Lʉkas 19:12 - Kálara Zyɛ̌m Edwán é mpʉ̌n

¹² No ó nye a lɛɛ e be ó: «Yé a ze be ó, nuu sabene é lal we. Nye ze mʉa, to di é lal wé a be ká ká jaabe e. Nye a to é lal waa ó, bé dilɨ nye é dia njwɨɨ. Pie tɨ, nye òka bula.

Kálar Nzyɛ̌m : Ejwán é Sáá

¹² Nó nyé á lɛ́ɛ ó: «Yé á be ó e yʉ́ʉ́ mpǎŋ njwɨ́ʼ mʉ̂r. Wé á si mɔa ɨ́ sí yé, tó di ɨ́ sí yé á be ká ká lɨ́ ejaa yɨ́. Nye á tô ó, bé dílɨɨ nye ɨ́ dǐ njwɨ́ɨ. Píe tɨ̂, nyé okǎ búla.

Lʉkas 19:12 Iomraidhean Croise

Mataos 21:38

To kœb ó, mbea bé a bee mwan we waa lé eze e, bé ntɔʼ lɛɛla paʼra wɔɔ ó: “Mbe ga: modila mo mʉr peme ó ma ze nɨ! Bɨna jʉʼo ga nye! Bɨh nkʉʼ nʉa bɨliʼ mo sɔŋ we nye a ngbaa bi ɨ.”

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Markus 12:1

No ó Yesʉs a ze taare lé edwe bʉr sikʉlʉ é zi bɨkɨkɛna. Nye ó: «Yé a ze be ó, mʉr ze li peme, ze bè motin mo orezɛŋ tɨ, ntɔʼ fumo ekɔʼ lé ekɛb peme yaa é nka, kpaʼ ekoʼ enɨnɨ, sa epar, fum eman mpumo, ze fumo toloŋo mbɛr tɨ, fum ecyel bʉr é vaa. Nye ze liʼe ye e l'osyɛl o mosa be, ó bé sea nye ya, ó bé nkʉʼ dɨ cen nye we nkɔb é jɔʼ nkono. Pie tɨ, nye ze tɨ cyen, to é guu lal fih.

Markus 16:19

No ó, é jɔʼ Da Yesʉs a be, nye osi lwib e be no e, nye ze bɨnɔ é jobo kʉ, ntɔʼ to nʉa dia ye é mbo ejʉm mo Zyɛm Sɔŋ.

Lʉkas 20:9

Yesʉs ze lwib e kul oYʉden é zi kɨkɛna yi. Nye e be ó: «Yé a ze be ó, mʉr ze li peme, ze bè motin mo orezɛŋ tɨ. Pie tɨ, ze liʼe osyɛl o mosa e peme yaa, ó bé nkʉʼ dɨ dwe nye we nkɔb é jɔʼ nkono. Mʉr peme ze tɨ cyen, to di é guu lal fih mɨmbu mɨmbu.

Lʉkas 24:51

Ngbaa le eka be, nye dina lé esʉ be mocyɛʼ mo mpom nɛʼɛ, nye ze duho gumo bé a cyɛb ɨ, ze bɨnɔ é jobo kʉ.

Yʉanes 18:37

Pilat, nye e nye ó: «No ó, go ó bana kʉ be njwɨɨbʉr!» Yesʉs ze bɨha ó: «Go mʉr tɨ, gɨ lɛɛ ó, me ó njwɨɨbʉr. Me a byɛl, ze kaʼ é si nwaʼ ó, lé eze lɛɛ bʉr ocyecye. Mʉr nyiwɛh lé egumo e mʉr lé elɛɛ ocyecye e, nye ejoʼo sa me lé elɛɛ ɛ.»

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

1 Korɛnt 15:25

ebe, yé a kʉ jala ó, Krɨst diʼe é dia njwɨɨ, to pyal é jɔʼ nye óbe si ntaa bʉr o dɔm be bɨbɛh é nkul dɔm, gba be é mobò me si ɨ.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Mɨngwiha 1:7

Mbe ga: nye ó ma ze é nkur tʉŋlʉ nɨ! Bʉr bɨbɛh, to kumo kuma e baa b'a kar nye ekʉa é bɨmpah ɛ, bé óbee nye. Bʉr o moveh mo si nwaʼ bɨbɛh, bé ósa efie le. Eee, yé óbe ó no! Amɛn!