Lʉkas 18:11 - Kálara Zyɛ̌m Edwán é mpʉ̌n

¹¹ Farizyɛŋ waa ntɔʼ cyɛb, ze taare lé ejwɨʼla é leme we tʉŋlʉ é mbi wi: “Zyoo e Da Zyɛm, ebe, me abe mpʉ bʉʉ bʉr. Baʼ, bé edɛʼ bɨmɔn byoonkan; bʉʉ, bé ekœʼ é l'ozyɛhozyɛh; bʉʉ nteme, osyɛl o bɨmala. Me edwe go ekiba tɨ, ebe, me abe mpʉ nwɨa tœa nwa.

Kálar Nzyɛ̌m : Ejwán é Sáá

¹¹ Farizyɛ̂n waá ntɔ̂ʼ tyɛ̂b, nzě jɨʼlǎ mbi wɨ̂: “Dâ Nzyɛ̌m, me lɨ́ edwe gó nzyǒo, ebě, mé abě mpʉ bʉ́ʉ́ bʉ̂r. Bâʼ, bé lɨ́ edɛn bímɔnɨ́ byé onkán; bʉ́ʉ́, bé ó osyɛ̂l o mísyóm; bʉ́ʉ́ ntémé, osyɛ̂l o médyɛ̂n. Me lɨ́ edwe gó nzyǒo, ebě, mé abě mpʉ nwɨ́a mɔnɨ́ tœ́a nyâ.

Lʉkas 18:11 Iomraidhean Croise

Mataos 10:3

Filip bé e Bartelemi, Tomas bé e Mataos, mʉr a taare be nwɨa tœa ɛ, Jacques, mwan mo Alfe bé e Tade,

Mataos 5:20

Ebe no, me elɛɛ bɨn ó nɛɛ: ǃɨ ocɨcyel win, wé si be, alaa waa oFarizyɛŋ, nkʉ waa oyeʼle o motie nɛʼɛ, bɨn bé ákwoʼ ni é jwɨ̀ʼa mo Da.»

Mataos 6:5

«Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Markus 11:25

ǃBɨn si cyɛb cɨcyel lé esa mɨnjwɨʼla nɛʼɛ, yé be ó bɨn e boo bʉr, bé e lɔb nɛʼɛ, saʼ ga ó, bɨn taara pɛʼ bɨbaa bɨ ebebe bɨn bé a niʼe be e. No ó Sɔŋ win ndɨ é jobo kʉ ɨ, nye ópɛʼ nteme bɨbaa nye lé eniʼe bɨn é lɔb bɨgwìh bin ɨ. [

Lʉkas 20:47

Bé esà-sà mɨkuho, dɛn-dɛn bɨsa bibyɛh myé ndɨ eliʼ e tɨʼ ɨ. Bé ejwɨʼla-jwɨʼla nteme e Zyɛm ó, bul mokan, lé esa lɛʼla. Bé ó ngo bul dweŋɔ mobe le ekabɔ bɨntɨʼa bɨ tɨ.»

Lʉkas 22:41

No ó nye a liʼe be, ze to ba dolo, cye mʉr ndɨ e nkul eguho ebaale e. Nye ntɔʼ kur moboo si, sa mɨnjwɨʼla.

Galásia 3:10

Ebe, ǃɨ mʉr si buʼla ó, Zyɛm ódwe nye mokebe ebe mbi nye lé edu motie nɛʼɛ, nye e bɨkɔ́ɔlʉ, ebe, yé ó tila é l'okalara o motie mo Moyiz ó: «Mʉr nyiwɛh ndɨ adu motie mɨmɛh ndɨ mɨtila wâʼ ɛ, nye e bɨkɔ́ɔlʉ.»

Filipi 3:6

Me a si bul laŋle tíile bʉr o Mbɛr-Zyɛm. É nko paʼ motie, me a si kœʼ mbɨambɨa ebò e cyen, alɨŋa ba.

Mɨngwiha 3:17

Bɨn bé elɛɛ ó, bɨn bé ó obil o bɨsa, lwɨŋla e bɨsa twiha. É mbea win, bɨn bé asaa sɔʼɔ. Bɨn bɛɛ, bé agʉa ó, é l'ocyecye, bɨn bé ó bʉr o ndɨ é bul kpaa nkoo e, ndwe e bʉr o motɨʼla. Bɨn bé ó baanteʼenteʼe, ontim, ofufwah.