Lʉkas 17:22 - Kálara Zyɛ̌m Edwán é mpʉ̌n

²² No ó nye a lɛɛ e l'ompʉn be ó: «Yé ópyal jɔʼ bɨn bé ógwɨm di e Mwan mo Mʉr sama ɛ, dam be moho ngwar. Sa gwar, yé aŋa ka bana.

Kálar Nzyɛ̌m : Ejwán é Sáá

²² Nó nyé á lɛ́ɛ le ompʉ́n bé ó: «Yé ópyâl jɔʼ bɨ́n ngá jóʼǒ dwéh édi e Mwân mé Mʉr sɔ́má yɨ́, damá bě móhó ngwár. Sâ gwár, yé ákǎ bána.

Lʉkas 17:22 Iomraidhean Croise

Mataos 9:15

Yesʉs, nye e be ó: «Jɔʼ mbœm mʉma lé ecyel zɔɔ ɛ, zê bɨn bé lé ejwɨʼ ó, ofo mo mbœm mʉma, bé óbɛm bʉ modwe, nye dina tɨʼ é duò zɔɔ ɛ? Tɨtoʼo! Yé ópyal jɔʼ ndɨ ó, mbœm mʉma óze pɛʼɔ é sama yɔɔ ɛ. Bé óti mode é jɔʼ yaa.

Markus 2:20

Yé ópyal jɔʼ ndɨ ó, mbœm mʉma óze pɛʼɔ é sama yɔɔ ɛ. É dobo laa ó bé óti mode e.

Lʉkas 13:35

Dwɛʼa ga: mbɛr win, wé óliʼ fo! Me elɛɛ bɨn ó nɛɛ: bɨn bé aŋa ka bee me, to pyal é jɔʼ bɨn bé ólɛɛ ó: “Nyaʼ-nɔn, nye ó odumo! Mocyɛʼ mo mpom, mé swɨŋɨ é waa lé eze e die mo Da ɛ!”»

Lʉkas 5:35

Yé ópyal jɔʼ ndɨ ó, mbœm mʉma óze pɛʼɔ é sama yɔɔ ɛ. É molu maa ó bé óti mode e.»

Yʉanes 12:35

Yesʉs, nye e be ó: «Njʉl, wé dina ó, lé epɛn myɛn bɨn ye tɔɔ ma jɔʼ. Kœʼœ ga é jɔʼ njʉl waa dina lé epɛn myɛn ɨ, ebe, edurʉ, lé amu jaa mara bɨn, ebe, mʉr lé eto le entime é l'edurʉ ɨ, nye agʉa nko nye lé eto e.

Yʉanes 13:33

Bwan bam aa! Mɨ ka liʼ lé edi e bɨn ó, ma jɔʼ. Bɨn bé ósaa me. No ó, me lé elɛɛ bɨn bananaʼ ó, sa me a taare lé elɛɛ e l'oYʉden ɨ. Yé ó, bɨn bé abe e nkul edu nko me óto e.