Lʉkas 23:5 - Kálara Zyɛ̌m Edwán é mpʉ̌n

⁵ Bé ntɔʼ lɛɛ okʉkʉ ó: «Bol sikʉlʉ nye lé edwe-dwe bɨh ɨ, yé eto le ebya bɨntʉ é lal Yʉda. Nye a taare lé esa no ó, é lal Galɨle. No ó, nyi ka ze kumo nteme gumo bɨna ndɨ ga wâʼ yi!»

Kálar Nzyɛ̌m : Ejwán é Sáá

⁵ Bé ntɔ̂ʼ nyémle métwíí ó: «Lɛ́ʼlá nyé dí edwe bɨ́h wɨ́, wé lɨ́ etô le ebyâ bíntʉ̌ mékwár e mékwár mɛ̂h ɨ́ sí Yʉ́da. Nye á taare esâ nó ó ɨ́ sí Galilê. Nye nzě kumǒ gúmó mɨ́ná dí gá yɨ̂.»

Lʉkas 23:5 Iomraidhean Croise

Mataos 11:1

No ó, é jɔʼ Yesʉs a be si sil dwe Esama le ompʉn ewʉm e l'oba be motɨɨ ɨ, nye ze duho é gumo yaa, to le eyeʼle bʉr ndwe le elɛɛ lɔɔ Zyɛm é bɨnkana bɨ lal waa.

Mataos 2:1

Pie Yesʉs a be si byɛl é Betɛlɛhɛm, nkana lal Yʉda, é jɔʼ mo njwɨɨbʉr Erod, onkaa ze pyal ɨ Yerʉsalɛm, duho nko dobo lé emʉa ɛ.

Mataos 27:24

Mpʉ Pilat a bee ó, bé a baakpɛl joʼo nye e, ndwe nteme ó, ntuntuma bʉr, yé amu jaa sa bɨntʉ ɨ, no ó nye a ze nʉa modibe, ze jwɨ̀ɨ mobo me é mih mo ntuntuma bʉr yaa. Nye ó: «É paʼ efie mo mʉr nwa, me ó mʉr ndɨ agʉa lɔb ɨ! Lɔb win ó nɨ!»

Mataos 4:23

No ó Yesʉs a to le ekœʼ é bɨgumo bɨ Galɨle bibyɛh, to le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ, le etiʼ mɨsyoblʉ mɨ kul bʉr ye, lé epɛʼ mosyɛb mɨmɛh le bɨjyɛm bibyɛh.

Markus 1:14

Pie tɨ, Yesʉs ze to Galɨle, to le elɛɛ Mbɨambɨa Lɔɔ lé eduho boo Zyɛm ɨ. Tina, yé a be ó Yʉanes, nye osi gbaŋɔ é mbʉʼ.

Lʉkas 11:53

É jɔʼ Yesʉs a duho é gumo yaa ɛ, oyeʼle o motie bé e l'oFarizyɛŋ ntɔʼ tie nye, taare lé efehɔ nye, le eduŋɔ nye e mɨlɔb é buobuo.

Lʉkas 23:23

Bé ntɔʼ kʉ lɛɛ okʉkʉ ó: «Cyèlɨ nye njɨ é klos kʉ!» Lwib yɔɔ, yé ó b'a ka ntaa yaa mo Pilat é nkul.

Lʉkas 23:6

Njoʼa Pilat a joʼo mɨlɔb myaa ɛ, nye ze dî ó: «Zê mʉr nwa, nye ó mʉr Galɨle ɛ?»

Yʉanes 1:43

É mɛn tɨ, Yesʉs ze tiʼe é leme we ó, nye ejala le eto é lal Galɨle. Nye ze bee Filip. Nye e nye ó: «Duʼo me.»

Yʉanes 19:15

Bé ze bâʼle taare lé ebʉ bɨtim. Bé ó: «Ó jʉʼo nye. Jʉʼo nye. Cyèlɨ nye é klos kʉ.» Pilat, nye e be ó: «Zê me bomla njwɨɨbʉr win é klos ɛ?» Ojwɨɨ be opara, bé ó: «Bɨh bé abe e guu njwɨɨbʉr fih pie Kɛɛza.»

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Yʉanes 7:41

Bʉʉ, bé ó: «Nye ó Lœma mulo mo Zyɛm.» Bʉʉ nteme, bé ó: «Zê yé a jala ó, Lœma mulo mo Zyɛm, nye duha Galɨle ɛ?

Yʉanes 7:52

Bé ze bula dî e nye ó: «Zê go nteme, go ó mʉr Galɨle ɛ? Pahla Kalara Zyɛm. Go óbee ó, abe e ngwiha mɨlɔb ngwar lé eduho Galɨle.» [

Mɨlʉmlʉ 10:37

Bɨn bʉr o tɨ, bɨn bé egʉa sa yé a syɛɛlɨ é Yʉda yiyɛh ɛ. Yé a taare ó, é lal Galɨle, pie ndubo Yʉanes a dù bʉr ɨ.

Mɨlʉmlʉ 23:10

No ó, é jɔʼ bʉr, bé a be si bul sa bɨntʉ ɨ, njwɨɨ bɨzima nɨnɨ ze joʼo bʉa, ó bé amu jaa nya Pol bɨpeh bɨpeh. Ebe no ó nye a dwe bɨzima nkul ó, byé fula si, nko bʉr, bé a be e. Bé toʼ, to dwih Pol é mobo mɔɔ. Bé òbula to e nye é nkal bɨzima tʉŋlʉ.

Mɨlʉmlʉ 5:33

Bʉr o b'a ze é gwɨhla ɛ, bé ntɔʼ kpaa empime é jɔʼ bé a joʼo mɨlɔb myaa ɛ. Bé ze saa ó, bé jʉ ó mɨlʉmlʉ myaa, jʉ jʉʼo.

Mɨlʉmlʉ 7:54

Bʉr o gwɨhla yaa kʉ ze kpaa empime é mɨleme myɔɔ é jɔʼ bé a joʼo mɨlɔb myaa ɛ. Bé ntɔʼ lwaare moje é l'empime bé a joʼo Etyɛn ɨ.

Mɨlʉmlʉ 7:57

Bé ntɔʼ bʉ bɨtim le ejamlɔ nye, dibɔ mogwal mɔɔ, swɨɔ nye é nyʉl bɨbɛh é piii.