Lʉkas 22:22 - Kálara Zyɛ̌m Edwán é mpʉ̌n

²² Yé ó no: Mwan mo Mʉr ódwè mpʉ Zyɛm a bɛa tiile, tiibe e nye e. Sa gwar, a vwaʼ e mʉr ókɛha nye e!»

Kálar Nzyɛ̌m : Ejwán é Sáá

²² Mwân mé Mʉr ódwě mpʉ̌ Nzyɛ̌m á boo tíʼe ɨ́ lɔ̌b wé yɨ́. Sâ gwár, nkoó, nye ó le mʉr ngá bɛ́ma nyé nyá!»

Lʉkas 22:22 Iomraidhean Croise

Mataos 26:24

Yé ó no: Mwan mo Mʉr ódwè é mpʉ yé ndɨ tila é Kalara Zyɛm, tiibe e nye e. Sa gwar, a vwaʼ e mʉr ókɛha Mwan mo Mʉr ɨ! Yé a ngbaa mbɨa mʉr waa ó, mpa nye a baabyɛl!»

Mataos 27:5

Nye ze guho be mɨsaŋ mɨ mɔn myaa é Mpah Zyɛm tʉŋlʉ, ntɔʼ pyal kʉl, to tiile kol é twii, dwè.

Markus 14:21

Yé ó no: Mwan mo Mʉr ódwè é mpʉ yé ndɨ tila é Kalara Zyɛm, tiibe e nye e. Sa gwar, a vwaʼ e mʉr ókɛha Mwan mo Mʉr ɨ! Yé a ngbaa mbɨa mʉr waa ó, mpa nye a baabyɛl.»

Lʉkas 22:23

Bé ze to le etimle lɔb waa paʼra wɔɔ, lé esaa egʉa mʉr sama yɔɔ a be ó, bɛm sa mbi syɛɛla yaa ɛ.

Lʉkas 24:46

Nye ó: «Yé ó tila é Kalara Zyɛm ó, Lœma mulo mo Zyɛm, nye ejala le edihbe mokpaa, dwè, ze pàh é foo é l'elu elɛl.

Yʉanes 17:12

É jɔʼ bɨh e boo nɔɔ, bé a be-be e, me a dɨ baʼle be ó, é nkul die lo go a dwe me e. Me a si kʉ kamle e be! Abe e mʉr ngwar a dim é l'esama lɔɔ, alaa ó waa a bɛa be ó, nye lé ejala le edim ɨ. Yé a syɛɛlɨ no ó, lé edira lɔɔ ndɨ tila é Kalara Zyɛm ɨ.

Mɨlʉmlʉ 10:42

Nye a lomo bɨh ó, bɨh toʼ le elɛɛ oYʉden Mbɨambɨa Lɔɔ, le eboʼlo ó, Yesʉs ó ndɨ mʉr nye a cyel é dia tiʼà mɨlɔb, waa ótiʼe mɨkubla le odwè mɨlɔb ɨ.

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

Mɨlʉmlʉ 2:23

Zyɛm a bɛa gʉa ó, bɨn bé ókɛha nye é mobo mo bʉr o ndɨ entaa motie e. Bɨn bé a kʉ du ó, mpʉ nye a bɛa tiʼe é leme we e. Bé ze cyèl nye é klos kʉ, jʉŋɔ nye.

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.