Lʉkas 23:7 - Kálara Zyɛ̌m Edwán é mpʉ̌n

⁷ É jɔʼ nye a gʉa ó, Yesʉs a duho lal njwɨɨbʉr Erod Antɨpas a jwɨ̀ʼ ɨ, nye ntɔʼ cen Yesʉs boo nye. Erod nteme a be ó, ɨ Yerʉsalɛm é molu maa.

Kálar Nzyɛ̌m : Ejwán é Sáá

⁷ Jɔʼ nyé á gʉ́a ó, Yésʉs á duhǒ sí Erôd á be lɨ́ ejwɨ́ɨ yɨ́, nye ntɔ̂ʼ tyen nyé kwá mé Erôd. Erôd ntémé á be ó ɨ́ Yerʉ́zalɛm ɨ́ melû maá.

Lʉkas 23:7 Iomraidhean Croise

Mataos 14:1

É til molu yaa, njwɨɨbʉr Erod Antɨpas ze joʼo lɔɔ lé ejʉŋla mpʉ kol eboʼ é lɔb bɨsyɛɛla mo Yesʉs.

Mataos 14:3

Tina, yé ó, Erod ó b'a naʼ Yʉanes mobo é nyʉl, kaʼ nye, gba nye é mbʉʼ. Nye a sa no ó, é lɔb mo Erodiad, myaa ncyom we Filip. Yʉanes ze taare lé elɛɛ-lɛɛ e nye ó: «Yé mpene ó, go l'atiʼe e nye!»

Mataos 14:6

Dam be no, é jɔʼ moho zɔɔ ebyɛl mo Erod, wé a pyal ɨ, sile mo Erodiad, wé ntɔʼ fulo é duò zɔɔ, taare lé ebwal, Erod ze bul kpɛl zɔɔ nye a dɨ tiʼle e.

Markus 6:14

No ó njwɨɨbʉr Erod Antɨpas a ze joʼo lɔɔ mo Yesʉs, ebe, kum we a be ó si bul jʉŋla. Baʼ bʉr, bé a dɨ lɛɛ ó: «Yʉanes Ndubʉr, nyi pàh é foo! Ebe no ó nye mu lé esa mosima monɨ ɨ.»

Lʉkas 13:31

É jɔʼ gwar yaa ó bʉʉ oFarizyɛŋ, bé a pyal gumo Yesʉs a be e. Bé e nye ó: «Pʉʼa wâ. Go toʼ gumo fih, ebe, njwɨɨbʉr Erod Antɨpas, nye ejɨ jʉ go.»

Lʉkas 23:6

Njoʼa Pilat a joʼo mɨlɔb myaa ɛ, nye ze dî ó: «Zê mʉr nwa, nye ó mʉr Galɨle ɛ?»

Lʉkas 3:1

Yé a be ó é mbu ewʉm e tɛn Kɛɛza Tibɛrios a cyɛb njwɨɨ ɨ. Pɔŋtos Pilat a be ó ngoman é lal Yʉda; Erod Antɨpas nyɛɛ, njwɨɨbʉr é lal Galɨle. Ncyom we, die le Filip, a be ó lé ejwɨʼ mɨlal mɨ Itwire ndwe e Trakonitos. Lisanias nyɛɛ a jwɨɨ ó e lal Abilen.

Lʉkas 9:7

Njwɨɨbʉr Erod Antɨpas a be ó si joʼo lɔɔ bɨsa bibyɛh byé a dɨ syɛɛlɨ ɨ. Nye a baagʉa ndumlo tɨ, ebe, baʼ bʉr, bé a lɛɛ-lɛɛ ó: «Yʉanes, nyi pàh é foo!»

Mɨlʉmlʉ 4:27

Obuʼla ze ko tɨʼ ó: «Mpʉ yaa nteme ó yé a ka fuʼla ɛ! Ebe, yé cyecye ó, njwɨɨbʉr Erod Antɨpas bé e ngoman Pɔŋtos Pilat, bé a si syɛŋa é nkana yi, bé e bwa b'Ɨzraɛl, ndwe e bʉr o ndɨ abe oYʉden ɨ. Bɨbɛh, bé a si di bʉm, bònɔ pɨʼ ó, bé lwimla ó e syɛl mosa go Yesʉs, Mʉr ndɨ ti, waa go a lœm mulo e.