Biblia Todo Logo
Bìoball air-loidhne

- Sanasan -




Lʉkas 17:24 - Kálara Zyɛ̌m Edwán é mpʉ̌n

24 ebe, mpʉ ndweh mpie lé edweh é jobo, bʉr bɨbɛh lé ebee we é keb-keb ɨ, no nteme ó Mwan mo Mʉr ósa é dobo nye óbula ze e. Nye óbeɔ ó, é mɨpaʼ mɨ si mimyɛh!

Faic an caibideil Dèan lethbhreac

Kálar Nzyɛ̌m : Ejwán é Sáá

24 Mpʉ̌ ndweh dí edweh ɨ́ jʉ́o, pǎn myɛ́n ɨ́ mipáʼ mí jʉ́ó mímyɛ̂h yɨ́, ó Mwân mé Mʉr ósâ ɨ́ jɔʼ nyé ngá báʼǎ nze yɨ́.

Faic an caibideil Dèan lethbhreac




Lʉkas 17:24
16 Iomraidhean Croise  

ebe, mpʉ ndweh mpie lé edweh é jobo nko dobo lé emʉa ɛ, yé ntɔʼ nyin é nko lé lé eja ɛ, no nteme ó Mwan mo Mʉr óbe é dobo nye óbula ze e.


É jɔʼ yaa, dweʼle yé ólɛʼle ó, zea mo Mwan mo Mʉr mu ó lé ekunbo e, yé ónyin é jobo kʉ. Bʉr o moveh mo si nwaʼ bɨbɛh, bé ótaare lé ebwɨhla. Bé óbee Mwan mo Mʉr lé eze é nkur tʉŋlʉ, lwɨŋla e nkul ndwe e buobuo moncɛnba.


«É jɔʼ Mwan mo Mʉr óze é moncɛnba me, bé e beengles bɨbɛh ɛ, nye ódi é dia taʼa ye, yaa ndɨ é ncyɛn-nti-ncyɛn ɨ.


Yesʉs ntɔʼ bɨha e nye ó: «Yé ó mpʉ go lɛɛ nɨ. Me elɛɛ bɨn, pie jɔʼ yi, bɨn bé óbee Mwan mo Mʉr, “ndindil é nko paʼ mbo ejʉm mo Zyɛm Nkul nyiwɛh”. Bɨn bé óbee nye lé eze é nkur tʉŋlʉ.»


Bʉr, bé abe lé etumo elama é l'efu le ebur le é kaʼ tʉŋlʉ. Yé ejala ó, bé cyelɨ le é cye elama kʉ, gumo lé ókʉn bʉr bɨbɛh ndɨ é mbɛr ɨ.


Nye waa nteme ó ngo gba bɨn nkul é monyʉl, to pyal é l'esie, abe e sa ebebe nye a ngbaa nwahle bɨn e tɨʼ é dobo Tî ga wina Yesʉs-Krɨst óbula ze e.


ebe, bɨn bʉr o tɨ, bé ekʉ gʉa é kpɛhla ó, é dobo Da Yesʉs óbula ze e, nye ópyal bʉr ó, motwɨra, mpʉ mɨndiblʉ ndɨ ebɛa pyal-pyal bʉr é mɨpum ɨ.


Bɨh bé elɛɛ bɨn ó nɛɛ: aka twɨra ga. ǃBɨn si joʼo ó, Da Yesʉs, nyi bâʼle pyal nɛʼɛ, sɨa yaa l'atɨ bɨn mokʉ si. Mʉr waa dam lɛɛ ó, lɛa we waa, wé ó fela sɔʼɔ me a gwih ɨ, yé abe no. Nye dam lɛɛ ó, yé ó ekan me a lɛɛ nye e. Yé nteme, yé abe no. Nye dam ka boʼlo ó, lɛa waa, wé eduho é kalara a duho é bɨh ɨ, yé abe no.


É jɔʼ yaa ó mʉr ndɨ entaa motie mo Zyɛm ɨ, nye òka nyin é kpɛŋlɛm, Da Yesʉs ntɔʼ jʉ nye e ngul nʉm we e. Nye óteʼle mʉr waa ó, é zea nye óze é moncɛnba ɛ.


Dihba ga. Tʉmɨ ga monyʉl, ebe, dobo Da Yesʉs óbula ze e, lé mu ó kunokuno le epyal.


É dobo Da Yesʉs óbula ze e, nye ópyal bʉr ó, motwɨra, é mpʉ ndiblʉ. Jobo e l'ejyoo le ebantɛn, byé ójaa e bwaʼbwaʼ duu. Bɨsa bɨtwaʼa Zyɛm a cye, ntɔʼ me kʉ e si e tɨʼ ɨ, bibyɛh, byé ójɔa siʼe, ntɔʼ dinba. Si nwaʼ ndwe e bɨsa bibyɛh bʉr lé esa tɨʼ ɨ, byé óka gʉa gʉŋɔ.


Lean sinn:

Sanasan


Sanasan