Lʉkas 2:34 - Kálara Zyɛ̌m Edwán é mpʉ̌n

³⁴ Pie tɨ, Simeɔn ze sʉ be mocyɛʼ mo mpom le elɛɛ e Maaria, nyɔŋ mo Yesʉs ó: «Mwan nwa, nye ó waa Zyɛm a ntɨh ó, nye twehla buobuo bwa b'Ɨzraɛl, le egbɛl bʉʉ. Nye óbe ó e l'ejwɨʼ ndɨ elɛʼle nkul mo Zyɛm ɨ. Bʉʉ bʉr bɛɛ, bé ótɨ mɨlɛa mye.

Kálar Nzyɛ̌m : Ejwán é Sáá

³⁴ Píe tɨ̂, Siméon nzě syɛɛ bé metyéelé, lɨ́ elɛ́ɛ e Maria, nyɔ̌ŋ mé Yésʉs ó: «Mwán nyâ, nye ó waá Nzyɛ̌m á ntɨh ó, nye twêhlaa baá o dí ebeně Nzyɛ̌m bá, le egbɛl bʉ́ʉ́ sí, baá o dí ekpɛl nyé bá. Nye óbe ó le jwɨ̌ʼ, lɨ́ elɛ̂ʼle nkûl mé Nzyɛ̌m. Bʉ́ʉ́ bʉ̂r bɨ́ɛ, bé ósóŋlo nyê.

Lʉkas 2:34 Iomraidhean Croise

Mataos 11:19

É jɔʼ yi, Mwan mo Mʉr, nyi ka pyal: nye ede mode le enyʉl monwoʼ. Bé ó: “Dwɛʼa ga. Nwaʼ mʉr, nye ó kʉ be ancyadoʼ, fufwɔʼ monwoʼ, fo onwɨa o tœa, fo bʉr o ndɨ é bul jwɨ̂ʼlɨ e mɨsyem ɨ!” Sa gwar, bʉr, bé eka mɛʼle ó, Zyɛm, nye ó cɨcyel é jɔʼ bé ndɨ ebee ebò e cyen mɨcɨcyoo ndɨ ekœʼ œ.»

Mataos 12:46

Yesʉs dina lé elwib e ntuntuma bʉr nɛʼɛ, nyɔŋ we bé e l'obɨɔ be ntɔʼ pyal, cyɛbɔ kʉl, lé esaa mozi mo elɛɛla e nye. [

Mataos 21:44

Mʉr ótwe é l'ekoʼ lɨʼ ɨ, nye óbwiʼ bɨpeh bɨpeh. Waa ekoʼ, lé óbila ɛ, nye ótwiʼlɨ.]»

Mataos 27:63

Bé e nye ó: «Da, bɨh bé etoŋlo ó, mpʉmpʉl nɨ, é jɔʼ wé a be, wé dina kʉ ɨ, wé a kʉ bana lɛɛ-lɛɛ ó: “É l'elu elɛl, me ópàh.”

Lʉkas 2:35

Nye ó sa yé ólɛʼle mbi bɨjwɨʼ bʉr ndɨ efol-fol é mɨleme myɔɔ ɛ. Gwɔɔ mʉma nwa, empime, lé ókpahla go é leme mpʉ fòŋ é jɔʼ go óbee be lé esa nye no e.»

Yʉanes 3:20

Mʉr nyiwɛh lé esa ebebe e, nye enwim myɛn waa. Nye abe lé eze fum myɛn lé epan ɨ, ebe, nye ekpɛɛ ó, ebebe le, lé amu jaa gwiha kʉl, bʉr ntɔʼ dwe nye mobe tɨ.

Yʉanes 5:18

Ebe lɔɔ we waa ó oYʉden, bé a to dolo lé esaa ó, bé jʉ ó nye e. Bé a baasaa ejʉ nye njɨ ebe mpene moho saba nye a ntaa ɛ. Bé a saa nteme ó, bé jʉ ó nye ó, ebe, nye a lɛɛ ó, Zyɛm, nye ó Sɔŋ we, anta nye. Bʉr baa, bé a bee no ó, nye ejwɨʼa e Zyɛm.

