Lʉkas 2:11 - Kálara Zyɛ̌m Edwán é mpʉ̌n

¹¹ É pum wi, é nkana mo David, Tiʼbʉr win, nyi byɛl! Nye ó Lœma mulo mo Zyɛm le Tî ga wina.

Kálar Nzyɛ̌m : Ejwán é Sáá

¹¹ Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!

Lʉkas 2:11 Iomraidhean Croise

Mataos 1:16

Yakɔb bya Yoseb, njʉm mo Maaria. Maaria ó b'a bya Yesʉs, waa bé lé ejebe ó, Lœma mulo mo Zyɛm ɨ.

Mataos 1:21

Nye óbya ma mʉrʉm. Go ójwɨr nye die ó Yesʉs, ebe, nye ó ngo tiʼ kul bʉr ye, lé edwih ye é mpila mɨsyem myɔɔ é pololo.»

Mataos 16:16

Simɔn Pyɛr ntɔʼ bɨha ó: «Go ó Lœma mulo mo Zyɛm le Mwan mo Zyɛm ndɨ kublakubla ɛ!»

Mataos 16:20

Yesʉs ntɔʼ cyel ompʉn be mpene, adwo ba ó, bé l'alɛɛ mʉr ó, nye ó Lœma mulo mo Zyɛm.

Lʉkas 1:43

Ebe yé nyɔŋ mo tî wam bana ze naa me e?

Lʉkas 1:69

Nyi ntɨh bɨna ga nkɔɔ dɔm yé ótiʼ bɨna ga ɛ. Nkɔɔ ga yina, yé ó mʉr mpoŋbʉr mo David, a be syɛl mosa we e.

Lʉkas 2:26

Nye a si bɛa lɛɛ e nye é zi Mbɨambɨa Sisim ó, nye óbee Lœma mulo mo Zyɛm Da a kɛʼ ɛ, nye l'apa dwè.

Lʉkas 2:4

Yoseb nteme ze mʉa é nkana Nazarɛt é lal Galɨle, ze to lal Yʉda. Gʉʼ ó nye a to, nko nkana eveh le, Betɛlɛhɛm, gumo njwɨɨbʉr David a byɛl ɨ. Nye a to gʉʼ ó, ebe, nye a be ó mʉr mpoŋbʉr mo David.

Yʉanes 1:41

No ó, mʉr efoʼ Andreas a taare to kœb ɨ, a be ó tʉl we Simɔn. Nye e nye ó: «Bɨh bɨ bee waa ndɨ Messie ɨ!» (No yé edwirɔ ó: «Lœma mulo mo Zyɛm».)

Yʉanes 1:45

Pie tɨ, Filip ze to bee Natanaɛl. Nye e nye ó: «Bɨh bɨ bee mʉr lɔb we ndɨ tila é motie mo Moyiz, waa ogwiha o mɨlɔb, bé a tile, tiibe e nye e! Mʉr waa, nye ó Yesʉs, mwan mo Yoseb, mʉr Nazarɛt!»

Yʉanes 11:27

Nye e nye ó: «Da, me ekʉ gʉa no. Mɨ buʼla ó, go ó ndɨ Lœma mulo mo Zyɛm le Mwan mo Zyɛm, mʉr a be ó, nye óze kaʼ é si nwaʼ ɛ.»

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

Yʉanes 4:25

Mʉma, nye e nye ó: «Me egʉa ó, waa ndɨ Messie ɨ, óze—no, yé ó waa ndɨ ejebɔ ó, Krɨst: Lœma mulo mo Zyɛm ɨ. É jɔʼ nye óze e, nye ógʉa yeʼle bɨna ga bɨsa bɨnɨ bibyɛh.»

Yʉanes 4:42

Bé e mʉma nɨ ó: «Banana, bɨh bé aka buʼla njɨ ebe lɔɔ go. Bɨh bʉr o tɨʼ, bɨ joʼo lwib ye, le ekʉ gʉa ó, é si nwaʼ nyiwɛh, nye ó ndɨ Tiʼbʉr é l'efu e si nwaʼ nyiwɛh.»

Yʉanes 6:69

Banana, bɨh bɨ buʼla le egʉa é kpɛhla ó, go ó ndɨ Mʉr mo Zyɛm ndɨ ti ɨ!»

Yʉanes 7:41

Bʉʉ, bé ó: «Nye ó Lœma mulo mo Zyɛm.» Bʉʉ nteme, bé ó: «Zê yé a jala ó, Lœma mulo mo Zyɛm, nye duha Galɨle ɛ?

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Mɨlʉmlʉ 13:23

Nuu mʉr mpoŋbʉr mo David waa a be ó Yesʉs. Nye ó Zyɛm a cyel Tiʼbʉr bwa b'Ɨzraɛl ɨ, lé edira monkɛʼ bɨna bé a bɛa bi ga ɛ.

Mɨlʉmlʉ 17:3

Pol a sa-sa ó, pɛʼle sa ogwiha o mɨlɔb bé a lɛɛ é lʉ mo Lœma mulo mo Zyɛm ɨ, é l'efu ó, bé gʉŋa ebe yé nye a jala le edihbe mokpaa, dwè, ze pàh é foo e. Nye a si lɛɛ nteme be ó: «Yesʉs me lé elwib e bɨn, tiibe e nye e, nye ó mʉr Zyɛm a lœm mulo e!»

Mɨlʉmlʉ 2:36

Pyɛr ze ko tɨʼ ó: «Bʉr o ndɨ kaʼ é lal Ɨzraɛl ɨ, bé ejala le ekʉ gʉa lɔb wi: mʉr bɨn bé a cyèl é klos kʉ ɨ, die le Yesʉs, nye ó waa Zyɛm a cyel é dia Tî ga wina le é dia Lœma mulo mo Zyɛm!»

Mɨlʉmlʉ 5:31

To kœb ó, Zyɛm nyɛɛ, nyi bɨr nye kʉ, dil nye é mbo ejʉm we, cyel nye é dia Cyɛb efoʼ ndwe e Tiʼbʉr é l'efu e bʉr bɨbɛh. Nye a sa no ó, nye nkʉʼ dib bwa b'Ɨzraɛl zi egwɨma mobebe mɔɔ, le edwir mɨleme, ó nye nkʉʼ pɛʼ bɨbaa nye lé eniʼe-niʼe é lɔb mɨsyem myɔɔ ɛ.

1 Korɛnt 15:47

Adam efoʼ a meŋɔ ó e bɨbwah. Adam mba a duho ó, é jobo kʉ.

Filipi 2:11

No nteme ó mʉr nyiwɛh ómɛʼle ó, Yesʉs-Krɨst ó ndɨ bwaʼbwaʼ Njwɨɨ, lé edwe Zyɛm Sɔŋ kum é zi waa.

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

Kolosi 2:6

Bɨn bé a si mɛʼle sikʉlʉ lé etiibe e Yesʉs-Krɨst, ndɨ Tî ga wina ɛ. Ebe no, é zyɛŋa win boo nɔɔ, bɨn bé ejala le ekœʼ ebò e cyen ndɨ ejala ɛ.

1 Yʉanes 4:14

Bɨna bɨ bee ga sa bɨna lé eto le eboʼlo ga ɛ. Mboʼla ga wina, wé ó wi: Zyɛm Sɔŋ a ntɨh Mwan we ó, nye beʼ Tiʼbʉr é l'efu e si nwaʼ nyiwɛh.

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.