Lʉkas 16:23 - Kálara Zyɛ̌m Edwán é mpʉ̌n

²³ laa laŋa, to é Bɨ-siʼe. «Fum nye a be é kwar odwè e, nye a be ó njɨ lé esia e bɨntɨʼa. Nye dina tɨʼ nɛʼɛ, nye ze dwɛʼ kʉ, bee Abraham ká ká jaabe, bé e Lazar é mbo ejʉm we.

Kálar Nzyɛ̌m : Ejwán é Sáá

²³ Nó nye dína témé bintɨ́ʼá ɨ́ bɨ́ siʼe, nye ntɔ̂ʼ dwɛ̂ʼ kʉ́. Nyé ká bee nɛ́ɛ: Abraham ká ká lɨ́ ejaa; Lazare nyɨɛ, ɨ́ mbó éjʉ́m wé.

Lʉkas 16:23 Iomraidhean Croise

Mataos 11:23

A gwɔɔ, Kapernaʉm, zê go óbɨnɔ, to pyal pyala é jobo kʉ ɛ? Tɨtoʼo! Go ófilɔ si, to pyal kwar odwè! Nkʉ mosima mé a syɛɛlɨ bɨn ye e, mé a be ó be, syɛɛlɨ ɨ Sodɔm nɛʼɛ, mpa nkana yaa, yé dina ó tɨ, ze pyal é muh é dobo lɨ.

Mataos 18:9

Yé be ó, dih lo, lé ó ndɨ esa ó, go duma é l'ebebe nɛʼɛ, pɛʼɛ le. Guha le jaabe. Laa ó, go diʼe e mih moba mo, ntɔʼ ka to guhɔ é Bɨ-siʼe ndɨ é diʼa diʼa ɛ, fuo pɛʼ yɛɛ dih lo, myah le jaabe, ebe, yé é bul mbɨa é nko paʼ go ó, go diʼe e ntwan dih, to bi tiʼ molu mo mpoʼ mɨmɛh.»

Mataos 23:33

«Bɨn, kul onyʉa! Bɨn, kampaŋa bɨgurokɔɔ yi! Zê bɨn bé e nkul esyɛhle tiʼa mɨlɔb wé ócen bʉr é Bɨ-siʼe e?

Mataos 5:22

Ebe no, me elɛɛ bɨn ó nɛɛ: mʉr nyiwɛh lé ekpaa empime e mɨɔ we e, nye ótoŋɔ e nye é mpah mɨlɔb. ǃƗ mʉr si lɛɛ e mɨɔ ó: “Go sa gʉʼlʉgʉ yi” nɛʼɛ, nye ótoŋɔ e nye é mih mo Bʉm Nɨnɨ. ǃƗ mʉr si lɛɛ ó “Go sa gʉʼ yi” nɛʼɛ, nye ótoŋɔ e nye é Bɨ-siʼe ndɨ é diʼa ɛ.

Mataos 5:29

«No ó, yé be ó, dih le ejʉm lo, lé ó ndɨ esa ó, go duma é l'ebebe nɛʼɛ, pɛʼɛ le. Laa ó, go diʼe e mih moba mo, go ntɔʼ guhɔ é Bɨ-siʼe, fuo pɛʼ yɛɛ dih, go à myah le, ebe, yé é bul mbɨa é nko paʼ go ó, go dimla yʉʉ fum nyʉl yo gwar, abe ó, nyʉl go nyiwɛh, nye guhɔ é Bɨ-siʼe.

Mataos 8:29

Bé ntɔʼ lɛɛ okʉkʉ ó: «Mwan mo Zyɛm, go esaa yé e bɨh wâ? Zê go lé eze kab bɨh bɨntɨʼa é jɔʼ etiʼ e mɨlɔb l'apa pyal ɨ?»

Lʉkas 16:24

Nye ntɔʼ lwib e nye lé eyɨm twii ó: “Da Abraham ɔɔ! Jwɨʼɨ me nkoo ɔɔ! Lomla me Lazar, nye duba odumo o dine ye é modibe, nye ntaʼ, ze dwe jɨm yam motala ɔɔ! Ebe, me é bul sia e siʼe é mɨnjʉl miʼ ɔɔ!”

Lʉkas 16:28

Ebe, me e l'obɨɔ otɛn ɔɔ. Loma nye ó, nye toʼ, to bal be, ebe, bé amu ze nteme kaʼ é gumo ndɨ é bul gumba yiʼ ɔɔ!”

Lʉkas 8:28

No ó mbea nye a bee Yesʉs ɨ, nye ntɔʼ bahle nkœme, to bɨʼ mpom we si é mih me, ntɔʼ behe Yesʉs. Nye ó: «Yesʉs, Mwan mo Zyɛm ndɨ Lʉ bɨsa bibyɛh nya ɔɔ! Go esaa yé e me ɛɛ? Me ejwɨʼla e go: adwe me ntɨʼa ɔɔ!»

1 Korɛnt 15:55

«Efie ɛ, onkɔɔ go, wé mu nko? Efie ɛ, nkul ejʉ bʉr go, nye mu nko e?»

2 Pyɛr 2:4

Ebe, jɔʼ beengles bé a sa syem ɨ, Zyɛm a baakamle e be. Nye a kʉ ka guho be ó njɨ é Bɨ-siʼe. Nye a dil be gʉʼ é mpila ó, lé ebono dobo le etiʼ e mɨlɔb.

Mɨngwiha 20:10

No ó, Njwɨɨ moleme, mʉr a kʉ gomlo bɨbɛh é bebebebe zi ɨ, nye ómɛrɔ, guhɔ é Bɨ-siʼe. Tɨʼ ó pir lé eduo, adime-dime e. Bé óguho nye ó, é gumo bé a taare guho tir nɨ bé e mpʉmpʉl ngwiha mɨlɔb ɨ. Bé ósia e siʼe yaa tɨ, moho e pum mɨcye, njʉmdia e njʉmdia.