Lʉkas 16:9 - Kálara Zyɛ̌m Edwán é mpʉ̌n

⁹ Me elɛɛ bɨn ó: dwɛna ga bɨbebebebe bɨ okum e l'ogbaa o si nwa é l'efu ó, bɨn tia efo e bʉr. É jɔʼ okum e l'ogbaa waa, wé ósie e, bé óbɨlan e bɨn é modia mé ódi molu mo mpoʼ mɨmɛh ɛ.

Kálar Nzyɛ̌m : Ejwán é Sáá

⁹ Yésʉs ntɔ̂ʼ lɛ́ɛ ó: «Mě lɛ́ɛ́ bɨ́n ó: nʉaa gá bibɨ́bla bí ókúm le ogbaa ó sí yɨ̂. Jwɛ́náá gá byê, lɨ́ esú ó, bɨ̌n tíaa esó e bʉr. Jɔʼ ókúm le ogbaa waá, wé ósíe yɨ́, bé odil bɨ́n ɨ́ bisaʼ ngá dǐ njʉ̌m dǐ e njʉ̌m dǐ bí.

Lʉkas 16:9 Iomraidhean Croise

Mataos 19:21

Yesʉs ze lɛɛ e nye ó: «Yé be ó, go egwɨm kumo é l'ombɨmbɨa é mɨpaʼ mimyɛh nɛʼɛ, toʼ, to bɛma bim bɨsa go ndɨ e bye e. Go à dwe baanteʼenteʼe o bʉr mɔn tɨ. É jɔʼ yaa ó go óbi okum e l'ogbaa twiha é lal mo Zyɛm ɨ. Pie tɨ, go òze du me.»

Mataos 6:19

«Daʼ maʼ ga okum e l'ogbaa win é si nwa, gumo osyoʼ le myeŋle lé elɨr bɨsɔʼɔ, mɨndiblʉ bʉ mobe le edíbe e.

Mataos 6:24

«Abe e mʉr ndɨ e nkul esea e l'ojwɨ̀ʼa oba é jɔʼ gwar, ebe, nye ónwim nuu, kpɛl nuu; nkʉ ntɔʼ ó, nye ódwaabe nuu; pyeh nuu. No ó, bɨn bé abe e nkul esea e Zyɛm syɛɛ, sea e l'Okum-e-l'ogbaa é jɔʼ gwar.»

Lʉkas 11:41

Dweʼ ga baanteʼenteʼe sa ndɨ é bɨfua bin tʉŋlʉ ɨ. Bɨn bé óbee ó, bɨfua bin bibyɛh, byé ó mɨfwɨʼra é mih mo Zyɛm.

Lʉkas 12:33

Bɛma ga mobi mɨn. Fuʼa ga baanteʼenteʼe o bʉr. Lara ga mɨmpɨʼ bɨmɔn ndɨ ajwɨm ɨ. Maʼa ga okum e l'ogbaa win é jobo kʉ, gumo byé óbe, asie e, ebe, mɨndiblʉ, myé abe e nkul ekunbo e tɨ; osyoʼ nteme ajʉa bye.

Lʉkas 14:14

ǃGo si sa no nɛʼɛ, go ósʉŋɔ mocyɛʼ mo mpom, ebe, bé abe e nkul ebuulo go embɨa lo enɨ. Embɨa laa, lé óka buulɔ ó, é moho ocɨcyel o bʉr, bé ópàh ɛ.»

Lʉkas 16:11

ǃBɨn si kœʼ é l'ozyɛhozyɛh é jɔʼ bɨn lé ebaʼle ozyɛhozyɛh o bɨsa bɨ si nwaʼ nɛʼɛ, ozé, bé óláa ó, bé óbɛm komo-komo mɨmpaŋ bɨsa byɔɔ é mobo mɨn, ó bɨn dɨʼe baʼle be bya?

Lʉkas 16:13

«Abe e syɛl mosa ngwar ndɨ e nkul esea e l'ojwɨʼa oba é jɔʼ gwar, ebe, nye ónwim nuu, kpɛl nuu; nkʉ ntɔʼ ó, nye ódwaabe nuu; pyeh nuu. No ó, bɨn bé abe e nkul esea e Zyɛm syɛɛ, sea e l'Okum-e-l'ogbaa é jɔʼ gwar.»

Lʉkas 16:4

Eee, mɨ gʉa sa me ndɨ e nkul esa ɛ! É jɔʼ me ódimle dia mbɔʼlʉ ekuro yiʼ ɨ, bʉr, bé ódɨ bɨlan e me!”

Mɨlʉmlʉ 10:31

Nye e me ó: “Kɔrnɛl! Zyɛm, nyi joʼo mɨnjwɨʼla myo mbɨmbɨa! Nyi toŋlo mbi go lé egul baanteʼenteʼe e.

Mɨlʉmlʉ 10:4

Nye ze dwɛʼ engles waa é tʉʉʉŋ e bʉa. Nye e nye ó: «Yé mu nyá, Da?» Engles ntɔʼ bɨha e nye ó: «Zyɛm, nyi bɨha mɨnjwɨʼla myo mbɨmbɨa. Nye etoŋlo go ó, ebe ngula go lé egul baanteʼenteʼe e.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Yʉ̂d 1:21

Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.