Lʉkas 16:10 - Kálara Zyɛ̌m Edwán é mpʉ̌n

¹⁰ «Mʉr lé egʉa kʉ baʼle bɨsa ndɨ abuo e, nye nteme ókʉ gʉa baʼle ntwiha bɨsa. Ozyɛhozyɛh o bʉr, bé ejeʼe esa lé ebaʼle bɨsa ndɨ abuo e. Bé nteme, bé ójeʼe ebaʼle ntwiha bɨsa.

Kálar Nzyɛ̌m : Ejwán é Sáá

¹⁰ Mʉr dí egwá kʉ́ baʼle bísâ bi dí tîtííǎ bí nyá, nye ntémé ókʉ́ gwá baʼle bísâ bi dí ɨ́ buo buo bí. Mʉr dí esâ syóm lɨ́ ebi bísâ bi dí abuo bí nyá, nye ntémé ósâ syóm ntémé nó ɨ́ jɔʼ nyé ngá bi bísâ ɨ́ buo buo yɨ́.

Lʉkas 16:10 Iomraidhean Croise

Mataos 24:45

«Wáa mʉr é bɨn ndɨ syɛl mosa ebuʼlɔ, waa ndɨ cɨcyoo e? Nye ó waa masa we ócyel é mbɛr we ó, nye diʼe lʉ osyɛl o mosa be e? Nye ó ngo kab bʉr o nduo ye mode mɔɔ é bɨjɔʼ lé ejala ɛ.

Mataos 25:21

«No ó, masa, nye e nye ó: “Yé é mbɨa! Go ó mpaŋ syɛl mosa ebuʼlɔ, ebe, gɨ gʉa ebaʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Mataos 25:23

«No ó masa we a ze lɛɛ e nye ó: “É mbɨa! Go ó mpaŋ syɛl mosa ebuʼlɔ, ebe, go a si gʉa baʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Lʉkas 19:17

«Sabene, nye e nye ó: “Yé é mbɨa. Go ó mpaŋ syɛl mosa. Gɨ gʉa ebaʼle bɨsa ndɨ titia ɛ. Mɨ cyel go njwɨɨ bɨnkana ewʉm.”

Yʉanes 12:6

(Nye a baalɛɛ no ebe nkʉnkoo nye a joʼo baanteʼenteʼe e. Nye a kʉ ka lwib no ó njɨ, ebe, nye a be ó ndiblʉ. Nye ó b'a baʼle ekuro lɔɔ, lé edíbe-díbe sa bʉr, bé a gba-gba tɨʼ ɨ, cyel é we mpɨʼ.)

Yʉanes 13:2

Yesʉs bé e l'ompʉn be, bé a be ó lé ede é bii kʉʼ. É jɔʼ yaa, Njwɨɨ moleme a be ó si cyɛb Yʉdas Iskariot, mwan mo Simɔn, é leme, dwe nye jwɨʼ ó, nye kɛha Yesʉs.

Yʉanes 13:27

Enʉa Yʉdas a kʉ nʉa peh bler yaa nɛʼɛ, cye e cye yaa Satan ntɔʼ ze ni é nye. Yesʉs, nye e nye ó: «Kpahba sa sa go lé egwɨm sa nɨ.»

Ebrœ̂ 3:2

Zyɛm ó b'a cyel Yesʉs é dia njwɨɨ opara ga wina. No ó, Yesʉs a be ó mʉr ebuʼla é mih me, jala e Moyiz a be nteme mʉr ebuʼla, waa a cyelɔ é dia é mbɛr bʉr mo Zyɛm tʉŋlʉ ɨ.