Lʉkas 15:2 - Kálara Zyɛ̌m Edwán é mpʉ̌n

² No ó oFarizyɛŋ bé e l'oyeʼle o motie, bé a be ó lé eto le etʉʼra paʼra wɔɔ. Bé ó: «Mbe ga: mʉr nwa, nye ebɨlan e l'osyɛl o mɨsyem! Bé e boo nɔɔ bana de fua gwar!»

Kálar Nzyɛ̌m : Ejwán é Sáá

² Nó ó óFarizyɛ̂n le olɛ̂ʼla o métié, bé á nyimla páʼ nyɔ́ɔ́ ó: «Mʉr nyâ, nye lɨ́ enʉa ósyɛ̂l o mísyóm! Bé e boo nɔ́ɔ́ bánǎ pûhla mébô, de!»

Lʉkas 15:2 Iomraidhean Croise

Mataos 11:19

É jɔʼ yi, Mwan mo Mʉr, nyi ka pyal: nye ede mode le enyʉl monwoʼ. Bé ó: “Dwɛʼa ga. Nwaʼ mʉr, nye ó kʉ be ancyadoʼ, fufwɔʼ monwoʼ, fo onwɨa o tœa, fo bʉr o ndɨ é bul jwɨ̂ʼlɨ e mɨsyem ɨ!” Sa gwar, bʉr, bé eka mɛʼle ó, Zyɛm, nye ó cɨcyel é jɔʼ bé ndɨ ebee ebò e cyen mɨcɨcyoo ndɨ ekœʼ œ.»

Mataos 9:11

Mpʉ oFarizyɛŋ, bé a bee sa yaa ɛ, bé ze dî e l'ompʉn be ó: «Ebe yé yeʼle win lé emɛʼle lé epuhba mobo bé e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Lʉkas 15:3

Yesʉs ntɔʼ sa be kɨkɛna yi. Nye ó:

Lʉkas 19:7

Bʉr bɨbɛh bé a bee syɛɛla yaa ɛ, bé a si to le etʉʼra. Bé ó: «Mʉr nwa, nyi to ja é mbɛr mo mʉr ndɨ é bul jwɨ̂ʼlɨ e mɨsyem ɨ!»

Lʉkas 5:30

OFarizyɛŋ bé e l'oyeʼle o motie bé e boo nɔɔ, bé a be nkɔm ngwar ɨ, bé ze taare lé etooro ompʉn mo Yesʉs, le elɛɛ ó: «Ebe yé bɨn lé emɛʼle lé ede mode le enyʉl monwoʼ, bɨn lé epuhba mobo e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Lʉkas 7:34

É jɔʼ yi, Mwan mo Mʉr, nyi ka pyal: nye ede mode le enyʉl monwoʼ. Bɨn bé ó: “Dwɛʼa ga. Nwaʼ mʉr, nye ó kʉ be ancyadoʼ, fufwɔʼ monwoʼ, fo onwɨa o tœa, fo bʉr o ndɨ é bul jwɨ̂ʼlɨ e mɨsyem ɨ!”

Lʉkas 7:39

No ó, é jɔʼ Farizyɛŋ a baŋle Yesʉs ɨ, a bee syɛɛla yaa ɛ, nye ntɔʼ taare lé elwib é leme we tʉŋlʉ ó: «Nkʉ mʉr nwaʼ a be ó be, be ngwiha mɨlɔb cyecye nɛʼɛ, mpa nyi gʉa ó, mʉma lé ekuna e nye nwa, nye ó é bul jwɨ̂ʼlɨ e mɨsyem!»

Mɨlʉmlʉ 11:3

Bé e nye ó: «Go a si ni mbɛr, di tɨ, bɨn e bʉr o b'a baapa saŋɔ mpʉn ɨ. Bɨn e boo nɔɔ nteme, bé a si bana puhba mobo, de fua gwar!»

Galásia 2:12

É l'etɔɔrʉ, bé e bʉr o bɨkul bɨfih, bé a de-de mode ó, lé epuhba mobo gumo gwar. Pie tɨʼ nɛʼɛ, Jacques ze lomo bʉr gʉ. É jɔʼ mɨlʉmlʉ mye myaa, myé a pyal ɨ, Pyɛr ntɔʼ dulo nyʉl, aka puhba mobo, bé e bʉr o Antios. Yé a pyal nye no ó, é bʉa nye a joʼo obuʼla bé a gwɨm tine bʉʉ bʉr ó, bé saʼ mpʉn ɨ.

1 Timotɛ 1:15

Lɔɔ wi, wé ó lɔɔ ebuʼla, waa bʉr bɨbɛh lé ejala le emɛʼle e: Yesʉs-Krɨst a ze kaʼ é si nwaʼ ó, nye ntaʼ, ze dwe osyɛl o mɨsyem tiʼ molu mo mpoʼ mɨmɛh. No ó, é sama osyɛl o mɨsyem yaa, mɛm ó b'a be si sahle!