Lʉkas 14:21 - Kálara Zyɛ̌m Edwán é mpʉ̌n

²¹ Syɛl mosa waa ntɔʼ fiʼ, to lɛɛ sɔŋ we mɨnkar myɔɔ mimyɛh. Mʉr mbɛr ntɔʼ kpaa empime. Nye ó: “Kpahba to é mɨmpaʼa ndwe e mozi mo nkana, lé eto le ejebe baanteʼenteʼe bé e baanya-bɨjyɛm, ontim ndwe e baa lé etɨa ɛ. Go ntaʼ e bɨbɛh wâ.”

Kálar Nzyɛ̌m : Ejwán é Sáá

²¹ Syɛ̂l mesâ waá ntɔ̂ʼ swîʼ, tó lɛ́ɛ sɔ́ŋ wé minkar myɔ́ɔ́ mímyɛ̂h. Lémé mʉ̂r mbɛ̌r ntɔ̂ʼ lóno ɨ́ nkpaa. Nye ó: “Kpáhwá tô ɨ́ minkpǎʼ ndu e menzɨ̌ mé nkana, lɨ́ etô le ebáŋle míndyêbndyéb, bé e bʉr o dí e bidyɛ̂m bá, baántím ndu e baá o dí etɨ́a bá. Go e nzé e bɨ́bɛ̂h wâ.”

Lʉkas 14:21 Iomraidhean Croise

Mataos 11:28

«Ntaʼ ga boo me, bʉr bɨbɛh mu si cyɛʼ lé enkɛɛ bɨdiledile mɨmbeʼ e. Me ódwe bɨn egbala.

Mataos 11:5

Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé epɛʼɔ sa ndɨ elœʼ be é mih mo Zyɛm ɨ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Mataos 15:12

Ompʉn mo Yesʉs ze dihle fum nye a be e. Bé e nye ó: «Zê gɨ gʉa ó, sa go lɛɛ oFarizyɛŋ nɨ, yé si bɨm be ebɔʼ é mɨleme ɛ?»

Mataos 18:31

Bʉʉ bʉr o nduo yɔɔ, bé ntɔʼ liʼ é gœʼra-gœʼra e mocyɛʼ mo nyʉl ebe sa bé a bee lé esyɛɛlɨ ɨ, bé ntɔʼ to bee tî wɔɔ, taŋlɔ nye mpʉ sa yiyɛh, yé a laa ɛ.

Mataos 20:7

Bé ze bɨha e nye ó: “Ebe, mʉr baabaŋle bɨh bɛɛ ó, bɨh toʼ, to sea é peme ye.” Nye e be ó: “Bɨn bɛɛ nteme, laŋa ga. Toʼ, to sea ga é peme yam!”

Lʉkas 14:13

Saʼ ó, é jɔʼ go muno ze cyel dina ɛ, baŋla baanteʼenteʼe, baanya-bɨjyɛm, bʉr lé etɨa ɛ, ndwe e l'ontim.

Lʉkas 14:20

Waa lɛl, nye ó: “Me lwanbe kʉ ba mʉma! Ebe no, me abe e nkul eze.”

Lʉkas 14:22

Pie tɨ, syɛl mosa wé ntɔʼ bâʼle lɛɛ e nye ó: “Da, mɨ sa mpʉ go lɛɛ ó, me saʼ ɛ. Sa gwar, byʉʉ bɨdia, byé dina ó otɨtoʼo.”

Lʉkas 14:24

Ebe, me elɛɛ bɨn ó: é sama bʉr me a taare baŋle e, abe e mʉr ngwar óka boblo mode mo dina wam!”»

Lʉkas 24:47

Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

Lʉkas 9:10

É jɔʼ mɨlʉmlʉ mo Yesʉs, myé a ka bula ɛ, myé ntɔʼ taŋle nye sa yiyɛh myé a sa ɛ. Nye ntɔʼ nʉa mye, to e mye é gumo bé toʼ di bé ome e. Yé a be ó paʼ zi kwar ndɨ e die ó, Betsɛda ɛ.

Yʉanes 9:39

Yesʉs, nye ó: «Me a ze kaʼ é si nwaʼ ó, lé eze dwe bʉr o ndɨ egumo e si waa ɛ, mobe. Me a ze sa ó, ontim, bé beŋɨ; baa lé ebee e, bɛɛ lihba ontim.»

Ebrœ̂ 13:17

Saʼ ga ocyɛb be efoʼ bɨn mojoʼo. Filɨ ga monyʉl si e be, ebe, bɛɛ ó ndɨ edwiile mɨsisim min. Bé ó ngo to lɛɛ Zyɛm mpʉ bɨn bé a kœʼ ebò e cyen ɨ. ǃBɨn si sa be mojoʼo nɛʼɛ, bé ósea syɛɛ yɔɔ e bɨsʉhʉ. Yé baabe no nɛʼɛ, bé ójoʼo mompime. Syɛɛla yaa, abe bɨn e nyɔm.

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Mɨngwiha 19:15

Fòŋ ndɨ njèba é bɛbla bɛbla é lya-lya-lya ɛ, wé a si duho nye é nʉm, ebe, nye ósyɛble bɨkul bibyɛh e we. Nye ópala bʉr o bɨkul ó e jwɨɨ é lele lele mpʉ fumo nkoho. Nye óman be mpʉ bé lé eman-man mpumo é l'epar ɨ. É mbi waa ó yé ólɛʼle mpʉ leme mo Zyɛm Nkul nyiwɛh, wé a be lwɨŋla e l'empime é lurʉdʉ ɨ.

Mɨngwiha 22:17

No ó Mbɨambɨa Sisim bé e mʉma mo Ma Ntœme, bé elɛɛ ó: «Ntaʼ.» Ndwe nteme, mʉr lé ejoʼo e, nye lɛŋɨ nteme ó: «Ntaʼ.» Mʉr lé ejoʼo dweh modibe e, nye ntaʼ. Waa nyiwɛh lé ekpɛl ɨ, nye ntaʼ, ze daale modibe mo tiʼ, abwam.