Lʉkas 17:16 - Kálara Zyɛ̌m Edwán é mpʉ̌n

¹⁶ No ó nye a ze bɨʼ mpom we si é mih mo Yesʉs, lé edwe nye ekiba. To kœb ó, mʉr waa a be ó mʉr Samari!

Kálar Nzyɛ̌m : Ejwán é Sáá

¹⁶ Nó nyé á nze kúrwo sí, píʼe mpóm ɨ́ bibwǎh ɨ́ mpǒm mé Yésʉs, lɨ́ edwe nyé nzyǒo. Mʉr waá á be ó mʉr Samarî.

Lʉkas 17:16 Iomraidhean Croise

Mataos 10:5

Esama le ompʉn ewʉm e l'oba onɨ ó Yesʉs a lomo, nye osi lɛɛ be ó: «Laa ó, bɨn toʼ boo bʉr o ndɨ abe oYʉden ɨ, nkʉ é bɨnkana bɨ bʉr o Samari,

Mataos 2:11

Bé ntɔʼ ni é mbɛr tʉŋlʉ, beɔ mwan bé e nyɔŋ we Maaria, ze bɨʼɔ mompom mɔɔ si é mih me, lé edwiibɨ nye. Pie tɨ, bé ze kɛɛ mopʉna mɔɔ, ntɔʼ dweŋɔ nye mɨndwɛa mɨ kʉlʉ bé a ze e mye e: gol, ndwam le myrrhe.

Markus 5:33

Mʉma waa ze taare lé esaʼ é ngba-ngba-ngba le ejoʼo bʉa, ebe, nye a be ó lé egʉa sa yé a syɛɛlɨ nye é nyʉl ɨ. Nye ze bɨʼ mpom we si é mih mo Yesʉs, ze lɛɛ nye ocyecye wiwɛh.

Lʉkas 17:17

Yesʉs ntɔʼ lɛɛ ó: «Bʉr ewʉm bɨbɛh, bé be ó si pɛʼɔ sa yé a lœʼ be é mih mo Zyɛm ɨ. A bʉʉ bʉr bu bɛɛ, bé mu nko ɛ?

Lʉkas 5:8

É jɔʼ Simɔn Pyɛr a bee syɛɛla yaa ɛ, nye ntɔʼ kur moboo si é mih mo Yesʉs. Nye e nye ó: «Da, diʼe é ncɛra e me, ebe, me ó mʉrʉm ndɨ syɛl mɨsyem ɨ.»

Yʉanes 4:9

Ebe no ó sile Samari a bula dî e nye ó: «Nyá? Wáa mbi gwɔɔ Yʉden, lé eze jaʼ me modibe, mɛm, sile Samari ɨ?» (Tina, yé ó, oYʉden bé e boo bʉr o Samari, bé abe lé ebɨlan e bɨsɔʼɔ bɨmpwar.)

Yʉanes 5:23

ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

Yʉanes 8:48

OYʉden, bé e nye ó: «Zê yé abe mpʉ bɨh lé elɛɛ ɛ? Go ó mʉr Samari! Go nteme, go ó e l'eleme!»

Mɨlʉmlʉ 1:8

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»

1 Korɛnt 14:25

Bɨjwɨʼ byé a be be é mɨmo si ɨ, byé ógwiha kʉl. Bé óbɨʼ mompom mɔɔ si é mih mɨn, lé edwiibɨ Zyɛm. Bé ólɛɛ ó: «Zyɛm, nye ó kʉ be é l'esama lɨn cyecye!»

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

Mɨngwiha 4:10

É jɔʼ yiyɛh bé a sa-sa no e, otamabʉr mowʉm moba e l'onâ baa, bé a si bɨʼ mompom mɔɔ si é mih mo mʉr a be é dia taʼa ɛ, lé edwiibɨ mʉr ndɨ etiʼe njʉmdia e njʉmdia ɛ. Bé a be ó lé epɛʼ-pɛʼ mopʉʼlʉ mo gol mɔɔ é mɨlʉ, jyɛʼɔ-jyɛʼɔ me si é mih me. Bé ó:

Mɨngwiha 5:14

É jɔʼ bé a dɨ jɛɛ no e, mɨkubla bɨsɔʼɔ mɨnâ myaa, myé a bɨha-bɨha ó: «Amɛn!» Otamabʉr onɨ, bé ntɔʼ bɨʼ mompom mɔɔ si é mih mɔɔ, lé edwiibɨ be.