Lʉkas 20:16 - Kálara Zyɛ̌m Edwán é mpʉ̌n

¹⁶ Mɛm, me ebee ó, nye óze jʉ osyɛl o mosa baa bɨbɛh, ze cyel bʉʉ bʉr ofih é peme yaa.» É jɔʼ bʉr, bé a joʼo no e, bé ó: «Tɨtoʼo, yʉʉ sɔʼɔ, yé ákwoʼ syɛɛ ba no!»

Kálar Nzyɛ̌m : Ejwán é Sáá

¹⁶ Mɛ̌m bee ó, nye ónzě jʉ̂ bílóbila byaá bíbyɛ̂h, nzě pɛ̂h bʉ̂r oswîh, nzě kǎ tímle bé pemé yaá.» Jɔʼ bʉ̂r bé á jóʼo nó yɨ́, bé ó: «Heʼé, yʉ́ʉ́ sɔ̂ʼ, yé ákóʼó syɛ́ɛ bá nó!»

Lʉkas 20:16 Iomraidhean Croise

Mataos 21:34

É jɔʼ nkono, yé a be, yé mu kunokuno e, nye ze lomo osyɛl o mosa be, ó bé toʼ boo osyɛl o mosa be, ó bé toʼ, to nʉa we paʼ mpumo, bula nye e nya.

Mataos 21:41

Bé ze bɨha e nye ó: «Nye ókʉ jʉ osyɛl be ebebe baa ó, jʉ jʉʼo, e ncɨr é leme, ntɔʼ cyel osyɛl o mosa ofih é peme yaa, baa bé ódɨ dwe nye we paʼ mpumo é jɔʼ nkono yiyɛh ɛ.»

Mataos 22:7

Njwɨɨbʉr waa, wé ze kpaa empime, ze lomo bɨzima bye, le eto jʉ ojʉl o bʉr baa, le ediʼ nkana yɔɔ mɨfu.

Markus 12:9

«Yé be no nɛʼɛ, bɨn bɛɛ bee ó, mʉr peme ósa nyá ɛ? Mɛm, me ebee ó, nye óze jʉ osyɛl o mosa baa, ntɔʼ ka cyel bʉʉ bʉr ofih é peme.

Lʉkas 19:27

No ó bʉr o dɔm bam, bé a bene ó, me l'aka cyɛb njwɨɨ é paʼ wɔɔ ɛ, ntaʼ ga me e ba wâ. Bɨn jʉʼo be é mih mam!”»

Lʉkas 20:15

No ó bé a ze pɛʼ nye é peme tʉŋlʉ, to jʉŋɔ nye é mpomo peme. Yé be no nɛʼɛ, bɨn bɛɛ bee ó, mʉr peme ósa nyá ɛ?

Mɨlʉmlʉ 13:46

Pol bé e Barnabas ze lwib e be é kpɛŋlɛm, abe e bʉa. Bé ó: «Yé a jala ó, lɔɔ Zyɛm, wé taara lɛɔ bɨn ye, oYʉden. Sa gwar, bɨn mu ó lé ebene we, bɨn bé ebee ó, mbi bɨbɨbla bɨ bʉr bɨn ndɨ ɨ, yé ajala ó, bɨn biʼe tiʼ molu mo mpoʼ mɨmɛh. Mpʉ bɨn sa no e, bɨn bé esa ó, bɨh laŋa, lé eto lɛɛ lɔɔ waa boo bʉr o ndɨ abe oYʉden ɨ,

Rôm 11:1

Ebe no, me edî ó nɛɛ: é mpʉ yé ndɨ no e, zê yé lé elɛʼle ó, Zyɛm a si myah kul bʉr ye ɛ? Hɨʼɨ, yé abe ba no! Me mʉr tɨ, me ó mpɛh Ɨzraɛl. Me a byɛl ó, é l'eveh mo Benjamin. Me ó mʉr mpoŋbʉr mo Abraham.

Rôm 11:11

No ó, me ebâʼle dî nuu tia ó: «Zê oYʉden, bé a kʉ twe ó, cyecye ɛ?» Hɨʼɨ, yé abe ba no! Zyɛm a si dwe bʉr o byʉʉ bɨkul bɨfih tiʼ molu mo mpoʼ mɨmɛh é lɔb motie oYʉden, bé a ntaa ɛ. Nye a sa no ó, é l'efu le egba oYʉden egu é mɨleme.

Rôm 3:31

É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Rôm 3:4

Hɨʼɨ, yé abe ba no. Dam be ó, bʉr bɨbɛh, bé ó mɨmpʉmpʉl, Zyɛm nyɛɛ, nye ekʉ ka lɛɛ ó njɨ ocyecye: «É l'efu ó, go nkʉʼ dweŋɔ mokebe é jɔʼ bʉr lé ejoʼo mokan mo e. ǃBé si jwɨʼla saa epur go é mpah mɨlɔb nɛʼɛ, gwɔɔ, go óbi mokebe.»