Mɨlʉmlʉ 13:45

Mbea oYʉden, bé a bee ntuntuma bʉr yaa ɛ, bé kʉ ze taare lé esie Pol, le etɨŋɔ mɨlɛa mye, le etamɔ nye.

Mɨlʉmlʉ 17:6

Mpʉ bé a baakœb be tɨʼ ɨ, bé ze to le edulo Yasɔn ndwe e bʉʉ oKristen si e si, to pyal e be é mih mo ojwɨɨ o nkana, ntɔʼ lɛɔ ó: «Bʉr ba, bé a si sa bɨntʉ é mɨlal mɨ si nwaʼ mimyɛh. Bé mu nteme ó, si ze pyal e syɛɛla yaa wâ!

Mɨlʉmlʉ 24:5

«Bɨh bé a si bee mʉr nwaʼ lé edulo oleŋeleŋe é l'oYʉden bɨbɛh ndɨ é si nwaʼ ɛ. Nye ó sa bɨbla mʉr! Nye nteme, nye ó ndɨ lʉ nkɔm bʉr o Nazarɛt!

Mɨlʉmlʉ 28:22

No ó, bɨh bé ekpɛl joʼo mpʉ go lé epahle mɨlɔb myaa ɛ, ebe, é nko paʼ wih, sa bɨh bɛɛ ndɨ egʉa ɛ, yé ó, é bɨgumo bibyɛh, bé etɨ-tɨ mɨlɛa mɨ tɨ.»

Mɨlʉmlʉ 4:26

Mɨnjwɨɨbʉr mɨ si nwa, myé a si cyɛb é cye dɔm. Otamabʉr o mɨlal mimyɛh, bɨ gwɨhla, le ebà jwɨʼ ó, bé lwimla ó e Da, lwimla nteme e Lœma mulo mo Zyɛm.”»

Mɨlʉmlʉ 6:7

Bʉr ntɔʼ to dolo lé elɛɛ lɔɔ Zyɛm. Lɔɔ we ze myɛma. Tɔɔ ompʉn ntɔʼ kpahbe buo ɨ Yerʉsalɛm. Buobuo bʉr é sama opara ze jyɛʼɔ taa buʼo yɔɔ boo Zyɛm, le esa nye mojoʼo.

Rôm 9:32

Ebe yé, bé a baabi mokebe é zi waa ɛ? Yé a be ó, ebe, bé a baajyɛʼ taa buʼo yɔɔ boo Zyɛm! Bé a kʉ ka jyɛʼ ye ó njɨ é bɨsyɛɛla byɔɔ. É mpʉ bé a du zi waa ɛ, bɨ ze to duma temezi. Bé a bɨm ebɔʼ ó, é l'ekoʼ.

1 Korɛnt 1:23

É wih paʼ, bɨh bé elɛɛ ó, Mbɨambɨa Lɔɔ mo Lœma mulo mo Zyɛm a cyèlɔ é klos kʉ ɨ. Lɔɔ waa, wé ekol oYʉden ebɔʼ ndɨ edumo be e. Wé enyin é mbea byʉʉ bɨkul bɨfih ó, wé ó lɔɔ ogʉ.

Ebrœ̂ 7:1

Mɛlkisedɛk waa a be ó njwɨɨbʉr Salɛm. Nye nteme a be ó para mo Zyɛm ndɨ Lʉ bɨsa bibyɛh ɛ. É jɔʼ Abraham a to é dɔm, ntɔʼ bula, nye osi jʉ bʉr o dɔm be e, Mɛlkisedɛk a be ó si to, to bɔma e nye, ntɔʼ ze sʉ nye mocyɛʼ mo mpom le esyɛɛ nye mocyeele.

Ebrœ̂ 7:7

Abe e mosono, syɛɛ-cyeele, wé elaa waa ndɨ esyɛɔ mocyeele e, é nkʉŋ.

1 Pyɛr 4:14

Mocyɛʼ mo mpom e bɨn é jɔʼ bʉr lé elwɨɨ bɨn é lɔb mo Krɨst ɨ, ebe, Mbɨambɨa Sisim, Sisim kum, nye edi é bɨn é jɔʼ yaa.