Lʉkas 16:25 - Kálara Zyɛ̌m Edwán é mpʉ̌n

²⁵ «No ó Abraham a lɛɛ e nye ó: “Mwan wam ɔɔ! Toŋla ó, go a di ó, é dia mopoʼ é jɔʼ go a be e tiʼ yi ɔɔ! Lazar nyɛɛ a kʉ ka di-di ó, njɨ é dia enteʼe ɔɔ! Banana, nye mu ó si poblɔ kaʼ ɔɔ! Gwɔɔ, go esia e mogumba ɔɔ!

Kálar Nzyɛ̌m : Ejwán é Sáá

²⁵ Nó ó Abraham á lɛ́ɛ e né ó: “Mwân wǎm ɔ́, símsáá ó, go á di ó ɨ́ diá mépwaʼ ɨ́ jɔʼ gó á be ɨ́ twiʼ yɨ́ ɔ̌! Lazare nyɨɛ á jaa didi ó, njɨ ɨ́ diá éntéʼe. Ɨ́ báánâ, nye mû ó sí póblɔɔ kâ; gua, go lɨ́ ejóʼo mégunwa.

Lʉkas 16:25 Iomraidhean Croise

Mataos 27:63

Bé e nye ó: «Da, bɨh bé etoŋlo ó, mpʉmpʉl nɨ, é jɔʼ wé a be, wé dina kʉ ɨ, wé a kʉ bana lɛɛ-lɛɛ ó: “É l'elu elɛl, me ópàh.”

Markus 9:45

Yé be ó, kʉ go, wé ó ndɨ esa ó, go duma é l'ebebe nɛʼɛ, laa ó, go diʼe e mokʉ moba mo, ntɔʼ to guhɔ é Bɨ-siʼe, fuo tiʼe we, go toʼ, to bi tiʼ molu mo mpoʼ mɨmɛh, gwɔɔ yɛɛ e titil kʉ. [

Lʉkas 16:20

Guu ndwentuʼ, die le Lazar, nyʉl mɨkɔɔ e mɨkɔɔ e mobor, a ja-ja ó, é l'ebe e mbɛr we si.

Lʉkas 16:23

laa laŋa, to é Bɨ-siʼe. «Fum nye a be é kwar odwè e, nye a be ó njɨ lé esia e bɨntɨʼa. Nye dina tɨʼ nɛʼɛ, nye ze dwɛʼ kʉ, bee Abraham ká ká jaabe, bé e Lazar é mbo ejʉm we.

Lʉkas 16:26

Yʉʉ sɔʼɔ nteme ó yiʼ ɔɔ! Ntabantaba bɨ ndɨ ká si é kwɛʼlɛ yi ɔɔ! Yé ó paʼra wina ɔɔ! No ó, bʉr o ndɨ ekpɛl mʉa ka, to gʉʼ nko bɨn ndɨ ɨ, bé abe e nkul entaa ɔɔ! Bʉr, bé abe e nkul eduho nteme nko bɨn ndɨ nɨ, ze ka, nko bɨh ndɨ yi ɔɔ!”

Lʉkas 6:24

«A vwaʼ e bɨn, mɨkukum, ebe, bɨn bɨ bɛa gbaŋɔ nkul é monyʉl é zi okum e l'ogbaa win.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Rôm 8:7

Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Filipi 3:19

Bé ófuʼla ó, dim cyecye. Bɨsa bɨ ozyɛm bé lé edwiibɨ ɨ, byé ó mɨmo myɔɔ. Bé ekʉ ka gumlo ó njɨ bɨsa ndɨ ebul samle be e, toŋlɔ-toŋlɔ njɨ bɨsa bɨ jobo yi.

1 Tesalonika 3:3

Mpʉ bʉr mu lé edwe bɨn mɨtuu e mɨndɛl é bananaʼ ɛ, bɨh bé a lomo nye ó, bɨn beʼ l'adimle buʼo, duho tɨ. Bɨn bʉr o tɨ, bɨn bé egʉa ó, bɨntɨʼa bɨnɨ, byé ó sa Zyɛm a bɛa tiile é leme we ó, nye ókab bɨna ga ɛ.

Ebrœ̂ 11:25

Laa ó nye tiʼa é l'entwɨʼ e bɨsʉhʉ, nyɛɛ yɛɛ é mpila mɨsyem, nye a fuo mɛʼle ó, nye jaʼra e tuu, bé e bʉʉ bʉr mo Zyɛm.

1 Yʉanes 2:15

Anyamle dwia ga e bɨsa bɨ jobo yi. ǃƗ mʉr si dwia e bɨsa bɨ jobo yiʼ nɛʼɛ, lɛɛ ó, kpɛl mo Zyɛm Sɔŋ, yé apa kœb ja é leme we.

Mɨngwiha 7:14

Me e nye ó: «Da, gwɔɔ ó lé egʉa.» No ó nye a lɛɛ me ó: «Bʉr ba, bé ó baa b'a sia e ntɨʼa nɨnɨ pihe e. Bɨ sohlo bɨdur byɔɔ e motié mo Ma Ntœme. Ebe no ó mɨkan myɔɔ ndɨ é puum ɨ.