Lʉkas 2:27 - Kálara Zyɛ̌m Edwán é mpʉ̌n

²⁷ É jɔʼ yaa, nye a be ó é jahla bii mo Zyɛm mpʉ Mbɨambɨa Sisim a pa tɨe nye e. Pyala obyɛl mo Yesʉs, bé a pyal e mwan wɔɔ, ó bé duʼo motie Moyiz a tiile é nko paʼ obyɛl o bwa o bʉrʉm ɨ,

Kálar Nzyɛ̌m : Ejwán é Sáá

²⁷ Jɔʼ yaá, nye ntɔ̂ʼ tô mpáh Nzyɛ̌m, mpʉ̌ Sísǐm mé Nzyɛ̌m wé á tɨ́e nye yɨ́. Nó ɨ́ jɔʼ óbyɛ̂l mé Yésʉs bé á pyâl e mwân wɔ́ɔ́ lɨ́ enzě lóŋlo étié Mékaná mé Nzyɛ̌m mé á tyêl obyɛ̂l o bwá ó bʉrʉ̂m lɨ́ yɨ́,

Lʉkas 2:27 Iomraidhean Croise

Mataos 4:1

Mbɨambɨa Sisim ntɔʼ to e Yesʉs é feha si. Nye a to e nye gʉʼ ó, Njwɨɨ moleme bobla nye.

Lʉkas 2:22

Pie tɨ, jɔʼ Maaria bé e Yoseb, bé a jala le edu motie mo Moyiz tiibe e baabyɛɛ ɛ, ze pyal. Moyiz a tiile baabyɛɛ etie ó, abyɛɛ nyiwɛh taara to pubɔ pie byɛɛ é jahla bii mo Zyɛm. Bé ze to e mwan wɔɔ Yerʉsalɛm, to lɛʼlɔ Da nya.

Lʉkas 2:28

bé e boo Simeɔn «tʉtʉm», Simeɔn kʉ ze jà mwan waa jà jàʼ e mobo me, ze dwe Zyɛm kum. Nye ó:

Lʉkas 2:41

Mɨmbu mimyɛh, obyɛl mo Yesʉs, bé a be ó lé eto Yerʉsalɛm lé eto jeme ebʉʼ e Paska tɨ.

Lʉkas 2:48

É jɔʼ obyɛl be, bé a bee nye e, bé ze di é jehe. Nyɔŋ we ze dî e nye ó: «Mwan wam! Ebe yé go ka sa bɨh mpʉnʉ nɨ ɨ? Paʼ bee: bɨh e foŋ, bɨ bul saa go, le esyɛl ba e go!»

Lʉkas 2:51

No ó, bé e boo nɔɔ, bé a fiʼ, toŋɔ Nazarɛt. Nye a be ó si sa be mojoʼo. Nyɔŋ a be ó lé ebaʼle-baʼle mɨlɔb myaa mimyɛh é leme we tʉŋlʉ.

Lʉkas 4:1

Yesʉs mu lwɨŋla e Mbɨambɨa Sisim, nye ntɔʼ duho é dibe Yʉrdɛŋ. Mbɨambɨa Sisim ntɔʼ to e nye é feha si.

Mɨlʉmlʉ 10:19

Pyɛr, nye dina lé epahle sa jehe nye a bee é lima nɛʼɛ, Mbɨambɨa Sisim ze lɛɛ e nye ó: «Bʉr olɛl, bé ó wâʼ lé esaa go.

Mɨlʉmlʉ 11:12

No ó Mbɨambɨa Sisim a lɛɛ e me ó, bɨh e boo nɔɔ toʼ. Nye a lɛɛ ó, me l'aliʼa lé eto. Obuʼla tobo baʼ nteme, bé a si liʼle me ɨ Sezare. Bɨh e boo nɔɔ ó b'a to ni mbɛr mo nuu mʉr.

Mɨlʉmlʉ 16:7

É jɔʼ bé a pyal kunokuno e lal Misia ɛ, bé a si saa eto Bitini. Sa gwar, Sisim mo Yesʉs, wé a baamɛʼle jwɨʼ yɔɔ yaa.

Mɨlʉmlʉ 8:29

Mbɨambɨa Sisim ntɔʼ lɛɛ e Filip ó: «Toʼ, to di kunokuno e mʉr ndɨ é kaliʼ kʉ nɨ.»

Galásia 4:4

Yé ntɔʼ ka pyal é mbɨambɨa jɔʼ Zyɛm a bɛa cyel ɨ. É jɔʼ yaa ó nye a ntɨh Mwan we, ó nye ntaʼ, ze byɛl é mo mo nuu mʉma. Mwan waa a be ó é monkara mo mɛra motie.

Mɨngwiha 1:10

É lʉʉ dobo mo Da Yesʉs, Mbɨambɨa Sisim a be ó si mɛr me e nkul, me ze joʼo twii lé elwib, mʉr tɨʼ lé ecyɛb me é koo pihe. Twii we, nye a jwɨ̂ʼ ó mpʉ sa cɨŋɔ ó, yé ó sebe lé elwɨɨ ɨ.

Mɨngwiha 17:3

Mbɨambɨa Sisim, nye osi mɛr me e nkul, engles ze nʉa me, to e me é feha si. Me ze bee mʉma tɨ, nyɛɛ ndindil é tir kʉ. Tir waa a be ó akaa-e-kaa é zʉʉŋ. Nye nteme e mie mɨcɨma é nyʉl e nyʉl, maa mé a pyeh Zyɛm ɨ. Tir waa nteme e mɨlʉ tambɛl ndwe e bɨntoo ewʉm.