Lʉkas 17:1 - Kálara Zyɛ̌m Edwán é mpʉ̌n

¹ No ó Yesʉs a lɛɛ e l'ompʉn be ó: «Yé óbe é jɔʼ yiyɛh ó e mozi bʉr, bé ódɨ jyɛl tɨʼ, ó bé saʼ mɨsyem ɨ. Sa gwar, a vwaʼ e mʉr ógomlo bʉʉ bʉr é zi waa ɛ!

Kálar Nzyɛ̌m : Ejwán é Sáá

¹ Nó ó Yésʉs á nze lɛ́ɛ le ompʉ́n bé ó: «Yé óbe ɨ́ jɔʼ yɨ́yɛ̂h ó e mebɔ̌ʼ mé óbɨma bʉ̂r ɨ́ miléme ó, bé sâʼ ebébe má. Nkoó, nye ó e mʉr ngá gbâ bʉ́ʉ́ bʉ̂r mebɔ̌ʼ maá nyá!

Lʉkas 17:1 Iomraidhean Croise

Mataos 16:23

Yesʉs ze dwibra, nye e Pyɛr ó: «Satan, pʉʼa me é mih! Akol me ebɔʼ lé ódumo me e. Mɨpɛhla myo, myé abe myaa mo Zyɛm, njɨ myaa mɨ bʉr.»

Mataos 18:7

«A vwaʼ e bʉr o si nwaʼ ndɨ egomlo bʉʉ bʉr é zi mɨsyem ɨ! Yé cyecye ó, mobɔʼ mé ndɨ edumo bʉr ɨ, mé abe e nkul edi, abe. Sa gwar, a vwaʼ e mʉr ókol bʉʉ bʉr mobɔʼ maa ɛ!

Lʉkas 16:31

«No Abraham a lɛɛ e nye ó: “ǃBé si bene lé ejoʼo Moyiz bé e l'ogwiha o mɨlɔb nɛʼɛ, lɛɛ ó, bé aŋa mɛʼle lé ejoʼo mʉr ópàh é foo nwa ɔɔ!”»

Rôm 14:13

É mpʉ yé ndɨ no e, bɨna gwaʼa ga lé edweela mobe paʼra ga wina. Bul laŋle nʉa ga tiʼa ó, mʉr ayi sa bɨsyɛɛla byé ókol nuu mbuʼla ebɔʼ nye óbɨm é leme e.

Rôm 16:17

No ó, obɨɔ ga bam, me ejwɨʼla e bɨn ó nɛɛ: bɨn bé à di ncye é nko paʼ bʉr o b'a tɨ mɨlɛa mih é jɔʼ bɨh bé a dwe bɨn sikʉlʉ ɨ. Bé esa mpɔʼa monkɔm lé ekol obɨɔ bɔɔ ebɔʼ bé óbɨm é mɨleme e. Cɛra ga e be!

1 Korɛnt 10:32

Kœʼœ ga mpaŋ ebò e cyen é mbi ndɨ ó, bɨn l'ayi ka sa syɛɛla ndɨ ekol oYʉden ebɔʼ lé ódumo be e. Syɛhla ga nteme syɛɛla ndɨ ekol bʉr o bɨkul bɨfih ebɔʼ lé ódumo be e. Akol bʉr o Mbɛr-Zyɛm ebɔʼ lé ódumo be e.

1 Korɛnt 11:19

Yé ekʉ jala ó, mpɔʼa monkɔm dɨʼe nyin paʼra win, ó bé nkʉʼ gʉa dweʼe baa ndɨ egʉa jyɛʼ taa buʼo yɔɔ boo Zyɛm ɨ.

1 Korɛnt 8:13

Yé be ó, yʉʉ doʼ, yé ó ebɔʼ mɨɔ wam ndɨ e nkul ebɨm, laa lé ódumo nye nɛʼɛ, me ófuo mɛʼle ó, me beʼ l'aka de tir cye tiʼ. Me amu jaa kol nye ebɔʼ nye óbɨm é leme e!

1 Timotɛ 4:1

Mbɨambɨa Sisim, nyi lɛɛ é kpɛŋlɛm ó: é jɔʼ esie e mbi jɔʼ yi, lé óbe, lé mu kunokuno le epyal ɨ, bʉr, bé ókaŋa e buʼo ga yina, bɔʼa é bɨna ga. Bé ójoʼlo mɨmpʉmpʉl mɨ oyeʼle. Sikʉlʉ bé óka jwɨʼ ɨ, yé óbe ó njɨ yaa moleme, mé a taare kuhlo e.

Mɨngwiha 2:14

Sa gwar, mɨ niʼe bɨn bɨbaa bɨ ebebe. Byé etiibe ó e motɨɨ bʉʉ bʉr o mbɛr Zyɛm win lé edu ɨ. Bé edu sikʉlʉ mo Balam. Nye ó waa a gomlo Balak é bebebebe zi, tɨe nye lé ekol ebɔʼ bwa b'Ɨzraɛl, bé óbɨm é mɨleme e. Ebe, nyɛɛ Balak a sa ó: nʉa tir a pa bàŋɔ é mpah bé ndɨ edwiibɨ ozyɛm bé a dɨ kpaʼ ɛ, ze timle nye bwa b'Ɨzraɛl. Bɛɛ ntɔʼ de nye, ze saŋɔ nteme bɨmala.

Mɨngwiha 2:20

Sa gwar, mɨ niʼe bɨn baa ebebe. Baa yaa, yé ó: bɨn bɨ nee Yezabɛl zi é l'esama lɨn. Nye egomlo bɨn é bebebebe zi é jɔʼ nye lé elɛɛ ó, nye ó mʉma ngwiha mɨlɔb ɨ. Nye edwe osyɛl o mosa bam sikʉlʉ bɨkʉʉŋʉ, ó bé saʼ bɨmala. Nye enyiŋ be ó, bé deʼ tir a pa bàŋɔ é mpah bé ndɨ edwiibɨ ozyɛm bé a dɨ kpaʼ ɛ.