Lʉkas 2:36 - Kálara Zyɛ̌m Edwán é mpʉ̌n

³⁶ Nuu mʉma ngwiha mɨlɔb, a be nteme ó tɨ, die le Ana, sile mo Fanuɛl, é l'eveh mo Aser. Nye a be ó, nye mu si bul jwɨm. É jɔʼ nye a be, nye dina ndu esehe e, nye a si to é l'eba boo nuu mʉrʉm. Bé e njʉm we waa di njɨ mɨmbu tambɛl,

Kálar Nzyɛ̌m : Ejwán é Sáá

³⁶ Yé á be ntémé ó e nyʉ́ʉ́ mʉ́má ngwíha milɔ̌b mé Nzyɛ̌m, díé lé Ane. Nye á be ó mwân mé Fanuɛ̂l, ɨ́ mpóʼo mé Áser. Nye á be ó, nye mû sí buú jwɨm. Nye á si bâ nyʉ́ʉ́ mʉ́rʉ̂m, bé e njʉ̂m wé waá jaá dǐ njɨ mimbû nzaangbá,

Lʉkas 2:36 Iomraidhean Croise

Lʉkas 2:35

Nye ó sa yé ólɛʼle mbi bɨjwɨʼ bʉr ndɨ efol-fol é mɨleme myɔɔ ɛ. Gwɔɔ mʉma nwa, empime, lé ókpahla go é leme mpʉ fòŋ é jɔʼ go óbee be lé esa nye no e.»

Lʉkas 2:38

No ó, é jɔʼ gwar yaa, mpʉ Simeɔn a be lé elwib ɨ, Ana ntɔʼ dihle, ze dwiibɨ Zyɛm, ze lwib e bʉr o bé e boo nɔɔ bé a di-di ɨ. Bé nteme, bé a si bono mʉr ókʉr bʉr o Yerʉsalɛm ɨ. Nye ze lɛɛ bʉr baa bɨbɛh sa yé a tiibe e mwan wɔɔ ɛ.

Mɨlʉmlʉ 2:18

Eee, me ólomlo be Mbɨambɨa Sisim, osyɛl o mosa bam, bʉba le bʉrʉm, é molu maa. Bé ógwih mɨlɔb myam.

Mɨlʉmlʉ 21:9

Nye a be ó e mɨndu mosehe mɨnâ. Mimyɛh, myé a be-be ó lé egwih bʉr mɨlɔb mo Zyɛm.

1 Korɛnt 11:5

No ó, ǃɨ mʉma nyɛɛ baatiile ntʉŋ é lʉ é jɔʼ nye lé esa mɨnjwɨʼla, nkʉ é jɔʼ nye lé egwih mɨlɔb mo Zyɛm é gwɨhla yin nɛʼɛ, nye esamle nteme ó, tî we. Fwon waa, nye ó mpʉ fwon mʉma ndɨ cwɨa lʉ ɨ.

1 Korɛnt 12:1

Obɨɔ ga bam aa! Me akpɛl ó, bɨn jeʼa lɔb bɨntɔɔ Zyɛm lé enol bɨna ga ɛ.

1 Timotɛ 3:2

Ebe no, yé ejala ó, nye diʼe mʉr bé ndɨ abe e nkul etɛɛ ɛ. Yé ejala ó, nye diʼe njɨ e mʉma ngwar. Yé ajala ó, mbɔʼlʉ mbɛr Zyɛm, nye fwaʼa monwoʼ. Nye kœʼœ ebò e cyen é mpaŋ pɨʼ. Nye diʼe mʉr ndɨ e modile e. Nye diʼe mʉr lé ebɨlan e l'ojyoo, waa lé egʉa dwe bʉr sikʉlʉ ɨ,

1 Timotɛ 5:9

Go ótile mʉma die é kalara mɨkuho mɨ bʉba ó, waa mu e mɨmbu mowʉm tobo e. Kuho waa, wé beʼ nteme waa wé a baʼle njʉm ngwar ɨ.

Mɨngwiha 7:6

baa be eveh mo Aser: otɔɔyin ewʉm e l'oba (12 000); baa be eveh mo Nɛftali: otɔɔyin ewʉm e l'oba (12 000); baa be eveh mo Manase: otɔɔyin ewʉm e l'oba (12 000);