Lʉkas 23:4 - Kálara Zyɛ̌m Edwán é mpʉ̌n

⁴ É mokan maa, Pilat ntɔʼ lɛɛ ojwɨɨ be opara bé e ntuntuma bʉr yaa ó: «Mɨ pahle mʉr nwa, abee ó, nye egʉa lɔb ngwar é bɨsa bɨn lé epur nye e tɨʼ ɨ.»

Kálar Nzyɛ̌m : Ejwán é Sáá

⁴ Ɨ́ mekǎn maá, Pilátos ntɔ̂ʼ lɛ́ɛ ójwɨ́ɨ o mpáh Nzyɛ̌m, bé le entumo e bʉ̂r laá ó: «Mɨ́ pahle nyê. Nó mɛm, mé abee mʉ̂r nyâʼ e sá ébébe nyé nʉ́á mébě e tɨ̂ʼ yɨ́.»

Lʉkas 23:4 Iomraidhean Croise

Mataos 27:19

É jɔʼ nye a be, nye dina lé elwib lɔb waa é dia tiʼà mɨlɔb ɨ, myɛl ntɔʼ lomlo nye twii ó: «Atœb lɔb wi, ebe, me be ó si bul sia e bɨlima muh é pum wiʼ é lʉ mo cɨcyel mʉr nɨ.»

Markus 15:14

Pilat ntɔʼ dî e be ó: «Ebe yé? Nye sa yáa syɛɛla ebebe?» Bé ntɔʼ yɨm motwii, lɛɔ ó: «Cyèlɨ nye é klos kʉ!»

Lʉkas 23:22

Pilat ntɔʼ bâʼle dî be tia é jɔʼ lɛl ó: «Ebe yé? Nye sa yáa sɔʼɔ ndɨ é bul bebe e? Mɛm, me abee sa ebebe nye a pa kʉ sa ó, nye dweŋɔ mobe mo jala e l'efie e. Ebe no ó me óbir nye e, me osi turo nye lʉ.»

Yʉanes 18:38

Pilat ze dî e nye ó: «Ocyecye wɛɛ, wé yé?» Mpʉ Pilat a sil lwib no e, nye ze bâʼle pyal kʉl, to nko oYʉden, bé a be e. Nye ó: «É bɨpura bin, me abee sa ebebe nye pa kʉ sa ó, nye dweŋɔ mobe mo jala e l'efie e.

Mɨlʉmlʉ 25:25

Mɛm, me abee sa nye a sa ndɨ ejala ó, nye dwèʼ. Dam be no, é mpʉ nye mʉr tɨʼ a bɛa lɛɛ ó, nye to ó, to kar lɔb we boo Kɛɛza ɨ, no ó me a fuo ka nʉa tiʼa ó, me cen ó nye gʉ.

Mɨlʉmlʉ 3:13

Nyi tiʼɔ mpʉnʉ ó, ebe Zyɛm mo Abraham, e Ɨzak ndwe e Yakɔb ndwe e bɨmpam ga bɨna. Nyɛɛ be ó si kpɛl ó, nye dwiibɨ syɛl mosa we Yesʉs. Bɨn bɛɛ, bé a si kɛha nye, ntɛŋɔ nye é mobo mo Pilat ó, nye jʉʼo nye. Bɨn bé a kɛha nye no ó, Pilat, nye osi tiʼe é leme we ó, nye bir ó nye.

Ebrœ̂ 7:26

Nye ó mbi njwɨɨ opara wé a kʉ jala e bɨna ga ɛ. Nye ó mʉr ndɨ ti, waa ndɨ akunbo e mpɨŋ ɨ. Sa ndɨ elœʼ mʉr é mih mo Zyɛm ɨ, yé akunbo e nye. Bé e l'osyɛl o mɨsyem, bé ó e bwaʼbwaʼ mbɛʼ. Nye nteme, nye ó mbɨna kʉ, laa jobo e l'ejyoo le ebantɛn.

1 Pyɛr 1:19

Bɨn bé a dwihɔ é mozi maa ó, ebe motié mo Yesʉs-Krɨst, ndwɛa ndɨ é buo dime e. Yesʉs-Krɨst a be ó mpʉ ma ntœme ndɨ abe e sa ebebe bé a ngbaa nwahle nye e tɨ, nkʉ e l'ebar.

1 Pyɛr 2:22

«Nye a baasa syem. Nʉm we, wé a baapyɛl bɨlwib bɨkʉʉŋʉ.»

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.