Lʉkas 19:10 - Kálara Zyɛ̌m Edwán é mpʉ̌n

¹⁰ Mwan mo Mʉr a ze ó, ze saa baa mu si pɔhba ɛ, ó nye ódwe be tiʼ molu mo mpoʼ mɨmɛh.»

Kálar Nzyɛ̌m : Ejwán é Sáá

¹⁰ Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Lʉkas 19:10 Iomraidhean Croise

Mataos 1:21

Nye óbya ma mʉrʉm. Go ójwɨr nye die ó Yesʉs, ebe, nye ó ngo tiʼ kul bʉr ye, lé edwih ye é mpila mɨsyem myɔɔ é pololo.»

Mataos 10:6

fuo to ga yɛɛ boo bwa b'Ɨzraɛl, é bɨntœme mu si pɔhba, to dim ɨ.

Mataos 15:24

Yesʉs ze bɨha e be ó: «Me a kʉ ka lomɔ ó njɨ é l'efu e bɨntœme bɨ lal Ɨzraɛl mu si pɔhba, to dim ɨ.»

Mataos 18:10

«Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [

Mataos 18:11

]

Lʉkas 15:32

Sa gwar, yé ejala ó, bɨna cyelɨ ga zɔɔ bɨsʉhʉ muh, ebe, ncyomo a be ndwè e, nyi pàh! Nye a si dim zi. Nye mu ó bɨna é mobo!”»

Lʉkas 15:8

Yesʉs ze sa yʉʉ kɨkɛna, lé eyɨm nkpaa. Nye ó: «Yé a ze be ó, mʉma e mɨsaŋ mɨ mɔn ewʉm, saŋ ngwar ze dim. Nye ze tumo elama, gwamle mbɛr. Nye ze taare lé esaa we cɨcyoʼ, cɨcyoʼ, to pyal é jɔʼ nye a bee we e.

Yʉanes 3:17

Nye a baantɨh Mwan we kaʼ é si nwaʼ ó, nye ntaʼ, ze dwe bʉr o tɨʼ mobe. Nye a ntɨh nye ó, nye dweʼ bʉr bɨbɛh tiʼ molu mo mpoʼ mɨmɛh dumo e nye.

Rôm 5:6

Molu pihe, é jɔʼ bɨna bé a baapa bi nkul ɨ, Krɨst a ka ze jala e mobyaʼ ga mɨna, bɨna bʉr o b'a baadwiibɨ Zyɛm ɨ. Nye a dwè ó, é mpaŋ jɔʼ Zyɛm a bɛa pɛh ɛ.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.