Lʉkas 24:6 - Kálara Zyɛ̌m Edwán é mpʉ̌n

⁶ Nye aka be wâ. Nyi pàh! Toŋla ga mpʉ nye a lwib e bɨn é jɔʼ bɨn bé a be, bɨn dina é lal Galɨle e. Nye a lɛɛ ó:

Kálar Nzyɛ̌m : Ejwán é Sáá

⁶ Nyé akǎ be wâ. Nyɨ́ pah ɨ́ soo. Símsáá gá mpʉ nyé á lwib e bɨ̌n ɨ́ jɔʼ nyé á be, nye dína ɨ́ sí Galilê yɨ́. Nye á lɛ́ɛ ó:

Lʉkas 24:6 Iomraidhean Croise

Mataos 12:40

Ebe, mbi ngwar Yonas a di é mo bwaʼbwaʼ fu mɨmoho mɨlɛl, mɨpum mɨlɛl ɨ, mbi ngwar e ngwar waa nteme ó Mwan mo Mʉr ódi é foo mɨmoho mɨlɛl, mɨpum mɨlɛl ɨ.

Mataos 16:21

É dobo laa ó Yesʉs a lɛɛ ompʉn be ebe yé, yé ókʉ jala ó, nye toʼ ɨ Yerʉsalɛm ɨ. Nye sia e mɨtuu é buobuo é mobo mo otamabʉr o lal bé e l'ojwɨɨ be opara ndwe e l'oyeʼle o motie. Nye nteme ójʉŋɔ. Nye òbula pàh é l'elu elɛl.

Mataos 27:63

Bé e nye ó: «Da, bɨh bé etoŋlo ó, mpʉmpʉl nɨ, é jɔʼ wé a be, wé dina kʉ ɨ, wé a kʉ bana lɛɛ-lɛɛ ó: “É l'elu elɛl, me ópàh.”

Mataos 28:6

No ó, nye aka be wâ! Nyi pàh mpʉ nye a bɛa lɛɛ-lɛɛ ɛ! Ntaʼ, ze bee ga gumo nye a be njaʼa si ɨ.

Markus 16:6

Soho waa, wé ze lɛɛ e be ó: «Daʼ joʼo ga bʉa. Bɨn bé esaa ó Yesʉs, mʉr Nazarɛt, waa bé a cyèl é klos kʉ ɨ. Nyi pàh! Nye aka be wâ. Mbe ga: fum bé a jyɛʼ muu we ó yi!

Markus 8:31

Yesʉs ze taare lé eyeʼle ompʉn be. Nye ó: «Yé ókʉ be me é nere-nere ó, me sia e mɨtuu é buobuo, mɛm, Mwan mo Mʉr. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Lʉkas 24:34

Bé dina kʉ pyal nɛʼɛ, bé ntɔʼ kœb ó, bʉʉ ompʉn lé elɛɛla paʼra wɔɔ ó: «Yé cyecye ó, Da, nyi pàh! Simɔn be ó si bee nye!»

Lʉkas 24:5

Bé ze joʼo bʉa, ntɔʼ bɨʼɔ mompom mɔɔ si. Bʉr baa ntɔʼ lɛɛ e be ó: «Mʉr ndɨ kublakubla ó nɨ! Ebe yé bɨn lé eze saa nye é gumo odwè ndɨ ɨ?

Lʉkas 9:22

Nye ze lɛɛ e be ó: «Yé ekʉ jala ó, Mwan mo Mʉr, nye sia e mɨtuu é buobuo. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Lʉkas 9:44

«Bɨn bɛɛ, bɨn bé à kʉ gʉa mɛr ekan me muno ze lɛɛ bɨn é bananaʼ lɨ: Mwan mo Mʉr mu ó kunokuno le ekɛhɔ é mobo mo bʉr.»

Mɨlʉmlʉ 2:24

Zyɛm ze pɛ̀h nye é foo, pɛʼ nye é mokpaa mo efie, ebe, efie, lé a baabe e nkul mɛr nye é bɛabɛa,

2 Tesalonika 2:5

Zê bɨn bé atoŋlo ó, yé ó sa me a bɛa lɛɛ e bɨn é l'etɔɔrʉ é jɔʼ bɨna bé a be ga gumo gwar ɨ?