Lʉkas 22:53 - Kálara Zyɛ̌m Edwán é mpʉ̌n

⁵³ Bɨna bé a be ga ó, dobo lɨlɛh é jahla bii mo Zyɛm. Bɨn bé a baakɛl me mbo é nyʉl. Bɨn bé emɛr mé é bananaʼ ó, ebe, ewala lɨ, lé mu ó jɔʼ yin, bɨn boo Satan!»

Kálar Nzyɛ̌m : Ejwán é Sáá

⁵³ Me á bɨbe dʉ́ó lɨ́lɛ̂h ó, témé sɔ́má yɨ́n ɨ́ mpáh Nzyɛ̌m, bɨ̌n l'akɛl mé mbô ɨ́ nyʉ̂l. Nó bɨ̌n ka mɛ́r mé ɨ́ báánâʼ ó, ebě, lɨ̂ʼ éwala mû ó laá lɨ́n e laá mpóʼo mé Sátan.»

Lʉkas 22:53 Iomraidhean Croise

Mataos 21:23

Yesʉs ze bâʼle ni é jahla bii mo Zyɛm. É jɔʼ nye a be lé edwe bʉr sikʉlʉ tɨʼ ɨ, ojwɨɨ be opara ndwe e l'otamabʉr o lal «mpululu», ze dî e nye ó: «É wáa nkul mojwɨ̀ʼa go ndɨ esa mbi bɨsyɛɛla go lé esa biʼ ɛ? Go nteme go epa kʉ sa bye é die mo zé?»

Lʉkas 22:52

Yesʉs ntɔʼ lɛɛ ojwɨɨ be opara bé e l'ojwɨɨ o bɨpulʉm bɨ Mpah Zyɛm, ndwe e l'otamabʉr o lal bé a ze lé eze mɛr nye ó: «Bɨn bé si jeʼe esa, lé eze mɛrɔ me e mɨfòŋ e mɨmbɨŋ é mobo. Yé ó mpʉ bé lé emɛr-mɛr bɨzilngan ɨ.

Lʉkas 22:54

No ó bé ntɔʼ naʼ Yesʉs mobo é nyʉl, toŋɔ e nye é bii mo njwɨɨ opara. Pyɛr a be ó lé eto le edu nye ká pihe.

Yʉanes 12:27

«Banana, leme wam, wé ó me é mo é zaaama. No ó, me lɛŋɨ é yé? Zê me lɛŋɨ Sɔŋ wam ó, nye pɛʼɛ me é sa muno ze pyal me é bananaʼ yiʼ ɛ? Kar! Ebe sa nɨ ó me a ze e, ó me bɔma é jɔʼ mɨtuu.

Yʉanes 13:30

Jɨh tɨʼ Yʉdas a kʉ nʉa peh bler, nye ntɔʼ ze pyal kʉl. Yé a be ó é pum.

Yʉanes 14:30

Me aŋa ka bâʼle bul lwib e bɨn, ebe, “njwɨɨ mbi jɔʼ yi”, nye mu ó lé eze. Nye abe e nkul ejwɨɨ yɛɛ e mɛm.

Yʉanes 7:30

Bé a be ó lé esaa ó, bé pa ó kʉ naʼ nye mobo é nyʉl. Sa gwar, abe e mʉr a gba nye mbo é nyʉl, ebe, jɔʼ efie le, yé a baapa pyal.

Yʉanes 7:45

Bɨpulʉm ze bâʼle to nko ojwɨɨ be opara bé e l'oFarizyɛŋ, bé a be e. Bé e bye ó: «Ebe yé bɨn ndɨ anaʼ nye mobo é nyʉl, ze e nye e?»

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Éfɛsɔs 6:12

Ebe, yé abe ó, bɨna tɛl ga ó e bʉr o bɨpuno le motié. É l'ocyecye, bɨna bé elwimla ga ó e bɨcye bɨnɨnɨ bɨnâ mɨsisim mɨ apum: le mɨsisim mɨnɨnɨ, le myaa mɨ nkul, le myaa ndɨ e mojwɨ̀ʼa mo edurʉ ɨ, le myaa ndɨ é jobo e l'ejyoo le ebantɛn ɨ.

Kolosi 1:13

Zyɛm, nyi syɛb bɨna ga e boo nɔɔ é mpel mo Satan, ntɛŋ bɨna ga é jwɨ̀ʼa mo Mwan kpɛl we.