Lʉkas 22:3 - Kálara Zyɛ̌m Edwán é mpʉ̌n

³ Yʉdas a be ó é l'Esama le ompʉn ewʉm e l'oba, nyɛɛ mʉr a jebɔ-jebɔ ó, Iskariot ɨ. Satan ze ni nye é leme.

Kálar Nzyɛ̌m : Ejwán é Sáá

³ Yʉ́das á be ó nyʉ́ʉ́ mʉ̂r ɨ́ sɔ́má ómpʉ́n kám le obá mé Yésʉs. Nye ó b'á jɨjébɔɔ ntémé “Iskariôt” nyá. Nó ó Sátan á nze nî nye ɨ́ léme,

Lʉkas 22:3 Iomraidhean Croise

Mataos 10:4

Simɔn, mʉr Kanan, bé e Yʉdas Iskariot, mʉr a be ó, nye ókɛha nye e.

Mataos 26:23

Nye ntɔʼ bɨha e be ó: «Yé ó mʉr bɨh e nɔɔ lwanbe puhba mbo é nka mode ngwar ɨ. Nyɛɛ ó ngo kɛha me.

Mataos 4:10

Yesʉs ntɔʼ bɨha e nye ó: «Satan, pʉʼa me é mih! Ebe, yé ó tila é Kalara Zyɛm ó: “Go ejʉʼa le ebɨʼ mpom go si é mih mo Sɔŋ go Da Zyɛm. Dwiibɨ mʉr ó, njɨ nye.”»

Lʉkas 22:21

To kœb ó, mʉr lé ekɛha me e, nye ó ndɨ waa bɨh e nɔɔ lé ede wâʼ é teble e.

Lʉkas 6:16

bé e Yʉdas, mwan mo Jacques, le Yʉdas Iskariot, mʉr a be ó, nye ókɛha nye e.

Yʉanes 12:6

(Nye a baalɛɛ no ebe nkʉnkoo nye a joʼo baanteʼenteʼe e. Nye a kʉ ka lwib no ó njɨ, ebe, nye a be ó ndiblʉ. Nye ó b'a baʼle ekuro lɔɔ, lé edíbe-díbe sa bʉr, bé a gba-gba tɨʼ ɨ, cyel é we mpɨʼ.)

Yʉanes 13:18

«Me alwib e bɨn bɨbɛh. Me egʉa baa me a pɛh ɛ. Sa gwar, yé ekʉ jala ó, lɔɔ ndɨ tila é Kalara Zyɛm ɨ, wé dira. Yé ó tila ó: “Mʉr lé ede mode mam ɨ, nyi dwibra e me.”

Yʉanes 13:2

Yesʉs bé e l'ompʉn be, bé a be ó lé ede é bii kʉʼ. É jɔʼ yaa, Njwɨɨ moleme a be ó si cyɛb Yʉdas Iskariot, mwan mo Simɔn, é leme, dwe nye jwɨʼ ó, nye kɛha Yesʉs.

Mɨlʉmlʉ 5:3

No ó Pyɛr a ze lɛɛ e nye ó: «Ananias, ebe yé Satan bana cyɛb go é leme, ze sa ó, go lɛŋɨ Mbɨambɨa Sisim mpʉl mpʉnʉ nɨ ɨ? Ebe, gɨ nara e guu paʼ mɔn Mbɛr-Zyɛm go a nʉa é l'ebom e peme yo e, komo é l'empàh!