Lʉkas 2:51 - Kálara Zyɛ̌m Edwán é mpʉ̌n

⁵¹ No ó, bé e boo nɔɔ, bé a fiʼ, toŋɔ Nazarɛt. Nye a be ó si sa be mojoʼo. Nyɔŋ a be ó lé ebaʼle-baʼle mɨlɔb myaa mimyɛh é leme we tʉŋlʉ.

Kálar Nzyɛ̌m : Ejwán é Sáá

⁵¹ Nó bé e boo nɔ́ɔ́, bé á swîʼ, tô Nazarɛ̂t. Nye á si sâ bé mejóʼo. Nyɔ̌ŋ á be lɨ́ ebɨbaʼle mílɔ̌b myaá mímyɛ̂h ɨ́ lémé wé tʉ́ŋlʉ̌.

Lʉkas 2:51 Iomraidhean Croise

Mataos 12:46

Yesʉs dina lé elwib e ntuntuma bʉr nɛʼɛ, nyɔŋ we bé e l'obɨɔ be ntɔʼ pyal, cyɛbɔ kʉl, lé esaa mozi mo elɛɛla e nye. [

Mataos 3:15

Yesʉs ze bɨha e nye ó: «Birɨ, yé syɛŋɨ no, ebe, yé ejala ó, loŋlo bɨsyɛɛla bɨ ocɨcyel bibyɛh.» Yʉanes ntɔʼ mɛʼle.

Markus 1:9

É molu maa, Yesʉs ze mʉa Nazarɛt é lal Galɨle, ntɔʼ to é l'ebʉm e dibe Yʉrdɛŋ. Tɨʼ ó Yʉanes a dù nye e.

Markus 6:3

Ntʉʼ nye be-be kabina ɛ? Ntʉʼ mwan mo Maaria nwaʼ ɛ? Ntʉʼ nye ndɨ mɨɔ mo Jacques bé e Yose, ndwe e Yʉd, ka kɛl Simɔn ɨ? Ntʉʼ bɨna ga e l'okɛl be lé etiʼe wâʼ ɛ?» Syɛɛla yaa ze kol be ebɔʼ bé a bɨm é mɨleme e.

Lʉkas 18:37

No bé a lɛɛ e nye ó: «Yesʉs, mʉr Nazarɛt, ó ma laa nɨ.»

Lʉkas 2:19

Maaria nyɛɛ ze baʼle mɨlɛa myaa mimyɛh é leme we, ze taare lé epahle mye é puuu.

Lʉkas 2:39

É jɔʼ obyɛl mo Yesʉs, bé a be si sil du motie mo Da ɛ, no ó bé a ze fiʼ, toŋɔ e nye kwar wɔɔ Nazarɛt, ɨ Galɨle.

Lʉkas 4:16

Yesʉs ze to kwar we Nazarɛt, gumo nye a sa mʉr ɨ. Moho saba ze pyal. Nye ze ni é mpah mɨnjwɨʼla, ebe, yé a bɛa be ó njwɨr we. No ó nye a ze cyɛb cɨcyel, ó nye láŋa peh Kalara Zyɛm.

Lʉkas 4:23

No ó nye a ze lɛɛ e be ó: «Abe e mosono, bɨn bé ólɛɛ tina muh ó, me saʼ mpʉ kɨkɛna lé elɛɛ ó: “Dɔbra, taara tiʼ go mʉr tɨ.” Nteme, bɨn bé ólɛɛ e me ó: “Paʼ kʉ sa bɨh bɛɛ mbi mosima bɨh bé a joʼo ó, go a dɨ sa Kapernaʉm ɨ! Saʼ me wâʼ é lal go!”»

Éfɛsɔs 5:21

Filɨ ga monyʉl si paʼra win, ebe, bɨn bé edwaabe Krɨst.

1 Pyɛr 2:21

Zyɛm a jebe bɨn ó, bɨn saʼ nye syɛɛla yaa, ebe, Krɨst nye mʉr tɨʼ a si sia e mɨtuu é l'efu e nyɔm win. Nye a lɛʼle bɨn tɨʼ ó, dweʼle bɨn lé ejala le edu ɨ. Nye a sa no ó, bɨn nkʉʼ du mobò me. Yé ó tila ó: