Lʉkas 23:2 - Kálara Zyɛ̌m Edwán é mpʉ̌n

² Bé ze taare lé epurɔ nye. Bé ó: «Bɨh bé a si bee mʉr nwaʼ lé enyiŋ kul yih ó, yé kaŋa e Kɛɛza, ebe, nye amɛʼle ó, kul yih, yé ejala le ejɛna tœa mo Kɛɛza. Nye a si kʉ lɛɛ nteme ó, nye ó ndɨ Lœma mulo mo Zyɛm le njwɨɨbʉr.»

Kálar Nzyɛ̌m : Ejwán é Sáá

² Bê nzě táare épurɔɔ nyê. Bé ó: «Bɨ̌h bé á si bee mʉr nyâʼ lɨ́ endámǎ kúl bʉ̂r yɨ́h lɨ́ elɛ̂ʼle yé ó, yé ajala le ejánǎ Kɛ́ɛza tœ́a. Nye á si kʉ lɛ́ɛ ntémé ó, nye ó dí Njwɨ́ɨbʉr, waá Nzyɛ̌m á lœm múló mé jwɨ́ɨ wɨ́.»

Lʉkas 23:2 Iomraidhean Croise

Mataos 17:27

No ó, bɨna bé agwɨm ga ekol be ebɔʼ bé óbɨm é mɨleme e. No ó, toʼ, to guho esyɛb é modibe maŋ. Fu efoʼ go ójʉ ɨ, go à bɛɛ nye nʉm. Go ókœb saŋ mɔn tɨ. Go à nʉa we, go òto jɛna bɨna e go bɨbɛh tœa lé efu e Mpah Zyɛm.»

Mataos 22:21

Bé e nye ó: «Yé ó byaa mo Kɛɛza!» Nye e be ó: «Ebe no, dweʼ ga Kɛɛza bɨsa mo Kɛɛza; bɨn bé à dwe Zyɛm byaa mo Zyɛm.»

Mataos 27:11

No ó Yesʉs a ze pyal é mih mo ngoman. Ngoman ze dî e nye ó: «Zê go ó ndɨ njwɨɨbʉr oYʉden ɛ?» Yesʉs ntɔʼ bɨha e nye ó: «Yé ó mpʉ go lɛɛ nɨ!»

Markus 12:17

No ó Yesʉs a ze lɛɛ e be ó: «Dweʼ ga Kɛɛza bɨsa mo Kɛɛza; bɨn bé à dwe Zyɛm byaa mo Zyɛm.» Bé a be ó si bul jehe mpɨha we waa.

Markus 15:2

No ó Pilat a dî e nye ó: «Zê go ó ndɨ njwɨɨbʉr oYʉden ɛ?» Yesʉs ze bɨha e nye ó: «Yé ó mpʉ go lɛɛ nɨ!»

Lʉkas 23:14

Nye ó: «Bɨn ze me e mʉr nwaʼ ó, nye ó lé egomlo bʉr é bebebebe zi. Mbe ga: mɨ pahle nye, bɨn lé ebee. Me abee ó, nye egʉa lɔb ngwar é bɨsa bɨn lé epur nye e tɨʼ ɨ.

Lʉkas 23:5

Bé ntɔʼ lɛɛ okʉkʉ ó: «Bol sikʉlʉ nye lé edwe-dwe bɨh ɨ, yé eto le ebya bɨntʉ é lal Yʉda. Nye a taare lé esa no ó, é lal Galɨle. No ó, nyi ka ze kumo nteme gumo bɨna ndɨ ga wâʼ yi!»

Yʉanes 18:29

Ebe no ó Pilat a pyal kʉl, to nko bɛɛ, bé a be e. Nye ze dî e be ó: «Byáa bɨtoora bɨn lé etooro mʉr nwaʼ biʼ ɛ!»

Yʉanes 18:30

Bé e nye ó: «Nkʉ nye a be ó be, abe lé entaa motie nɛʼɛ, mpa bɨh bé aze e nye go ye.»

Yʉanes 19:12

Ebe no ó Pilat a taare lé esaa mozi mo ebir Yesʉs ɨ. OYʉden bɛɛ kʉ bɨr-bɨr mocel kʉ kʉ ó: «ǃGo bana kʉ bir nye nɛʼɛ, kʉ lɛɛ ó, go abe fo mo Kɛɛza! Mʉr nyiwɛh lé edwiŋ bɨr, lɛɛ ó, nye ó njwɨɨbʉr ɨ, nye etɨ mɨlɛa mo Kɛɛza.»

Mɨlʉmlʉ 24:13

Ebe no ó bé ndɨ abe e dweʼle gwar ndɨ elɛʼle ó, mɨ byaʼ, ó me e lɔb bé lé epur me tɨʼ é bananaʼ ɛ.

Mɨlʉmlʉ 24:5

«Bɨh bé a si bee mʉr nwaʼ lé edulo oleŋeleŋe é l'oYʉden bɨbɛh ndɨ é si nwaʼ ɛ. Nye ó sa bɨbla mʉr! Nye nteme, nye ó ndɨ lʉ nkɔm bʉr o Nazarɛt!

Rôm 13:7

Jɛna ga bʉr bɨbɛh mompɔla bɨn ndɨ be e ma ɛ. Jɛna ga otœa boo bʉr o ndɨ ebɛma be e. Dwaaba ga baa lé ejala e duu ɨ. Seʼla ga baa lé ejala e moseʼla ɛ.