Lʉkas 17:25 - Kálara Zyɛ̌m Edwán é mpʉ̌n

²⁵ Yé ejala yɛɛ ó, nye taara sia e mɨtuu é buobuo. Bʉr o mya wi, bé ópyeh nye nteme.»

Kálar Nzyɛ̌m : Ejwán é Sáá

²⁵ Yé jala ó, nye páa nyɛɛ́ sia e mitúú ɨ́ buo buo. Bʉr ó myǎ wɨ̂, bé óbene nyé ntémé.

Lʉkas 17:25 Iomraidhean Croise

Mataos 16:21

É dobo laa ó Yesʉs a lɛɛ ompʉn be ebe yé, yé ókʉ jala ó, nye toʼ ɨ Yerʉsalɛm ɨ. Nye sia e mɨtuu é buobuo é mobo mo otamabʉr o lal bé e l'ojwɨɨ be opara ndwe e l'oyeʼle o motie. Nye nteme ójʉŋɔ. Nye òbula pàh é l'elu elɛl.

Mataos 21:42

Yesʉs ntɔʼ dî e be ó: «Bɨn bé a baasi láa mɨtila miʼ é Kalara Zyɛm ɛ? Yé ó tila ó: “Ekoʼ ofim o mbɛr bé a pyeh ɨ, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ. Yé a syɛɛlɨ no ó, é nkul mo Da. Yé ó sa bɨna lé ejehe ga ɛ!”» Yesʉs ze ko mokan maʼ ó:

Markus 10:33

Nye ó: «Mbe ga: bɨna mu ó lé eto ga Yerʉsalɛm ó yi. Bʉr, bé ókɛha Mwan mo Mʉr boo ojwɨɨ be opara ndwe e l'oyeʼle o motie. Bé ótiʼe lɔb we, ntɔʼ dwe nye mobe mo jala e l'efie e. Bé òkɛha nteme nye boo bʉr o bɨkul.

Markus 12:10

Bɨn bé a baasi láa sa ndɨ tila ó: “Ekoʼ ofim o mbɛr bé a pyeh e, lé mu ó ekoʼ lé esa ó bɨpab bɨ mbɛr, byé diʼe ocɨcyel ɨ.

Markus 8:31

Yesʉs ze taare lé eyeʼle ompʉn be. Nye ó: «Yé ókʉ be me é nere-nere ó, me sia e mɨtuu é buobuo, mɛm, Mwan mo Mʉr. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Markus 9:31

ebe, nye a be ó lé eyeʼle ompʉn be. Nye ó: «Mwan mo Mʉr ókɛhɔ é mobo mo bʉr. Bé ójʉ nye. No ó, é jɔʼ bé óbe si jʉ nye é moho lɛl pie tɨʼ ɨ, nye ópàh!»

Lʉkas 18:31

Yesʉs ze nʉa Esama le ompʉn ewʉm e l'oba é bʉm. Nye e be ó: «Mbe ga: bɨna mu ó lé eto ga Yerʉsalɛm ó yi. Bɨsa bibyɛh ogwiha o mɨlɔb bé a tile é Kalara Zyɛm, tiibe e Mwan mo Mʉr ɨ, byé ódira.

Lʉkas 18:33

fuura nye mɨmbihe, jʉ nye. Nye òbula pàh é l'elu elɛl.»

Lʉkas 24:46

Nye ó: «Yé ó tila é Kalara Zyɛm ó, Lœma mulo mo Zyɛm, nye ejala le edihbe mokpaa, dwè, ze pàh é foo é l'elu elɛl.

Lʉkas 9:22

Nye ze lɛɛ e be ó: «Yé ekʉ jala ó, Mwan mo Mʉr, nye sia e mɨtuu é buobuo. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Yʉanes 1:11

Nye a ze ó, é lal we. Sa gwar, jyɛɛ ye, anʉa nye.

Yʉanes 12:38

Yé a syɛɛlɨ no ó, lé edira lɔɔ Da a bɛa lɛɛ é nʉm mo ngwiha mɨlɔb we Ezayi ó: «Da, zé a buʼla lɔɔ wih? Zé a bee é jɔʼ Da a lɛʼle be nkul we e?»