Lʉkas 2:14 - Kálara Zyɛ̌m Edwán é mpʉ̌n

¹⁴ «Kum mo Zyɛm, nye bera kʉ, laa jobo e l'ejyoo le ebantɛn. Bʉr o si nwa, bé diʼe é motala, ebe, Zyɛm, nyi bee be mbɨmbɨa.»

Kálar Nzyɛ̌m : Ejwán é Sáá

¹⁴ «Kûm mé Nzyɛ̌m, nye lɨ́ elóŋlǒ jʉ́ó dí elaǎ jʉ́o le ejwoo le baántɛ́n yɨ́. Bʉr ó sí, bé díʼee e mepyɛbla páʼ nyɔ́ɔ́, ebě, Nzyɛ̌m, nyɨ́ bee bé mbɨ̂mbɨá.»

Lʉkas 2:14 Iomraidhean Croise

Mataos 21:9

Le bʉr o b'a dɨ to nye dolo e, le baa b'a dɨ du nye pihe e, bé a be ó lé ebʉ bɨyaŋa, lé elɛɔ ó: «Kɛɛɛɛɛɛ! Mwan mo David ó nɨ ɔɔ! Mocyɛʼ mo mpom, mé swɨŋɨ é waa lé eze e die mo Da nwa ɔɔ! Kɛɛɛɛɛɛ é lal mo Zyɛm ɔɔ!»

Lʉkas 1:79

Mɨmbah, myé ókʉn bɨna ga bʉr o b'a be-be é l'edurʉ, baa b'a be-be é ka foo e. Nye ólɛʼle bɨna ga ebò e cyen bɨna lé ejala le ekœʼ ga ɛ, bɨna ga e boo nɔɔ nkʉʼ tiʼe é motala.»

Lʉkas 19:38

Bé a lɛɛ-lɛɛ ó: «Mocyɛʼ mo mpom, mé swɨŋɨ é waa lé eze e die mo Da nwa ɔɔ! Motala, mé diʼe é lal mo Zyɛm ɔɔ! Kɛɛɛɛɛɛ é lal mo Zyɛm di e kum wi ɔɔ!»

Lʉkas 2:13

Cye e cye yaa, esama e dɔm e beengles ze duho é jobo kʉ, ze kœb engles waa. Bé e boo nɔɔ bɨbɛh ntɔʼ dwiibɨ Zyɛm. Bé ó:

Lʉkas 2:15

É jɔʼ beengles, bé a liʼe be, ntɔʼ bâʼle berɔ é jobo kʉ ɨ, okobla o bɨntœme ze lɛɛla paʼra wɔɔ ó: «Ncʉʼ ga Betɛlɛhɛm. Bɨna toʼ, to bee ga sa syɛɛlɨ gʉʼ ɨ, mpʉ Da tɨe bɨna ga ɛ.»

Lʉkas 3:22

Mbɨambɨa Sisim ze fulo nye é nyʉl é baaa, mpʉ epɨba. Twii ze duho é jobo kʉ, lé elɛɛ ó: «Go ó mwan kpɛl wam. Me ekʉ mɨɨla e go.»

Yʉanes 14:27

«Motala ó me lé eliʼe bɨn e ma ma. Motala mam ó me lé edwe bɨn ma. Me adwe bɨn motala mam mpʉ bʉr o si nwaʼ lé edweela bɨsɔʼɔ, ka bula dɛn bye e. Asyɛl ga ba. Ajoʼo ga bʉa.

Yʉanes 17:4

Me a si lɛʼle bʉr kum go é si nwa. Mɨ fwahle syɛɛ go a dwe me ó, me ntaʼ, ze sea ɛ.

Yʉanes 3:16

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Éfɛsɔs 1:6

Bɨna dwiibɨ ga nye ebe mocyɛʼ mo mpom we nye sʉ bɨna ga é zi Mwan kpɛl we e.

Éfɛsɔs 1:9

Nye ecyɛb bɨna ga é mɨleme ó, bɨna gʉŋa ga jwɨʼ nye a bɛa bà, yaa yé a lɛɔ é lwib odim ɨ. Yé ó sa nye a ka sa é gwɨma ye nye mʉr tɨʼ ɨ.

Éfɛsɔs 2:4

To kœb ó, Zyɛm, nye é bul jwɨʼ bɨna ga nkoo. No ó nye a ze lɛʼle bɨna ga mpʉ nye a bul kpɛl bɨna kpɛl apurapura ɛ.

Éfɛsɔs 2:7

Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.

Filipi 2:11

No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

Kolosi 1:20

Nye a nʉa tiʼa ó, mɨlɔb ndɨ paʼra wɔɔ e bʉr bɨbɛh ɛ, nye esa sàa ó, é zi we. Zyɛm a gba motala paʼra wɔɔ e bʉr ó, dumo e nye, é zi motié mo Mwan we a dwè é klos kʉ ɨ, dam be bɨsa ndɨ kaʼ é si nwaʼ ɛ, dam be byaa ndɨ é jobo kʉ ɨ.

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

Mɨngwiha 5:13

No ó, me ze joʼo bɨsa bibyɛh Zyɛm a cye e, lé elwib é jɔʼ gwar: e byaa ndɨ é jobo kʉ ɨ, le byaa ndɨ é si nwaʼ ɛ, le byaa ndɨ é bɨbwah si tʉŋlʉ ɨ, ndwe e byaa ndɨ é maŋ tʉŋlʉ ɨ. Bibyɛh, byé ze jɛɛ bɨjɛɛ. Byé ó: «Kum, e duu ndwe e nkul, byé ó e waa ndɨ ndindil é dia taʼa ɛ, bé e Ma Ntœme, njʉmdia e njʉmdia!»