Lʉkas 21:8 - Kálara Zyɛ̌m Edwán é mpʉ̌n

⁸ No ó Yesʉs a lɛɛ ó: «Diʼe ga ncye! Abir ga ó, mʉr gomla bɨn é bebebebe zi. Buobuo bʉr, bé óze e die lam, lé elɛɛ-lɛɛ ó: “Mɛm ó di Lœma mulo mo Zyɛm!” Bé ólɛɛ nteme ó: “Jɔʼ nɨ, yé mu ó kunokuno le epyal!” Sa gwar, mʉr adu ga be.

Kálar Nzyɛ̌m : Ejwán é Sáá

⁸ Nó ó Yésʉs á lɛ́ɛ ó: «Diʼee gá mekʉá ɨ́ binyâ. Bɨ̌n ámû jaá dímlɔɔ, ebě, bʉr ɨ́ buo buo, bé ónzɨnze e díé lâm, le elɨlɛ́ɛ ó: “Mɛm ó dí nye!” Bé óbáʼǎ lɛ́ɛ ntémé ó: “Jɔ̌ʼ jwɨ́ɨ́ yâm, yɨ́ pyâl!” Sâ gwár, mʉr adû gá bê.

Lʉkas 21:8 Iomraidhean Croise

Mataos 24:11

Mɨmpʉmpʉl mɨ ogwiha o mɨlɔb, myé ópyal é buobuo le egomlo bʉr é buobuo é bebebebe zi.

Mataos 3:2

Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ, ebe, jɔʼ Da ócyel jwɨ̀ʼa ye cyecye e, yé mu ó kunokuno le epyal ɔɔ!»

Mataos 4:17

É dobo laa ó Yesʉs a ze taare lé etuno ó: «Gwɨma ga mobebe mɨn ɔɔ! Bɨn bé à dwir mɨleme ɔɔ! Ebe, jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!»

Lʉkas 17:23

ǃƗ bʉr si lɛɛ e bɨn ó: “Dwɛʼa ga ka”, nkʉ nteme ó: “Dwɛʼa ga wâʼ” nɛʼɛ, mʉr ayi to gʉ, nkʉ du be,

Lʉkas 21:7

No ó bé a dî e nye ó: «Yeʼle, bɨsa bɨnɨ, byé ósyɛɛ é yáa jɔʼ? Nteme, yáa dweʼle yé ólɛʼle ó, byé muno ze pyal, bibyɛh ɛ?»

Lʉkas 21:9

Bɨn bé ójoʼo bʉr lé elwib-lwib mɨlɔb mɨ mɔm le ejoʼo nteme mpʉ bʉr mu lé ebɨn mɨlʉ, kaŋa e mojwɨ̀ʼa ɛ. É jɔʼ bɨn bé ójoʼo no e, mʉr ayi joʼo bʉa. Yé ejala ó, bɨsa byaa taara syɛɛlɨ. Dam be no, esie e mbi jɔʼ yi, lé ákwoʼ kpahbe pyal.»

Yʉanes 5:43

Mɛm a ze ó, é die mo Sɔŋ wam, bɨn l'amɛʼle nʉa me e duu. Sa gwar, ǃɨ nuu mʉr si ka ze é die le nye mʉr tɨʼ nɛʼɛ, mʉr waa ó bɨn bé ónʉa e duu.

Yʉanes 8:24

Ebe no, me elɛɛ bɨn ó nɛɛ: “Bɨn bé ójala e mɨsyem min” ɨ. ǃBɨn si bene lé ebuʼla ó, mɛm ó ndɨ Me-ó-tɨʼ nɛʼɛ, bɨn bé ókʉ jala e mɨsyem min!»

Yʉanes 8:28

Yesʉs ze lɛɛ e be ó: «É jɔʼ bɨn bé óbɨr Mwan mo Mʉr kʉ ɨ, é jɔʼ yaa ó bɨn bé ógʉa ó, mɛm ó ndɨ Me-ó-tɨʼ ɨ. Bɨn bé ógʉa ó, me abe lé esa yʉʉ sɔʼɔ njɨ é nkul wam me mʉr tɨ. Me ekʉ lwib-lwib ó, njɨ sa Sɔŋ wam a yeʼle me e.

1 Korɛnt 6:9

Bɨn bé egʉa cyecye ó, ozyɛhozyɛh o bʉr, bé ákwoʼ dweŋɔ dia é jwɨ̀ʼa mo Zyɛm, jala e nkɔb wɔɔ. Abir ga ó, mʉr gomla bɨn é bebebebe zi. Osyɛl o bɨmala, baa ndɨ edwiibɨ bɨbaŋabaŋa bɨdweʼle e, osyɛl o mɨfyɛba, otɛba o bʉrʉm, bʉrʉm ndɨ etɛbɔ ɛ,

Éfɛsɔs 5:6

Mʉr beʼ l'agomlo bɨn diʼ é zi lwib ndɨ mbɛh ɛ. Bɨsyɛɛla bɨ ebebe bɨnɨ, byé ó ndɨ egba Zyɛm empime é leme. Empime laa ó nye ókpaa e bʉr o ndɨ esa nye ebɨh ɨ.

2 Tesalonika 2:3

Mʉr beʼ l'agomlo bɨn é bebebebe zi é zi lwib bɨkʉʉŋʉ ye, ebe, esie e mbi jɔʼ yi, lé ákwoʼ pyal no, bʉr, l'apa kaŋa e Zyɛm é buobuo. Ntɔɔ motie ócyɛb é lyanbe é mih mo bʉr é pyɛldweh é jɔʼ yaa. Nye ó ndɨ cyɛb efoʼ é sama bʉr bé ódim njʉmdia e njʉmdia ɛ.

2 Timotɛ 3:13

Bɨbɨbla bɨ bʉr, ndwe e baanya-bɨkʉʉŋʉ bɛɛ, bé óto le elɨŋa é buʼo ó, to-to ó toʼ. Bé óto dolo lé egomlo bʉr é bebebebe zi. Bʉʉ bʉr, bé óto gomlo be é mɔɔ mozi mo ebebe.

1 Yʉanes 4:1

Obɨɔ o kpɛl bam aa! Akpahbe buʼla ga mʉr nyiwɛh bɨn lé efuuba e nye, waa lé edwe-dwe bʉr bɨsikʉlʉ ɨ. Taara boblo ga mbi mʉr waa, bɨn nkʉʼ gʉa pie tɨʼ nkʉ sisim nye ndɨ e we e, wé eduho ó boo Zyɛm, ebe, mɨmpʉmpʉl mɨ ogwiha o mɨlɔb, myé mu ó si buo é si nwaʼ nyiwɛh.

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.

Mɨngwiha 1:3

Mocyɛʼ mo mpom, mé swɨŋɨ é waa lé eláa mɨlɔb ndɨ mɨngwiha é kalara nwaʼ ɛ. Mocyɛʼ mo mpom, mé swɨŋɨ nteme é baa lé ejoʼo le ebaʼle mɨngwiha mɨlɔb ndɨ tɨʼ ɨ. Gʉŋa ga ó, jɔʼ bɨsa byaa, byé ósyɛɛlɨ ɨ, yé mu ó kunokuno le epyal.