Lʉkas 16:2 - Kálara Zyɛ̌m Edwán é mpʉ̌n

² Nye ntɔʼ jebe nye. Nye e nye ó: “Wáa mbi lɔb me lé ejoʼo-joʼo, tiibe e go wi? Lɛʼla me mpʉ go bi-bi bɨsa byam ɨ, ebe, go abe e nkul eka di mbɔʼlʉ ekuro lam!”

Kálar Nzyɛ̌m : Ejwán é Sáá

² Nye ntɔ̂ʼ jébe nyê. Nye e né ó: “Wáǎ mbǐ lɔ̌b mé dí ejóʼo, dumo e go wɨ̂? Lɛ́ʼláá mé mpʉ gô bibi bísá byâm yɨ́, ebě, gó abe e nkul ekǎ di mbɔ̂ʼlʉ ekúró lâm.”

Lʉkas 16:2 Iomraidhean Croise

Mataos 12:36

Me elɛɛ bɨn ó, é dobo le etiʼ e mɨlɔb, bʉr, bé óto kar é l'efu le ambɛhambɛha ekan lɨlɛh bé a lwib-lwib ɨ,

Mataos 20:8

«No ó, é jɔʼ pum, wé a dwine e, mʉr peme ntɔʼ lɛɛ syɛl mosa we a dɨ jwɨ̀ʼ bʉʉ ó: “Jeba bɨlobila. Go à jɛna e be tɔɔ wɔɔ. Go ótaare jɛna ó e mʉr ze epihe e. Go òka to fwahle e waa ze efoʼ e.”

Lʉkas 12:20

Zyɛm, nye e mʉr waa ó: “Go sa gʉ yi! Muh é pum wi, me ópɛʼ sisim go. Ozé, bé óka liʼ lé ede bɨsa gɨ sil koho biʼ ɛ?”»

Lʉkas 12:42

Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

Lʉkas 16:1

Yesʉs a lɛɛ nteme e l'ompʉn be ó: «Yé a ze be ó, nuu mbil bɨsa bé e mbɔʼlʉ ekuro we. No ó, bʉʉ bʉr, bé a be ó, lé eze-ze, lé eze pur mbɔʼlʉ ekuro, lé elɛɔ-lɛɔ ó, nye a be ó si sam nye bɨsa.

Lʉkas 16:3

No ó mbɔʼlʉ ekuro waa a ze lɛɛ é leme we tʉŋlʉ ó: “Mpʉ njwɨʼa wam lɛɛ ó, nye pɛʼ ó me é dia mbɔʼlʉ ekuro e, me saʼ nyá ɛ? Mɛm apa kʉ be e nkul sea bɨpeme! No nteme ó, yé óbul sa me fwon lé eto le engʉl mode.

Rôm 14:12

Ebe no, mʉr nyiwɛh ndɨ é mbɛr Zyɛm ga wina ɛ, nye ókar é mih mo Zyɛm.

1 Korɛnt 1:11

Obɨɔ ga bam aa! Bʉr o ndɨ mbɛr bʉr mo Kloe ɨ, bɨ lɛɛ me ó, bɨn mu ó lé esa mpɔʼa monkɔm.

1 Korɛnt 4:2

Sa bé lé ejɨ bee boo mbɔʼlʉ ekuro e, yé ó, nye diʼe mʉr ebuʼla.

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

2 Korɛnt 5:10

Ebe, bɨna bé ó yɨma ó, bɨna pyala ga é mih mo Krɨst é dia tiʼà mɨlɔb ye. Mʉr nyiwɛh óbi myɛna nkʉ ntɨʼa ó, du mpʉ bɨsyɛɛla bye, byé a be nye é jɔʼ nye a be, nye dina é tiʼ si nwaʼ ɛ: nkʉ byé a be ó é mbɨa, nkʉ ó, byé a be ó é bebe.

1 Timotɛ 4:14

Anyamle pyeh ndwɛa go, waa Zyɛm a dwe go é jɔʼ ocyɛb be efoʼ o mbɛr Zyɛm win, bé a kɛl go mobo, le egwih mɨlɔb mo Zyɛm é l'efu lo e.

1 Timotɛ 5:24

Mɨsyem mɨ bʉʉ bʉr, myé asa dɨʼ. Myé ebana gʉŋɔ, bʉr baa l'apa dweŋɔ mobe. Bʉʉ bʉr bɛɛ, mɨsyem myɔɔ, myé eka gʉŋa é kpɛhla ó, njɨ é l'epihe.

1 Pyɛr 4:10

Mpʉ mʉr nyiwɛh é l'esama ga lɨna a bi we mbi ndwɛa ɛ, nye bɨlana e ndwɛa we waa é l'efu le efuʼo bʉʉ bʉr o mbɛr Zyɛm win. Dɨʼe sa ga no, ebe, bɨn bé ó obɔʼlʉ o mɨlɔb mo Zyɛm, lé ekab bʉr mocyɛʼ mo mpom mo Zyɛm mɨmbi mɨmbi.

1 Pyɛr 4:5

Bé ófuʼla kar mɨlɔb myɔɔ é l'empom e dia tiʼà mɨlɔb mo Zyɛm. Jɔʼ nye óze tiʼe mɨkubla le odwè mɨlɔb ɨ, yé mu ó kunokuno le epyal.

Mɨngwiha 20:12

Me ntɔʼ bee odwè. É bʉr baa, yé a be ó e bʉr bɨbɛh, taare é baanteʼenteʼe, to pyal é l'osabene. Bé a be ó si cyɛb é l'empom e dia taʼa. Okalara, bé ntɔʼ bɛɔ. Nuu kalara fih ntɔʼ bɛɔ nteme. Nyiha, nye ó kalara tiʼ. Zyɛm ze pahle odwè. Nye a tiʼe mɨlɔb myɔɔ ó, lé edu mpʉ bɨsyɛɛla byɔɔ, byé a be e. Byé a be ó mɨtila é l'okalara be efoʼ baa.