Biblia Todo Logo
Bìoball air-loidhne

- Sanasan -




Lʉkas 23:13 - Kálara Zyɛ̌m Edwán é mpʉ̌n

13 É jɔʼ Yesʉs a bâʼle pyal boo Pilat ɨ, Pilat ze syɛŋ ojwɨɨ be opara bé e l'otamabʉr o lal, ndwe e mɨzɨze mɨ bʉr.

Faic an caibideil Dèan lethbhreac

Kálar Nzyɛ̌m : Ejwán é Sáá

13 Jɔ̌ʼ Yésʉs á baʼa pyâl kwá mé Pilátos yɨ́, Pilátos nzě syɛŋ ójwɨ́ɨ o mpáh Nzyɛ̌m, le otɔ́má bʉ̂r o b'Ɨ́zraɛ̂l, bé e minzɨnzɨ mi bʉ̂r.

Faic an caibideil Dèan lethbhreac




Lʉkas 23:13
14 Iomraidhean Croise  

Pilat ntɔʼ dî e be ó: «Ebe yé? Nye sa yáa syɛɛla ebebe?» Bé ntɔʼ yɨm motwii, lɛɔ ó: «Cyèlɨ nye é klos kʉ!»


Bʉʉ bʉr o lal waa, bé a be ó si cyɛb é gumo yaa lé ebee. Otamabʉr o lal bɛɛ, bé a be ó lé etamɔ nye. Bé ó: «Nye a si tiʼ bʉr ofih. Nye kaʼ tiʼ nye mʉr tɨ, nkʉ nye ó Lœma mulo mo Zyɛm le waa Zyɛm a kʉ pɛh ɛ!»


Ojwɨɨ be opara ga bɨna, bé e l'otamabʉr o lal ga wina, bɛɛ, bé a si kɛha nye, dweŋɔ nye mobe mo jala e l'efie e. No nteme ó bé a cyèl nye é klos kʉ ɨ.


Dam be no, bʉʉ otamabʉr é kul oYʉden é buobuo, bé a be ó lé ekʉ jyɛʼ taa buʼo yɔɔ boo Yesʉs. Sa gwar, bé a baalɛɛ bʉr no. Bé a be ó lé ekpɛɛ oFarizyɛŋ, ebe, bé amu cyelɔ é pɨŋ, aka to é mompah mɨnjwɨʼla mɔɔ.


Pilat ze dî e nye ó: «Ocyecye wɛɛ, wé yé?» Mpʉ Pilat a sil lwib no e, nye ze bâʼle pyal kʉl, to nko oYʉden, bé a be e. Nye ó: «É bɨpura bin, me abee sa ebebe nye pa kʉ sa ó, nye dweŋɔ mobe mo jala e l'efie e.


Pilat ze bâʼle pyal kʉl. Nye e ntuntuma bʉr ó: «Joʼla ga: me ze bɨn e mʉr nwaʼ kaʼ kʉl ó, bɨn gʉŋa ó, me abee sa ebebe nye pa kʉ sa ó, nye dweŋɔ mobe mo jala e l'efie e.»


Yé a be ó e nuu Farizyɛŋ, die le Nikodɛm. Nye a be nteme ó tamamʉr é kul oYʉden.


Mbe ga: nye elwib wâʼ é kpɛŋlɛm, bʉr onɨ lé ebee le ejoʼo, alɛɛ nye sɔʼɔ. Zê otamabʉr o lal ga wina, bɨ dweʼe cyecye ó, nye ó ndɨ Lœma mulo mo Zyɛm ɨ?


Zê nuu tamamʉr wina, nkʉ nuu mʉr é nkɔm oFarizyɛŋ, nyi pa jyɛʼ taa buʼo ye boo nye?


Bʉr o Yerʉsalɛm bé e l'otamabʉr bɔɔ, bé a baadweʼe mbi mʉr Yesʉs a be e. É jɔʼ bé a dwe nye mobe mo twii ceme e, no ó bé a dira monkɛʼ Da a bɛa lɛɛ é mɨnʉm mɨ ogwiha o mɨlɔb be é lʉ we e. To kœb ó, okalara bɔɔ, bé eláŋɔ é moho saba wiwɛh.


«Obɨɔ ga bam aa! Me egʉa ó, bɨn ndwe e l'otamabʉr bɨn, bé a gʉʼla ó gʉʼla é lɔb mo Yesʉs, é jɔʼ bɨn bé a sa nye no e.


É mɛn tɨ, ojwɨɨ be oYʉden bé e l'otamabʉr, ndwe e l'oyeʼle o motie ze fwalɔ Yerʉsalɛm.


No ó, Pyɛr, nye mu lwɨŋla e Mbɨambɨa Sisim, a lɛɛ e be ó: «Ojwɨɨ o lal ndwe e l'otamabʉr!


Lean sinn:

Sanasan


Sanasan