Lʉkas 3:1 - Kálara Zyɛ̌m Edwán é mpʉ̌n

¹ Yé a be ó é mbu ewʉm e tɛn Kɛɛza Tibɛrios a cyɛb njwɨɨ ɨ. Pɔŋtos Pilat a be ó ngoman é lal Yʉda; Erod Antɨpas nyɛɛ, njwɨɨbʉr é lal Galɨle. Ncyom we, die le Filip, a be ó lé ejwɨʼ mɨlal mɨ Itwire ndwe e Trakonitos. Lisanias nyɛɛ a jwɨɨ ó e lal Abilen.

Kálar Nzyɛ̌m : Ejwán é Sáá

¹ Yé á be ó ɨ́ mbû kám e tɛ̂n Kɛ́ɛza Tibɛ́rios á tyɛ̂b njwɨ́ɨ yɨ́. Pɔ́ŋtus Pilátos á be ó ngóvina ɨ́ sí Yʉ́da; Erôd nyɨɛ, ɨ́ sí Galilê. Mɨ́ɔɔ́ wé Philippe á be lɨ́ ejwɨ́ɨ mésí mé Itwirê ndu e Trakónitos. Lisanías nyɨɛ á jwɨ́ɨ ó, sí Abilên.

Lʉkas 3:1 Iomraidhean Croise

Mataos 14:1

É til molu yaa, njwɨɨbʉr Erod Antɨpas ze joʼo lɔɔ lé ejʉŋla mpʉ kol eboʼ é lɔb bɨsyɛɛla mo Yesʉs.

Mataos 14:3

Tina, yé ó, Erod ó b'a naʼ Yʉanes mobo é nyʉl, kaʼ nye, gba nye é mbʉʼ. Nye a sa no ó, é lɔb mo Erodiad, myaa ncyom we Filip. Yʉanes ze taare lé elɛɛ-lɛɛ e nye ó: «Yé mpene ó, go l'atiʼe e nye!»

Mataos 14:6

Dam be no, é jɔʼ moho zɔɔ ebyɛl mo Erod, wé a pyal ɨ, sile mo Erodiad, wé ntɔʼ fulo é duò zɔɔ, taare lé ebwal, Erod ze bul kpɛl zɔɔ nye a dɨ tiʼle e.

Mataos 22:17

Ebe no, lɛŋɨ bɨh é go paʼ, nkʉ motie ga mɨna, mé akamle mʉr ó, nye jɛna ga Kɛɛza tœa ɛ? Zê yé ó kɔmlʉ ó, mʉr jɛna nye nya ɛ?»

Mataos 27:2

É jɔʼ bé a be, bé mu si kaʼ nye monkara ɛ, bé ntɔʼ ze to e nye, to kɛhɔ nye boo Pilat, a be ngoman ɨ.

Markus 6:17

Tina, yé ó, Erod nye mʉr tɨʼ ó b'a lomo bʉr ó, bé toʼ, to naʼ Yʉanes mobo é nyʉl, kaʼɔ nye, gbaŋɔ nye é mbʉʼ. Erod a sa no ó, ebe lɔb mo Erodiad, myaa ncyom we Filip. Erod ze ba nteme nye.

Markus 6:21

Pie tɨʼ ó Erodiad a ka ze bee mbɨambɨa jɔʼ é dobo Erod a kaʼ zɔɔ ebyɛl le e. Nye a be ó si baŋle osabene be bé e l'ojwɨɨ o bɨzima onɨnɨ, ndwe e mɨnjwɨ̂ʼ mɨ bʉr mɨ lal Galɨle.

Lʉkas 13:31

É jɔʼ gwar yaa ó bʉʉ oFarizyɛŋ, bé a pyal gumo Yesʉs a be e. Bé e nye ó: «Pʉʼa wâ. Go toʼ gumo fih, ebe, njwɨɨbʉr Erod Antɨpas, nye ejɨ jʉ go.»

Lʉkas 2:1

Twii mojwɨʼa a be ó si duho boo Kɛɛza Ogust ó, bʉr bɨbɛh, bé toʼ, to tibla mie é láŋ-bʉr.

Lʉkas 23:24

Nye ntɔʼ fuo mɛʼle ó, nye ósa ó, mpʉ bɛɛ, bé a lɛɛ ɛ.

Lʉkas 3:19

To kœb ó, njwɨɨbʉr Erod Antɨpas a be ó si di e Erodiad, myaa ncyom we. Nye nteme a be ó si sa byʉʉ bɨsa bɨ ebebe é buobuo. É jɔʼ yaa yiyɛh, Yʉanes a be-be ó lé edwe nye mobe tɨ.

Lʉkas 9:7

Njwɨɨbʉr Erod Antɨpas a be ó si joʼo lɔɔ bɨsa bibyɛh byé a dɨ syɛɛlɨ ɨ. Nye a baagʉa ndumlo tɨ, ebe, baʼ bʉr, bé a lɛɛ-lɛɛ ó: «Yʉanes, nyi pàh é foo!»

Mɨlʉmlʉ 23:26

Yé ó mɛm, Klodiʉs Lisyas, ó lé etile go, Tamamʉr Felik, Ngoman wih. Me esoho go.

Mɨlʉmlʉ 24:27

Pie e mɨmbu mɨmba, Pɔrkios Fɛstwis ze nʉa dia mo Felik. Mpʉ ngoman Felik a be lé ekpɛl ó, oYʉden, bé beŋɨ nye mbɨmbɨa ɛ, no ó nye a liʼe Pol é mbɛr mɨmbʉʼ ɨ.

Mɨlʉmlʉ 26:30

Njwɨɨbʉr bé e ngoman, ndwe e Benik, ka kɛl baa bɨbɛh, bé e boo nɔɔ, bé a be tɨʼ ɨ, bé ze mʉa si,

Mɨlʉmlʉ 4:27

Obuʼla ze ko tɨʼ ó: «Mpʉ yaa nteme ó yé a ka fuʼla ɛ! Ebe, yé cyecye ó, njwɨɨbʉr Erod Antɨpas bé e ngoman Pɔŋtos Pilat, bé a si syɛŋa é nkana yi, bé e bwa b'Ɨzraɛl, ndwe e bʉr o ndɨ abe oYʉden ɨ. Bɨbɛh, bé a si di bʉm, bònɔ pɨʼ ó, bé lwimla ó e syɛl mosa go Yesʉs, Mʉr ndɨ ti, waa go a lœm mulo e.