Lʉkas 15:7 - Kálara Zyɛ̌m Edwán é mpʉ̌n

⁷ Me elɛɛ bɨn ó, jwɨʼ gwar yaa nteme ó bé óbul soho é jobo kʉ é jɔʼ syɛl mɨsyem ngwar óbe si gwɨma mobebe me, le edwir leme e. Bé óbul soho é lɔb we, laa mpʉ bé ngbaa soho é lɔb “ocɨcyel o bʉr” mowʉm bu e bu ndɨ amɛʼle ó, bé lé ejala le egwɨma mobebe mɔɔ, le edwir mɨleme e.»

Kálar Nzyɛ̌m : Ejwán é Sáá

⁷ Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Lʉkas 15:7 Iomraidhean Croise

Mataos 18:13

ǃNye si bee ye nɛʼɛ, me elɛɛ bɨn cyecye ó nɛɛ: nye óbul soho ebe ntœme yaa, laa mpʉ nye a ngbaa soho ebe bɨntœme mowʉm bu e bu byé a baapɔhba ɛ.

Mataos 3:8

Ebe no, guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e.

Lʉkas 15:10

Me elɛɛ bɨn ó, jwɨʼ gwar yaa nteme ó bé lé esoho é mih beengles mo Zyɛm é jɔʼ syɛl mɨsyem ngwar ndɨ si gwɨma mobebe me, le edwir leme e.»

Lʉkas 15:29

No ó nye a ze lɛɛ e sɔŋ we ó: “Paʼ bee: mɨ sea go bɨsyɛɛ bɨ elʉa mɨmbu é buobuo. Me dina ó apa pyeh lɔɔ go. Dam be no, go apa dwe me ma tab ngwar, ó bɨh e l'ofo bam bwala zɔɔ!

Lʉkas 15:32

Sa gwar, yé ejala ó, bɨna cyelɨ ga zɔɔ bɨsʉhʉ muh, ebe, ncyomo a be ndwè e, nyi pàh! Nye a si dim zi. Nye mu ó bɨna é mobo!”»

Lʉkas 15:6

Mpula nye óbe, nye mu si bula pyal kwar ɨ, nye óbaŋle ofo be ndwe e bʉʉ bʉr o kwar, lɛɛ e be ó: “Bɨna soha ga, ebe, mɨ bana bee ntœme yam yé a pɔhba ɛ!”

Lʉkas 15:8

Yesʉs ze sa yʉʉ kɨkɛna, lé eyɨm nkpaa. Nye ó: «Yé a ze be ó, mʉma e mɨsaŋ mɨ mɔn ewʉm, saŋ ngwar ze dim. Nye ze tumo elama, gwamle mbɛr. Nye ze taare lé esaa we cɨcyoʼ, cɨcyoʼ, to pyal é jɔʼ nye a bee we e.

Lʉkas 16:15

Yesʉs ntɔʼ lɛɛ e be ó: «Bɨn bé elɛʼle-lɛʼle bʉr ó, bɨn ó ndɨ ocɨcyel. Sa gwar, Zyɛm, nye egʉa mɨleme min! Ebe, sa bʉr lé ebul seʼle e, Zyɛm, nye ebula bene ye mpene-numo.

Lʉkas 5:32

Me a baaze jebe ocɨcyel o bʉr. Me a ze jebe ó osyɛl o mɨsyem, ó bé gwɨma mobebe mɔɔ, le edwir mɨleme.»

Rôm 7:9

Molu pihe, é jɔʼ me a baapa gʉa motie maa ɛ, me nteme a be ó lé etiʼe. To kœb ó, jɨh tɨʼ me a kʉ gʉa motie maa, mé ntɔʼ jɨm Syem é dwo, me ntɔʼ dwè.