njwɨɨ nter bɨzima bɨ Rom ze dihle kunokuno e nye. Nye ntɔʼ jwɨʼla e nye ó, nye gulɨ nye. Nye e nye ó:

Lʉkas 19:8

No ó, Zachée a ze cyɛb, lɛɛ e Da ó: «Da, paʼ bee: Me óbɛʼ bɨsa byam, nʉa peh, jala e nkɔb ngwar é monkɔb moba, to dwe baanteʼenteʼe. Yé be ó, me a be ó si kʉa nuu mʉr, nʉa nye mɔn nɛʼɛ, me óbuulo nye ya, ntɔʼ ko bim mɔn yaa zɔʼ nâ tɨʼ kʉ.»

Lʉkas 3:10

Ntuntuma bʉr, yé ze dî e nye ó: «Yé be no nɛʼɛ, bɨh bé ejala le esa yé ɛ?»

Lʉkas 3:13

Nye ó: «Daʼ nʉa ga tœa, ntaa bim tî win a lomo bɨn ó, bɨn nʉŋa ɛ.»

Mɨlʉmlʉ 10:7

É jɔʼ engles a laa ɛ, Kɔrnɛl ntɔʼ jebe bʉʉ osyɛl o mosa be, oba, ndwe e yʉʉ zima é l'esama e bɨzima byé a sea-sea e nye e. Zima yaa nteme, yé a be ó lé edwaabe Zyɛm.

Filipi 2:15

Ebe no ó bɨn bé óbe e mɨleme é sɔɔɔ ɛ. Ebò e cyen lɨn, lé óbe ó, alɨŋa ba. Bɨn bé óbe ó bwan mo Zyɛm, abe e sa ebebe bé a ngbaa nwahle bɨn e tɨ. Bɨn bé óbul pan mpʉ baatwitwɛn ndɨ é jobo kʉ, teme ozyɛhozyɛh o bʉr o b'a lɨŋa, jyɛl ɨ diʼ ɨ.

Filipi 4:11

ǃMe si lwib no nɛʼɛ, yé alɛɛ ó, me ó é sɔɔlʉ bɨsɔʼɔ, ebe, mɨ bɛa jwɨʼ ó, me soha sa me ndɨ e ye e.

Títos 2:3

Lɛŋɨ mɨsile mɨ bʉba jwɨʼ gwar ó, bé kœʼœ mbi ebò e cyen ndɨ ejala e mʉr lé edwaabe Zyɛm ɨ. Bé l'ayi fœʼ bʉʉ bʉr. Bé l'ayi bɛble monwoʼ, nkʉ di molʉa mo tɨ. Bé dweʼ bʉr mɨmpaŋ motɨɨ.

Mɨngwiha 12:10

Pie tɨ, me a si joʼo bwaʼbwaʼ twii é jobo kʉ. Twii waa a lɛɛ kʉ kʉ ó: «Banana Zyɛm, nyi lɛʼle ó, tiʼ njʉmdia, le nkul, le jwɨɨ, byé ó bɨsa bye. Lœma mulo mo Zyɛm, nyi lɛʼle ó, nye ó ndɨ e nkul mojwɨ̀ʼa, ebe, bɨ fo waa a nwahle obuʼla jɔʼ yiyɛh é mih mo Zyɛm moho e pum ɨ. Bɨ guho nye si!