Lʉkas 2:10 - Kálara Zyɛ̌m Edwán é mpʉ̌n

¹⁰ No ó engles a ze lɛɛ e be ó: «Ajoʼo ga bʉa. Mbe ga: mɨ ze bɨn e Mbɨambɨa Lɔɔ! Bʉr o kul yin, bɨbɛh, bé óbul soho we.

Kálar Nzyɛ̌m : Ejwán é Sáá

¹⁰ Nó ó éngeles á nze lɛ́ɛ e bé ó: «Ayɨ́ kpɛ́ɛ gâ. Paá bee gâ: mɨ́ nze bɨ́n e Mbɨambɨa Lɔ́ɔ! Bʉr ó kúl bʉ̂r yɨ́n, bɨ́bɛ̂h, bé óbuú soho wê.

Lʉkas 2:10 Iomraidhean Croise

Mataos 14:27

Cye e cye yaa, Yesʉs, nye e be ó: «Tʉmɨ ga monyʉl. Yé ó me! Ajoʼo ga bʉa.»

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Mataos 28:5

No ó engles a lɛɛ e bʉba baa ó: «Bɨn bɛɛ, daʼ joʼo ga bʉa, ebe, mɨ gʉa ó, bɨn bé esaa ó, Yesʉs, mʉr bé a cyèl é klos kʉ ɨ.

Markus 1:15

Nye a lɛɛ-lɛɛ ó: «Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ! Gwɨma ga mobebe mɨn ɔɔ! Bɨn bé à dwir mɨleme ɔɔ! Buʼla ga Mbɨambɨa Lɔɔ ɔɔ!»

Markus 16:15

No ó nye a lɛɛ e be ó: «Toʼ ga é si nwaʼ nyiwɛh, lé eto le elɛɛ mɨcyea bɨsa bibyɛh Mbɨambɨa Lɔɔ.

Lʉkas 1:13

No ó engles a ze lɛɛ e nye ó: «Ajoʼo bʉa, Zakari. Zyɛm, nyi joʼo mɨnjwɨʼla myo! Myɛlo Lɨsaber óbya go ma mʉrʉm. Go ójwɨr nye die ó, Yʉanes.

Lʉkas 1:19

Engles ntɔʼ bɨha ó: «Mɛm Gabryɛl ó ndɨ ecyɛb é mih mo Zyɛm! Me eze ó é lʉmlʉ we, ó me ntaʼ, ze lwib e go, lé eze lɛɛ go mbɨambɨa lɔɔ wi.

Lʉkas 1:30

No engles a ze lɛɛ e nye ó: «Maaria, ajoʼo bʉa. Gɨ bi nkɔb é leme ncwɨncwɨa mo Zyɛm!

Lʉkas 2:11

É pum wi, é nkana mo David, Tiʼbʉr win, nyi byɛl! Nye ó Lœma mulo mo Zyɛm le Tî ga wina.

Lʉkas 24:47

Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

Lʉkas 8:1

Pie tɨ, Yesʉs ze to le etiʼbe bɨnkana e bɨnkana byɛh e mokwar e mokwar mɛh, lé eto le elɛɛ Mbɨambɨa Lɔɔ lé etiibe e jwɨ̀ʼa mo Zyɛm ɨ.

Mɨlʉmlʉ 13:32

Bɨh bʉr o tɨʼ mu ó lé elɛɛ bɨn Mbɨambɨa Lɔɔ. Wé ó nɛɛ: sa Zyɛm a kɛʼ bɨmpam ga bina ɛ,

Rôm 10:15

Yé ndɨ e nkul esa ó, olɛa o lɔɔ Zyɛm beʼ, nkʉ Zyɛm, nye alomo be e? Yé ó mpʉ yé ndɨ tila é Kalara Zyɛm ɨ. Yé ó tila ó: «A mbɨa lé ebee bʉr o ndɨ eze le etuno Mbɨambɨa Lɔɔ ee!»

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.