Lʉkas 24:44 - Kálara Zyɛ̌m Edwán é mpʉ̌n

⁴⁴ Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Kálar Nzyɛ̌m : Ejwán é Sáá

⁴⁴ Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Lʉkas 24:44 Iomraidhean Croise

Mataos 1:22

Bɨsa byaa bibyɛh, byé a syɛɛlɨ no ó, lé edira lɔɔ Da a lɛɛ é nʉm mo ngwiha mɨlɔb we ó:

Mataos 16:21

É dobo laa ó Yesʉs a lɛɛ ompʉn be ebe yé, yé ókʉ jala ó, nye toʼ ɨ Yerʉsalɛm ɨ. Nye sia e mɨtuu é buobuo é mobo mo otamabʉr o lal bé e l'ojwɨɨ be opara ndwe e l'oyeʼle o motie. Nye nteme ójʉŋɔ. Nye òbula pàh é l'elu elɛl.

Mataos 26:54

To kœb ó, nkʉ me be ó be, sa no nɛʼɛ, wáa mbi lɔɔ Kalara Zyɛm, wé óka dira, lé elɛɛ ó, me ejala le emɛrɔ ɛ.»

Mataos 26:56

No ó, syɛɛla yiʼ yiyɛh, yé a syɛɛlɨ no ó, lé edira lɔɔ ogwiha o mɨlɔb bé a tile é Kalara Zyɛm ɨ.» Pie tɨ, ompʉn be bɨbɛh ntɔʼ liʼe nye, ze kpɛɔ.

Markus 9:31

ebe, nye a be ó lé eyeʼle ompʉn be. Nye ó: «Mwan mo Mʉr ókɛhɔ é mobo mo bʉr. Bé ójʉ nye. No ó, é jɔʼ bé óbe si jʉ nye é moho lɛl pie tɨʼ ɨ, nye ópàh!»

Lʉkas 21:22

Ebe, yé óbe ó jɔʼ Zyɛm ókuna bʉr be e. Yé ósyɛɛ no ó, lé edira lɔɔ ndɨ tila é Kalara Zyɛm ɨ.

Lʉkas 22:37

ebe, me elɛɛ bɨn ó nɛɛ: sa bé a tile, tiibe e me e, yé ósyɛɛ, lé edira lɔɔ ndɨ tila é Kalara Zyɛm ó: “Bé a nʉa nye ó, mpʉ sa lɛɛ ó, nye ó syɛl ebebe.” Bɨsyɛɛla bi, byé ósyɛɛ lé edira mɨlɔɔ bé a tile é lʉ wam ɨ.»

Lʉkas 24:46

Nye ó: «Yé ó tila é Kalara Zyɛm ó, Lœma mulo mo Zyɛm, nye ejala le edihbe mokpaa, dwè, ze pàh é foo é l'elu elɛl.

Lʉkas 9:22

Nye ze lɛɛ e be ó: «Yé ekʉ jala ó, Mwan mo Mʉr, nye sia e mɨtuu é buobuo. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Lʉkas 9:44

«Bɨn bɛɛ, bɨn bé à kʉ gʉa mɛr ekan me muno ze lɛɛ bɨn é bananaʼ lɨ: Mwan mo Mʉr mu ó kunokuno le ekɛhɔ é mobo mo bʉr.»

Yʉanes 3:14

Jwɨʼ gwar e gwar mpʉ Moyiz a nʉa kpɛʼa nyʉa nkoho, pɛn é lɨ, bɨn ye kʉ é feha si ɨ, jwɨʼ gwar e gwar yaa nteme ó Mwan mo Mʉr lé ejala le ebɨnɔ kʉ ɨ.

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Yʉanes 5:46

Nkʉ yé be ó be cyecye ó, bɨn bé ebuʼla lɔɔ mo Moyiz nɛʼɛ, mpa bɨn mu ó lé ebuʼla nteme me, ebe, nye a tile ó, lɔb wam.

Mɨlʉmlʉ 13:33

nyi dwe bɨna ga ya, bɨna bwa onta bɔɔ, ebe, nyi pɛ̀h Yesʉs é foo. Yé ó mpʉ yé ndɨ tila é Sam mba é lʉ we e. Yé ó tila ó: “Go ó mwan wam. Mɛm, mɨ bya go muh.”

Mɨlʉmlʉ 13:40

Bɨn bé à di ncye, ebe, sa ogwiha o mɨlɔb bé a lɛɛ ɛ, yé amu jaa pyal bɨn! Bé a lɛɛ ó:

Mɨlʉmlʉ 2:27

ebe, go ákwoʼ bir sisim wam kwar odwè. No nteme, go aŋa mɛʼle ó, Mʉr go ndɨ ti ɨ, boʼ é foo.

Mɨlʉmlʉ 3:18

To kœb ó, é mbi nɨ ó Zyɛm a bir ó, bʉr saʼ syɛɛla ebebe nye a bɛa lɛɛ ó, bé ósa ɛ. Yé ntɔʼ syɛɛ no ó, lé edira mɨlɔɔ nye a bɛa lɛɛ é mɨnʉm mɨ ogwiha o mɨlɔb be ó, Lœma mulo mo Zyɛm ósia e mɨtuu no, nye ntɔʼ dwè.

Mɨlʉmlʉ 7:37

«Moyiz waa nteme ó b'a lɛɛ e bwa b'Ɨzraɛl ó: “Zyɛm, nye ólomlo bɨn ngwiha mɨlɔb mpʉ mo me, lé epɛh é l'esama le obɨɔ bɨn tʉŋlʉ.”

Ebrœ̂ 10:1

Motie Zyɛm a ntɨh Moyiz ɨ, mé ó dweʼle, sa lé elɛʼle mpʉ bɨsa bɨ embɨa, byé ójala le ebe é jɔʼ byé ópyal ɨ. Motie maa, mé adila mɨkubo bɨsa byaa. Opara, bé ediʼ Zyɛm otir tɔɔ motwina mompwar ó, é mbu wiwɛh é l'efu e bʉr o ndɨ egwɨm dwiibɨ Zyɛm ɨ. Sa gwar, motwina mɔɔ, mé ákwoʼ sa ó, bé kuma é l'ombɨmbɨa é mɨpaʼ mimyɛh.

Ebrœ̂ 3:5

Moyiz a be ó mʉr ebuʼla é nko paʼ bɨsa bibyɛh lé edwɛʼ mbɛr mo Zyɛm ɨ. Nye a cyelɔ syɛl mosa ó, nye boʼla, tiibe e sa yiyɛh Zyɛm nyɛɛ a bɛa be ó, nye lɛŋɨ bʉr ɨ.

Ebrœ̂ 7:1

Mɛlkisedɛk waa a be ó njwɨɨbʉr Salɛm. Nye nteme a be ó para mo Zyɛm ndɨ Lʉ bɨsa bibyɛh ɛ. É jɔʼ Abraham a to é dɔm, ntɔʼ bula, nye osi jʉ bʉr o dɔm be e, Mɛlkisedɛk a be ó si to, to bɔma e nye, ntɔʼ ze sʉ nye mocyɛʼ mo mpom le esyɛɛ nye mocyeele.

Ebrœ̂ 9:8

Mbɨambɨa Sisim, nye elɛʼle bɨna ga é lɔb waa ó, jyɛm Saʼ Nɨnɨ mo Zyɛm, yé a be, yé dina lé ecyɛb cɨcyel ɨ, zɨze mʉr, wé a baabe e nkul ekœb zi mbeʼ ndɨ ó, wé kuma é Tiʼe yé a be e l'ekɛn é buobuo e.

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»