Lʉkas 21:12 - Kálara Zyɛ̌m Edwán é mpʉ̌n

¹² «No ó, é jɔʼ bɨsa byaa bibyɛh, byé óbe, l'apa syɛɛlɨ ɨ, bé ótaare lé enaʼ bɨn mobo é nyʉl, le etíile bɨn. Bé óto e bɨn é mompah mɨnjwɨʼla mɔɔ, le egba bɨn é mɨmbɛr mɨmbʉʼ. Bé óto e bɨn é mih mɨnjwɨɨbʉr myɔɔ le ongoman bɔɔ é lɔb wam, lé eto pur bɨn le ebuʼɔ bɨn mɨlɔb gʉ.

Kálar Nzyɛ̌m : Ejwán é Sáá

¹² Nó ɨ́ jɔʼ bísâ byaá bíbyɛ̂h ngá be, byé dína apǎ pyâl yɨ́, bé ónyɛɛ́ mɛ̂r bɨ́n, le etíble bɨ́n, tô e bɨ̌n ɨ́ mempáh mínjɨʼla, lɨ́ etó pur bɨ́n le etíʼe bɨ́n milɔ̌b gʉ̂. Bé ótô e bɨ̌n ɨ́ mimbɛ̌r mímbʉʼ, le ɨ́ mempǒm me bʉ̂r onɨ́nɨ́ɨ́ ti e maá mé ójwɨ́ɨ, ɨ́ lɔ̌b wâm.

Lʉkas 21:12 Iomraidhean Croise

Mataos 22:6

Baa bʉʉ, mɛrɔ osyɛl o mosa onɨ, saŋɔ be cere, jʉŋɔ be.

Mataos 24:8

Bɨsa biʼ bibyɛh, byé ótaare syɛɛlɨ. Tina, yé óbe ó etɛɛrɨ e mokpaa, nwɨɨla e mokpaa mo min.

Lʉkas 21:11

Si óncyeŋa bɨgumo bɨgumo. Za ónyaŋla. Bɨnumò, byé ópyal-pyal é byʉʉ bɨgumo. Bɨsyɛɛla ndɨ esa ó bʉr joʼa bʉa ɛ, ndwe e bɨbwaʼbwaʼ bɨdweʼle bɨ nkul, byé ósyɛɛ é jobo kʉ.

Yʉanes 15:20

Toŋla ga sa me a lɛɛ bɨn ɨ: “Syɛl mosa álaa masa we é duu.” Yé be ó, bé a si tíile me nɛʼɛ, gʉŋa ga ó, bé ótíile bɨn nteme! Yé be ó, bé a si joʼo sikʉlʉ yam nɛʼɛ, gʉŋa ga ó, bé ójoʼo nteme yaa yin.

Yʉanes 15:21

«Sa gwar, bé ótíile bɨn ó, é lɔb wam, ebe, bé agʉa mʉr a ntɨh me e.

Mɨlʉmlʉ 22:30

É mɛn tɨ, njwɨɨ bɨzima nɨnɨ waa ze tiʼe é leme we ó, nye gʉŋa sa yé a pa kʉ sa ó, oYʉden, bé purɨ Pol bim yaa ɛ. Ebe no ó nye a tii nye mɨkʉkob é mɛn tɨʼ ɨ. Nye ze lɛɛ e l'ojwɨɨ be opara ndwe e bʉr o Bʉm Nɨnɨ bɨbɛh ó, bé gwɨhla. Nye ze to e Pol é gumo bé a be e, ze cyel nye tɨ, ó nye kara lɔb we.

Mɨlʉmlʉ 5:40

jebɔ ntɔʼ mɨlʉmlʉ, bîŋɔ mye, é bîŋɔ bîŋɔ, ntɔʼ cyelɔ be mpene ó, bé l'anyamle lwib é die mo Yesʉs, ntɔʼ birɔ be.

Mɨlʉmlʉ 8:3

Sol ze gba nyʉl lé edimle Mbɛr-Zyɛm. Nye a to-to no ó, mɨmbɛr e mɨmbɛr myɛh, lé eto le edulo bʉba le bʉrʉm bé a buʼla ɛ, bɨbɛh. Bé ze gba be é mbʉʼ.

Mɨlʉmlʉ 9:4

Nye ntɔʼ duma si, ze joʼo twii lé elɛɛ e nye ó: «Sol, Sol! Ebe yé go lé epa kʉ tíile me e bim tíila nɨ ɨ?»

1 Pyɛr 2:13

Filɨ ga monyʉl si e njwɨɨ lal nyiwɛh ebe kum bɨn lé edwe Da ɛ. Saʼ ga njwɨɨbʉr win mojoʼo, ebe, wé ó ndɨ e nkul mojwɨ̀ʼa.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”