Rôm 3:6

Hɨʼɨ, yé abe ba no, ebe, nkʉ Zyɛm be ó be, l'abe e nkam lé edwe bɨna ga mobe ebe mɨsyem nɛʼɛ, mpa nye abe e nkul etiʼe bʉr bɨbɛh mɨlɔb.

Rôm 6:15

No, yé ó, bɨna bé aka be ga é monkara mo mɛra motie. Bɨna ga mu ó baa Zyɛm a lɛʼle ncwɨncwɨa we e. É mpʉ yé ndɨ no e, zê bɨna bé lé ejala le esa ga syem ɛ? Hɨʼɨ, yé abe ba no!

Rôm 6:2

Hɨʼɨ, yé abe ba no! Bɨna bɨ dwè ga é nko paʼ mo Syem. Ebe no, abe e sa yé ósa ó, bɨna toʼ ga dolo le esa mɨsyem.

Rôm 7:13

Zê no, yé elɛɛ ó, sa ndɨ é bul mbɨa é mpʉ motie maa ɛ, yé a si jʉ me ɛ? Hɨʼɨ, yé abe ba no! Sa yé a jʉ me e, yé a be ó njɨ Syem. Wé a si bana bɨlan e sa mpa yaa, wé ntɔʼ jʉ me e tɨ. Syɛɛla yaa ó ndɨ elɛʼle bɨna ga sa ndɨ syem ɨ. Syem, wé a ka bul nyin é l'ebebe ó, é jɔʼ yaa.

Rôm 7:7

Yé be no nɛʼɛ, bɨna bé ólɛɛ ga é yé? Zê motie mo Moyiz, mé ó sa lé esa ó, mʉr saʼ syem ɨ? Hɨʼɨ, yé abe ba no! Me abe e nkul egʉa sa ndɨ «syem» ɨ, nkʉ yé abe é zi motie maa. Nkʉ motie, mé a be ó be, alɛɛ ó: «Acen mih é sa yoonkan, nkʉ gwɨm ye» nɛʼɛ, mpa me agʉa lɔb esa bɨgwɨma.

Rôm 9:14

Yé be no nɛʼɛ, bɨna kaʼ lɛɛ ga é yé? Zê Zyɛm, nye lé esa bɨsyɛɛla ndɨ ozyɛhozyɛh ɛ? Hɨʼɨ, yé abe ba no,

1 Korɛnt 6:15

Zê bɨn l'apa gʉa ó, monyʉl mɨn, mé ó bɨfum bɨ nyʉl mo Krɨst ɛ? Zê me ónʉa yʉʉ fum nyʉl mo Krɨst, bana to syɛŋ ye e nyʉl mbambama ɛ? Hɨʼɨ, yé abe ba no!

Galásia 2:17

«Bɨna oYʉden, bɨ buʼla ó, bɨna bé óbi ga mokebe é mih mo Zyɛm ó, abe é dɔɔ mbaʼla motie ga wina, njɨ ebe zyɛŋa ga wina boo Krɨst. Yé mu lé enyin ó, bɨna ga mu ó mpʉ baa bɨna bé a jebe-jebe ga ó, osyɛl o mɨsyem ɨ. Zê no ó ndɨ elɛɛ ó, Krɨst, nye ó syɛl mosa mo Syem ɛ? Hɨʼɨ, yé abe ba no!

Galásia 3:21

Yé be no nɛʼɛ, zê yé lé elɛɛ ó, motie le nkɛʼ mo Zyɛm waa, byé e ziila? Hɨʼɨ, yé abe ba no! Ziila, nye abe tɨ. Nkʉ yé a be ó be, be e lʉʉ etie lé edwe bʉr tiʼ molu mo mpoʼ mɨmɛh nɛʼɛ, mpa bʉr mu ó lé ebi mokebe é mih mo Zyɛm é zi etie laa.

Galásia 6:14

Yé l'ayi kunbo ba e me ó, me doʼa e sa fih. Me ódoʼo njɨ e Tî ga wina Yesʉs-Krɨst, le mpʉ nye a cyèlɔ é klos kʉ, ntɔʼ dwè e. Efie le laa, lé ó b'a sa ó, bɨsa bɨ jobo yi, byé diʼe me mpʉ sa yé a bomlɔ é klos kʉ ɨ. Bʉr o si nwa, bé mu ó lé ebee me ó, mpʉ mʉr a cyèlɔ é klos kʉ ɨ.