Lʉkas 22:43 - Kálara Zyɛ̌m Edwán é mpʉ̌n

⁴³ Nye ze bee engles a duho é jobo kʉ ɨ. Engles waa ze bâʼle dwe nye nkul.

Lʉkas 22:43 Iomraidhean Croise

Mataos 26:53

Zê go abuʼla ó, ǃme si jwɨʼla e Sɔŋ wam wâʼ banana nɛʼɛ, nye lomlo me beengles otɔɔyin ewʉm e l'oba ɛ?

Mataos 4:11

Pie tɨʼ ó Njwɨɨ moleme a bir nye, laa ɛ. Beengles ze pyal, bé ntɔʼ taare lé esea e Yesʉs.

Mataos 4:6

Nye e nye ó: «Yé be ó, go ó Mwan mo Zyɛm wa, lyaha, to cyɛb si, ebe, yé ó tila é Kalara Zyɛm ó: “Zyɛm ótiile beengles be etie é lɔb go. Bé ónkɛɛ go e mobo mɔɔ é l'efu ó, kʉ nkʉʼ be, agʉra é l'ekoʼ.”»

Lʉkas 22:32

Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Mɨlʉmlʉ 18:23

Nye ze ja bwa molu gʉ, ntɔʼ mʉa, to é bɨpeh bɨ lal Galat ndwe e lal Frigia, lé eto le egba ompʉn bɨbɛh nkul é monyʉl.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Ebrœ̂ 1:14

Beengles bɛɛ, bé ozé? Bɨbɛh, bé ó mɨsisim lé esea e Zyɛm ɨ. Nye elomlo bɨna ga ba nteme ó, bé ntaʼ, ze fuʼo bʉr bé óbi tiʼ molu mo mpoʼ mɨmɛh ɛ.

Ebrœ̂ 1:6

É jɔʼ Zyɛm a be ó, nye lomlo ó bʉr o si nwaʼ Mwan we ndɨ e nkʉŋ ndɨ é bul bwaʼ ɛ, nye a taare lɛɛ ó: «Beengles bɨbɛh, dwiibɨ ga nye.»

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.