Lʉkas 2:25 - Kálara Zyɛ̌m Edwán é mpʉ̌n

²⁵ To kœb ó, yé a be ó e nuu mʉr ɨ Yerʉsalɛm, die le Simeɔn. Nye a be ó cɨcyel mʉr le ebul dwaabe Zyɛm. Nye a di-di ó, lé ebono mʉr ódwaŋle bwa b'Ɨzraɛl mɨleme e. Mbɨambɨa Sisim a be ó é nye.

Kálar Nzyɛ̌m : Ejwán é Sáá

²⁵ Ɨ́ Yerʉ́zalɛm, yé á be ó e nyʉ́ʉ́ mʉ̂r, díé lé Siméon. Nye á be ó tîtyěl mʉr le ebuú dwáawǒ Nzyɛ̌m. Nye á didi ó, lɨ́ ebóno mʉ̂r ngá báʼǎ gbâ bʉ̂r o b'Ɨ́zraɛ̂l nkul ɨ́ miléme nyá. Sísǐm mé Nzyɛ̌m, wé á be ó e né.

Lʉkas 2:25 Iomraidhean Croise

Lʉkas 1:41

Njoʼa Lɨsaber a joʼo moswɨhlɨ me e, mwan ze pɨʼba nye é mo. Cye e cye yaa, Mbɨambɨa Sisim ze loŋlo Lɨsaber é leme.

Lʉkas 1:6

Bɨbɛh oba, bé a be ó ocɨcyel o bʉr é mih mo Zyɛm, lé edu mɨtiila ndwe e mompene mo Da. Ebò e cyen lɔɔ, alɨŋa ba.

Lʉkas 1:67

No ó sɔŋ we Zakari mu lwɨŋla e Mbɨambɨa Sisim a si taare egwih mɨlɔb mo Zyɛm. Nye a lɛɛ ó:

Lʉkas 2:38

No ó, é jɔʼ gwar yaa, mpʉ Simeɔn a be lé elwib ɨ, Ana ntɔʼ dihle, ze dwiibɨ Zyɛm, ze lwib e bʉr o bé e boo nɔɔ bé a di-di ɨ. Bé nteme, bé a si bono mʉr ókʉr bʉr o Yerʉsalɛm ɨ. Nye ze lɛɛ bʉr baa bɨbɛh sa yé a tiibe e mwan wɔɔ ɛ.

Mɨlʉmlʉ 10:2

Bé e mbɛr bʉr we wiwɛh, bé a be-be ó lé edwaabe Zyɛm. Nye a be nteme ó lé ebul gul baanteʼenteʼe o bʉr oYʉden, le ejwɨʼla e Zyɛm jɔʼ yiyɛh é buobuo.

Mɨlʉmlʉ 10:22

Bé ntɔʼ bɨha ó: «Bɨh ze ó, é lʉmlʉ mo njwɨɨ nter bɨzima wih, die le Kɔrnɛl. Nye ó cɨcyel mʉr lé edwaabe Zyɛm ɨ. Nye é bul jwɨ̂ʼlɨ e bɨsyɛɛla bɨ ncwɨncwɨa nye lé elɛʼle oYʉden bɨbɛh ɛ. Nuu engles mo Zyɛm tɨe nye ó, nye baŋla go, go toʼ, to pyal nye ye, ó nye joʼla sa go ólɛɛ nye e.»

Mɨlʉmlʉ 2:5

Tɨʼ ɨ Yerʉsalɛm, yé a be ó e l'oYʉden bé a be lé edwaabe Zyɛm ɨ. Bé a byɛl ó, é mɨlal mimyɛh ndɨ é si nwaʼ ɛ.

Mɨlʉmlʉ 24:16

Ebe no, me egba nyʉl lé ekœʼ ebò e cyen ndɨ cɨcyel é mih mo Zyɛm le maa mo bʉr ɨ. Mɨpɛhla mɨ leme wam, wé ó é pyɛɛɛ.

2 Pyɛr 1:21

Ogwiha o mɨlɔb, bé a baagwih mɨlɔb mo Zyɛm lé edu mpʉ gwɨma mɨleme myɔɔ, myé a be e. Bʉr, bé a lwib ó, mokan mé a duho boo Zyɛm ɨ, é zi Mbɨambɨa Sisim.