Lʉkas 18:7 - Kálara Zyɛ̌m Edwán é mpʉ̌n

⁷ Zê Zyɛm ódeʼ lé etiʼe mɨpɛha mɨ bʉr mye mɨlɔb myɔɔ é l'ocɨcyel ɛ? Tɨtoʼo! Bɛɛ nteme lé esa zyee lé ejwɨʼla e nye moho e pum!

Kálar Nzyɛ̌m : Ejwán é Sáá

⁷ Nó ó, mbeá wɨ́n, wê nyá? Nzê Nzyɛ̌m ódi l'akamle e bʉr bé nyé á twâr bá ɛ́? Bé lɨ́ ejɨʼla e né móhó e pum. Nzê nye ósâ táb lɨ́ enzě kɛm bé ɛ̌?

Lʉkas 18:7 Iomraidhean Croise

Mataos 24:22

Yé be ó, Da atuŋlo molu maa nɛʼɛ, lɛɛ ó, mʉr ákwoʼ tiʼe. Sa gwar, nye ótuŋlo me ó, é l'efu e bʉr o nye a pɛh ɛ.

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

Mataos 7:11

Ebe no, bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye ódwe bʉr bya, baa ndɨ ejaʼ ɛ, laa naa.

Lʉkas 11:13

Bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye óntɨh Mbɨambɨa Sisim, duho é jobo kʉ, dwe bʉr o ndɨ ejaʼ ɛ, laa naa.»

Lʉkas 2:37

njʉm we ze dwè, nyɛɛ ntɔʼ liʼ kuho. Nye a si di é l'ekuho le, to pyal é jɔʼ nye a be, nye mu e mɨmbu mowʉm mwom e mɨnâ ɛ. Nye a baabɔʼa e jahla bii mo Zyɛm. Nye a dwiibɨ Zyɛm tɨʼ ó, moho e pum. Nye a be-be ó lé eti mode e bɨjɔʼ, le ejwɨʼla e Zyɛm.

Lʉkas 21:28

É jɔʼ bɨsyɛɛla byaa, byé ótaare lé esyɛɛlɨ ɨ, soha ga. Bɨn bé à syɛm mih kʉ. Jɔʼ Zyɛm ódwih bɨn é mpila ebebe lɨn é pololo e, yé mu ó kunokuno l epyal.»

Rôm 8:33

Zé ndɨ e nkul epur mɨpɛha mɨ bʉr mo Zyɛm? Zyɛm nyɛɛ, nye abe e nkul esa no, ebe, nye mʉr tɨʼ ó b'a sa ó, bɨna biʼe ga mokebe é mih me!

Kolosi 3:12

Ebe no, é mpʉ bɨn mu mɨsaŋ mɨ bʉr mo Zyɛm, myaa nye a pɛh, myaa nye ndɨ ebul kpɛl ɨ, diʼe ga e njwɨʼa-nkoo paʼra win ndwe e ncwɨncwɨa. Filɨ ga monyʉl si. Diʼe ga bʉr o ndɨ é tala njwɨr ɨ, le bʉr o bihbe.

1 Tesalonika 3:10

Moho e pum, bɨh bé elaŋle jwɨʼla e Zyɛm ó, bɨna bɛɛla ga mompom. Bɨh bé egwɨm ó, bɨh fwahla syɛɛ bɨh bé a taare sea bɨn ye e, ó buʼo yin, yé l'ayi luʼo ba.

2 Tesalonika 1:6

Ebe, Zyɛm, nye ó cɨcyel é syɛɛla ye yiyɛh. Nye ókuna bɨn, ndwe le ebala bɨntɨʼa bʉr lé edwe bɨn ɨ.

1 Timotɛ 5:5

No ó, kuho wé a liʼɔ é ntɛʼɛ ɛ, leme we, wé eka liʼ lé eloŋlo e mbɛla ó, njɨ ebe Zyɛm. Moho e pum, wé ó njɨ lé ejwɨʼla e Zyɛm é l'efu le nye mʉr tɨ, ó nye fuʼa we.

2 Timotɛ 1:3

Me edwe Zyɛm ekiba é jɔʼ yiyɛh. Me esa zyee lé esa mɨnjwɨʼla é l'efu lo, moho e pum. Me esea syɛɛ ye ó e mɨpɛhla mɨ leme ndɨ é pyɛɛɛ ɛ, jwɨʼ gwar mpʉ bɨmpam byam, byé a dɨ sea nye ya ɛ.

2 Timotɛ 2:10

Ebe no ó me ndɨ edihbe mɨtuu mimyɛh ɛ. Yé ó é l'efu e bʉr o Zyɛm a pɛh ɛ, ó bé biʼe tiʼ molu mo mpoʼ mɨmɛh ndwe e kum é zyɛŋa wɔɔ boo Yesʉs-Krɨst.

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

1 Pyɛr 1:1

Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

Mɨngwiha 18:20

«Bʉr o kʉ ndwe e mɨsaŋ mɨ bʉr, soha ga etɨʼla le. Mɨlʉmlʉ mye, ogwiha o mɨlɔb be, soha ga, bɨn bɨbɛh, ebe, Zyɛm, nyi tiʼe lɔb, dwe bɨn mokebe, dwe be mobe.»

Mɨngwiha 6:10

Bé ze lwib e nye lé eyɨm twii ó: «Da! Go ó Mʉr ndɨ ti, waa ndɨ Zyɛm ocyecye e. Odil o si nwa bé a jʉ bɨh ɨ, go óka tiʼe be mɨlɔb é yáa jɔʼ? Go óka bala motié mɨh é yáa jɔʼ?»

Mɨngwiha 7:15

Ebe no ó bé ndɨ ecyɛb é l'empom e dia taʼa mo Zyɛm ɨ. Bé edwe nye kum é l'odia we ó moho e pum. Waa lé edi é dia taʼa ɛ, nye ó ngo baʼle be.