Lʉkas 18:13 - Kálara Zyɛ̌m Edwán é mpʉ̌n

¹³ Sa gwar, nwɨa tœa a cyɛb ó pɨnʉ. Nye a baakpɛl bɨn ba mih kʉ. Nye a kɛl ó njɨ mobo é lʉ, lé elɛɛ ó: “Da Zyɛm, saʼ ó, empime lo, lé tala é l'efu lam, ebe, me ó syɛl mɨsyem.”»

Kálar Nzyɛ̌m : Ejwán é Sáá

¹³ Sâ gwár, nwɨa mɔnɨ́ tœ́a, nye á tîtyɛb sá yé ó ɨ́ pɨ́nʉ́ʉ́. Nye á bé akpɛl ébá bɨ̂n mîh kʉ́. Nye á gbâ ó, njɨ mebô kʉ́ lʉ̂, le elɛ́ɛ ó: “Dâ Nzyɛ̌m, Dâ Zyɛ̌m, sáʼ ó, ebúʼ lô, lé tálaa lɨ́ esú lâm, ebě, me ó syɛ̂l misyóm.”»

Lʉkas 18:13 Iomraidhean Croise

Mataos 10:3

Filip bé e Bartelemi, Tomas bé e Mataos, mʉr a taare be nwɨa tœa ɛ, Jacques, mwan mo Alfe bé e Tade,

Mataos 6:5

«Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 9:13

Toʼ, to jwɨʼ ga sa Kalara Zyɛm ndɨ elɛɛ ɛ. Yé ó tila ó: “Me egwɨm ó, bɨn lɛʼla bʉr ncwɨncwɨa, abe ó, bɨn dweʼ me motwina.”» Yesʉs ze ko tɨʼ ó: «Ebe, me a baaze jebe ocɨcyel o bʉr. Me a ze jebe ó osyɛl o mɨsyem.»

Markus 11:25

ǃBɨn si cyɛb cɨcyel lé esa mɨnjwɨʼla nɛʼɛ, yé be ó bɨn e boo bʉr, bé e lɔb nɛʼɛ, saʼ ga ó, bɨn taara pɛʼ bɨbaa bɨ ebebe bɨn bé a niʼe be e. No ó Sɔŋ win ndɨ é jobo kʉ ɨ, nye ópɛʼ nteme bɨbaa nye lé eniʼe bɨn é lɔb bɨgwìh bin ɨ. [

Lʉkas 17:12

É jɔʼ nye a pyal é nuu kwar ɨ, bʉrʉm ewʉm ze bɔma e nye, mɨzɨzam e mɨzɨzam. Myé a cyɛb ó, ba pɨnʉ,

Lʉkas 22:41

No ó nye a liʼe be, ze to ba dolo, cye mʉr ndɨ e nkul eguho ebaale e. Nye ntɔʼ kur moboo si, sa mɨnjwɨʼla.

Lʉkas 23:48

No nteme ó mpampaʼ bʉr, yé a ze, lé eze bee sa yé a syɛɛlɨ ɨ. Mbea bé a bee no e, bé ntɔʼ taare lé ebula e mobo é mɨlʉ.

Lʉkas 5:8

É jɔʼ Simɔn Pyɛr a bee syɛɛla yaa ɛ, nye ntɔʼ kur moboo si é mih mo Yesʉs. Nye e nye ó: «Da, diʼe é ncɛra e me, ebe, me ó mʉrʉm ndɨ syɛl mɨsyem ɨ.»

Mɨlʉmlʉ 2:37

Njoʼa bʉr, bé a joʼo mokan maa ɛ, mɨleme myɔɔ, myé ntɔʼ loŋlo e bʉa ndwe e l'empime. No ó bé a dî e Pyɛr bé e myʉʉ mɨlʉmlʉ ó: «Obɨɔ bɨh! Bɨh bé ejala le eka sa yé?»

Rôm 5:8

Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

2 Korɛnt 7:11

Dwɛʼa ga sɔʼɔ njɨ mpʉ Zyɛm a dwir bɨn é mɨleme e. Empime lɨn, lé a be ó si sa ó: Mɨleme, myé diʼe bɨn é ntɨɨɨŋ ó, bɨn saʼ embɨa. Bɨn saŋa zi ndɨ ó, me tɨʼe bɨbaa bɨ ebebe me a niʼe bɨn ɨ. Bɨn joʼa kalara waa e tuu. Bɨn joʼa bʉa. Bɨn biʼe mɨmpaŋ bɨgwɨma. Bɨn beʼ e zyee é mɨleme. Bɨn kuna mʉr a saŋɔ ebebe e. Bɨsa biʼ bibyɛh, byé ó bɨdweʼle, bɨsa lé elɛʼle ó, bɨn bé ó bʉr o ndɨ agʉa lɔb ɨ.

1 Timotɛ 1:15

Lɔɔ wi, wé ó lɔɔ ebuʼla, waa bʉr bɨbɛh lé ejala le emɛʼle e: Yesʉs-Krɨst a ze kaʼ é si nwaʼ ó, nye ntaʼ, ze dwe osyɛl o mɨsyem tiʼ molu mo mpoʼ mɨmɛh. No ó, é sama osyɛl o mɨsyem yaa, mɛm ó b'a be si sahle!

Ebrœ̂ 4:16

Ebe no, bɨna dihla ga kunokuno e dia taʼa ye, abaawe sɔʼɔ e Zyɛm. Mɨleme ga mina, myé diʼe mɨlwɨŋla e mbɛla ó, bɨna bé óbi ga njwɨʼa-nkoo ndwe e ncwɨncwɨa. ǃBɨna si to ga é dia taʼa ye no nɛʼɛ, bɨna bé óbi ga ncwɨncwɨa é jɔʼ yé óbul jɨŋɔ ɛ.

Ebrœ̂ 8:12

Me ójwɨʼ be nkoo é lɔb bɨsyɛɛla bɨ ozyɛhozyɛh byɔɔ. Me aŋa ka toŋlo mɨsyem myɔɔ.”»